Пікір 10-сынып оқушысы Г.Әмірбек зерттеу жұмысында алдымен «Фибоначчи сандары»

10-сынып оқушысы Г.Әмірбек зерттеу жұмысында алдымен «Фибоначчи сандары» дегеннің қандай сандар екендігіне нақты мысалдармен түсінікті түрде тоқтала келіп, оның зерттелу тарихына мәлімет бере кеткен. Жұмыстың ең маңызды тұстары «Фибоначчи сандарының» керемет құпияларын ашып көрсеткен. Мәселен Фибоначчи сандарының қоршаған ортада, планетада, космос жүйесінде, тірі организмдердің гендік құрылымында бар екенін анықтаған. Өсімдіктердің спиральдарының сандары мен Фибоначчи қатарының таң қаларлық байланысын керемет мысалдармен көрсете білген. Сонымен қатар, бұл сандардың адам құрылымында да маңызды орын алатын тұстарын айқындап көрсеткен. Қарағай қалпақшасы, ұлу қабыршағы, мұхиттың толқыны, циклон мен галактика бұлттары - барлығы логарифмдік спирал құрайтынына түрліше мысалдар келтірген. Таң қаларлығы барлық құбылыстар 1,618 коэффициентін құрайтынын ерекше ашып көрсеткен.

Жалпы оқушы жұмысы жан-жақты ізденісті, ғылымға деген қызығушылықты көрсетеді.

Жұмыс аудандық ғылыми жобалар жарысында қорғалып, өз бағасын алып, І орынға ие болған. Ғылыми жоба жетекшісі ретінде оқушым жұмысын толық қорғай алады деген сеңіммен облыстық ғылыми жоба жарысында ұсынуға лайық деп есептеймін.