Единый тарифно-квалификационный справочник

жүктеу 4,71 Mb.

бет	17/22
Дата	29.05.2018
өлшемі	4,71 Mb.
	#18175

1 ... 14 15 16 17 18 19 20 21 22

Білуге тиіс: сыналатын ток көздерінің құрылымы және қолдану принципі; қолданылатын сынау жабдықтарының құрылысы және байланыстыру тәсімдері; сынау нәтижелерін өңдеу әдістемесі; орындалатын жұмыс шегінде электр техника және техника негіздері.
6. Ток көздерін сынаушы

5-разряд

Жұмыс сипаттамасы. Екі жүктеу тізбегі арнайы тағайындалған аккумуляторлардан немесе элементтерден тұратын және әсер ететін немесе электрмен қыздыру жүйесі, екі жүктеу тізбегі бар ток көздерін сынау және сынаудың көп компонентті режимі. Сынау құралдарының жұмыс істеуін тексеру және оларды жұмыс режиміне теңшеу. Ток көздерін сынаудың үлгілік тәсімдерін есептеу.

Білуге тиіс: сыналатын ток көздерінің құрылымы; сынау құралдарын қолдану принципі және пайдалану; ток көздерін сынау және сынау процесінде алынатын ақпаратты өңдеу әдістемесі; орындалатын жұмыс шегіндегі электроника және өлшеу техникасы негіздері.
7. Ток көздерін сынаушы

6-разряд

Жұмыс сипаттамасы. Әсер ететін және көп компонентті сынау режимінде жүйелі тәжірибелік және экспериментальды ток көздерін сынау. Сынау жабдық кешенін басқару. Сынау процесінде алынған ақпаратты өңдеу. Төмендеу білікті сынаушыны басқару.

Білуге тиіс: тәжірибелік және экспериментальды ток көздерінің құрылымы; тәжірибелік және экспериментальды ток көздерін сынауда қолданылатын құрылғылардың құрылымдық ерекшеліктері, ток көздерін сынау және бақылау әдістері; орындалатын жұмыс шегінде өлшеу және электронды есептеу техниканы қолдану принципі.

Орта кәсіптік білім талап етіледі.

8. Сынаушы қалыптаушы

2-разряд

Жұмыс сипаттамасы. Анағұрлым жоғары білікті қалыптаушының басшылығымен қалыңдығы 2,2 мм-ден асатын электродтарды, 1 кг-ға дейін массадағы қорғасын аккумуляторлар, сілтілік аккумуляторлар мен элементтерді қалыптастыру, сынау немесе жаттықтыру процесін жүргізу. Электродтарды қалыптағыш бұлауларға толтыру және оларға электролит құю. Бұлау айнасына көбік жасайтын жапсырма жағу. Дискілік аккумулятор батареясын жаттықтыру.

Білуге тиіс: қызмет көрсетілетін жабдық құрылғысы мен қызметі, аккумулятор пластиналарының үлгілері мен полярлығын айқындау белгілері; толтыру әдісі; электролитпен жұмыс істеу ережесі.
9. Сынаушы қалыптаушы

3-разряд

Жұмыс сипаттамасы. Қалыңдығы 2,2 мм-ден асатын электродтарды, 1 кг-ға дейінгі массадағы қорғасын аккумуляторлар, сілтілік аккумуляторлар мен элементтерді қалыптастыру, сынау немесе жаттықтыру процесін жүргізу. Электродтарды қалыптастыру топтарына біріктіру және бұлауларға қалау. Автоматты электролит беру. Сыртына қарай электродтарды қалыптастыру процесінің аяқталуын және сапасын айқындау. Қалыптастыру топтарын бөлшектеу. Электродтарды белгілі бір қашықтықта ілу. Оларды тоннельді конвейерлік кептіргіштерде кептіру. Ақау себептерін және сыналатын үлгілердің дұрыс жұмыс істемеуін айқындау. Сынау жүргізу үшін қажетті аспаптарды іріктеу және тексеру.

Білуге тиіс: қызмет көрсетілетін жабдықты қолдану принципі және басқару ережесі, қалыптастыру топтарының құрылғысы және орналасуы; кептіру әдістері; сілті және қышқылдардың негізгі қасиеттері; электродтардың жарамдылық белгілері.
10. Сынаушы қалыптаушы

4-разряд

Жұмыс сипаттамасы. Орташа күрделіктегі қалыңдығы 1,9 мм-ден 2,2 мм-ге дейінгі электродтарды, 1 кг-нан 5 кг-ға дейінгі массадағы қорғасын аккумуляторлар, сілтілік аккумуляторлар мен элементтерді қалыптастыру, сынау немесе жаттықтыру процесін жүргізу. қалыптастыру бұлауларын конвейерлерге монтаждау және орнату. Электродтарды қалыптастыру бұлауында дәнекерлеу әдісімен параллельді біріктіру. Электр тізбегін құрастыру және ондағы болатын ақаулықтарды жою. Қалыптастыру және кептіру процесін бақылау-өлшеу аспаптарының көрсеткіштері бойынша реттеу. Қалыптастыру процесінің аяқталуын есептеу. Қалыптастыру немесе элементтер мен батарея аккумуляторларын сынау учаскелерінде жұмыстың орындау сапасын тексеру. Технологиялық құжаттаманы жүргізу.

Білуге тиіс: бұлаулар мен электродтарды біріктірудің электрлік тәсімі; бақылау-өлшеу аспаптарының қызметі және пайдалану ережесі; электр тізбектердегі ақаулықтарды жою әдістері; ток күшін реттеу тәсілдері; электр химиясы негіздері; кептіру режимі; құжаттама жүргізу ережесі.
11. Сынаушы қалыптаушы

5-разряд

Жұмыс сипаттамасы. Қалыңдығы 1,9 мм-ге дейінгі электродтарды, 5 кг-нан асатын массадағы қорғасын аккумуляторлар, күрделі сілтілік аккумуляторлар мен элементтерді қалыптастыру процесін жүргізу. топтарға қалыптастыру және жаттықтыруға арналған аккумуляторларды орнату. Электр тәсімін монтаждау. Сумен салқындату жүйесін дайындау және реттеу. Электролитті тығыздығы бойынша түзете отырып жаттықтырылатын зарядтау разрядтау циклін жүргізу. Электролитті араластыру, аккумулятордағы су мен электролитті барлық циклда тартып алып немесе қосымша құйып отыру. Вольтамперлік сипаттамаларды, электролит температурасын, тығыздығын кезеңімен алу және тіркеу. Электрлік сынамаларға топтарды дайындау.

Білуге тиіс: аккумуляторларды жаттықтыру әдістері; бақылау-өлшеу аспаптарының құрылымы; температуралық процесс режимі; электр тәсімдерін монтаждау тәсілдері; сумен салқындату жүйесін дайындау және қызмет көрсету ережесі.
12. Аккумулятор және элемент өндірісіндегі бақылаушы

2-разряд

Жұмыс сипаттамасы. Жай жартылай фабрикаттарды және даяр бұйымдарды сыртына қарай технологиялық құжатнамадағы сызбаларға, тәсімдерге сәйкес бақылау және соңғы қабылдау. Құрастыруға түсетін бөлшектер мен тораптардың сапасын айқындау. Қызмет көрсететін учаскедегі ақауларды сыныптау, олардың пайда болу себептерін орнату, олардың алдын алу және жою шараларын қабылдау. Даяр бұйымдар мен жартылай фабрикаттардың дұрыс сақталуын бақылау. Қабылданған және іріктелген өнімнің техникалық құжаттамасын рәсімдеу.

Білуге тиіс: жартылай фабрикаттар мен даяр бұйымдардың түр-түрі; құрылымы және қызметі; бақылау түрі; ақаудың негізгі түрлері; қабылдау-тапсыруды ресімдеу ережесі.
13. Аккумулятор және элемент өндірісіндегі бақылаушы

3-разряд

Жұмыс сипаттамасы. Орташа күрделіктегі жартылай фабрикаттарды және даяр бұйымдарды сызбалар, техникалық шарттар және мемлекеттік стандарттар бойынша бақылау және соңғы қабылдау. Әмбебап бақылау-өлшеу аспаптарын пайдалана отырып жартылай фабрикаттар мен даяр өнімдерді габариті, герметикалығы және қысқа тұйықталуы бойынша тексеру. Күрделі жартылай фабрикаттарды, бөлшектерді, тораптарды, даяр өнімдерді, токтың физикалық және химиялық көздерін операция кезінде бақылау. Ақауларды түріне қарай сыныптау. Оның пайда болу себептерін анықтау және оны уақытында жою шараларын қабылдау.

Білуге тиіс: бақылау-өлшеу аспаптарын пайдалану ережесі; өндіріс процесі және бақыланатын жартылай фабрикаттар мен бұйымдардың құрылысы; бөлшектер мен даяр өнімді қабылдаудың техникалық шарттары мен мемлекеттік стандарттары; ақауды болдырмау әдістері.
14. Аккумулятор және элемент өндірісіндегі бақылаушы

4-разряд

Жұмыс сипаттамасы. Күрделі және ерекше күрделі жартылай фабрикаттар мен даяр өнімдерді бақылау және түпкілікті қабылдау. Жартылай фабрикаттар мен даяр өнімдерді бақылау-өлшеу аспаптарының көмегімен габариті, герметикалығы, кедергісі, оқшаулануы және қысқа тұйықталуының болмауын тексеру.

Білуге тиіс: бақылау-өлшеу аспаптарын пайдалану ережесі; даяр бұйымдар мен жартылай бұйымдарды құрастыру және бөлшектеу тәсілдері; қабылданған және іріктелген өнімдегі ақаудың алдын алу, есеп жүргізу және есептілік бойынша жұмыстарды орындау; электр техникасының негізгі заңдары.
15. Аккумулятор және элемент өндірісіндегі бақылаушы

5-разряд

Жұмыс сипаттамасы. Арнайы химиялық және физикалық ток көздерінің күделі электр тәсімді техникалық шарттарға, нұсқаулықтарға, сызбаларға сәйкестігін бақылау. Вольтамперлік сипаттамаларын алу үшін принципиалды электр тәсімдерді құрастыру. Электрмен қозғалатын күшті оқшаулау сыйымдылығын, кедергісін арнайы стенділер мен жабдықтарды пайдалана отырып өлшеу. Өлшемдердің нәтижелерін талдау. Кешенді формулалар бойынша алынған деректерді қайта есептеу.

Білуге тиіс: күрделі және дәлме-дәл электронды бақылау-өлшеу аспаптарының құрылымы, қызметі және пайдалану ережесі; тексерілетін бұйымдардың құрылысы; ақауларды табу және алдын алу негіздері; арнайы химиялық және физикалық ток көздерін қабылдаудың техникалық шарттары мен мемлекеттік стандарттары.
16. Диірмен машинисі

3-разряд

Жұмыс сипаттамасы. Анағұрлым жоғары білікті машинистің басшылығымен аккумулятор өндірісіне арналған қорғасын ұнтақ жасау және механизацияланған диірмен құрылғыларда агломератты масса жасауға кететін мен материалдар, шикізат және жартылай фабрикаттарды тарту. Шикізат және жартылай фабрикат орнатуды кезең-кезеңмен толтыру. Оларды белгілі бір тартуға дейін ұсату және оларды тарадан түсіру. Бункердегі тараны ауыстыру. жабдықтың ысқыланатын бөліктерін майлау.

Білуге тиіс: диірмен құрылғыларды қолдану принципі және басқару ережесі; шикізат және жартылай фабрикаттарды тиеу ережесі; тарту циклінің ұзақтығы.
17. Диірмен машинисі

4-разряд

Жұмыс сипаттамасы. Аккумулятор өндірісіне арналған қорғасын ұнтақ жасау және түрлі құрылымдағы механизацияланған диірмен құрылғыларда агломератты масса жасауға кететін мен материалдар, шикізат және жартылай фабрикаттарды тарту. Диірмен құрылғыны белгілі бір температураға дейін қыздыру. Шикізаттар мен жартылай фабрикаттарды транспортерлік таспаның көмегімен берілген деңгейге дейін толтыру. Барабанның айналу жылдамдығын реттеу. Жинақтағыш тараға қорғасын ұнтағын жинау және тасымалдау. Қызмет көрсететін жабдықты баптау. Журналдағы жазбаларды жүргізу.

Білуге тиіс: механизацияланған диірмен құрылғылар мен қызмет көрсететін жабдық құрылғысы; жұмыс режимі; жабдықтарды баптау тәсілдері; шикізат және жартылай фабрикат маркалары.
18. Диірмен машинисі

5-разряд

Жұмыс сипаттамасы. Аккумулятор өндірісіне арналған қорғасын ұнтақ жасау және автоматты диірмен құрылғыларда элемент өндірісінде агломератты масса жасауға кететін мен материалдар, шикізат және жартылай фабрикаттарды тарту.шикізат және жартылай фабрикаттарды кезең-кезеңімен толтырып отыру. Құрылғыны жұмыс режиміне шығару. Токты және айналу жылдамдығын бақылау-өлшеу аспаптарының көрсеткіштері бойынша реттеу. Талдауға сынама алу. Даяр ұнтақты конвейерге автоматты түрде жинау және тасымалдау. Жабдық жұмысындағы ақаулықтарды айқындау және жою. Технологиялық құжатнама жүргізу.

Білуге тиіс: құрылғылар мен көтергіш көлік механизмдерінің құрылымы; жабдық жұмысының режимі; бақылау-өлшеу аспаптарын пайдалану ережесі; шикізат және жартылай фабрикаттардың қасиеті, құжатнама жүргізу ережесі.
19. Белсенді масса дайындаушы

2-разряд

Жұмыс сипаттамасы. Анағұрлым жоғары білікті белсенді масса дайындаушының басшылығымен паста тәріздес, ұнтақ тәріздес белсенді және электр өткізгіш массаларды дайындау. Металл ұнтақтар мен басқа да материалдарды түрлі құрылымды механикалық вибрациялық електерден өткізу. Никель шала тотығы гидратын кептіру агрегаттарында кептіру. Материалдарды электр пештерде термоөңдеу. Белсенді масса жасау агрегаттарын толтыру кезінде электр өткізгіш компоненттерді мөлшерлеу. Механизмдерді басқару және паста тәріздес және ұнтақ тәріздес белсенді массалардың түрлерін жасауда қолданылатын араластырғыштарға, бұлғауыштарға, дисмембраторлы және өзекшелік диірмендерді, біліктерді, пісіру қазандықтарын, вибрациялық електерге, электр пештерге және басқа да агрегаттарға жабдыққа қызмет көрсету. Даяр массаны өлшеп орау. Технологиялық процесті орындауды тіркеу журналын жүргізу.

Білуге тиіс: паста тәріздес және ұнтақ тәріздес белсенді және электр өткізгіш масса дайындау жөніндегі агрегаттарды және қызмет көрсетілетін жабдықтың қоректендіргіштерін қолдану және реттеу принципі; орташа күрделіктегі әмбебап және арнайы айлабұйымдар мен бақылау-өлшеу аспаптардың қызметі және пайдалану ережесі; камералық және вакуумды кептіргіштерді толтыру және босату ережесі, компоненттерін елеу және мөлшерлеу тәсілдері; материалдарды термоөңдеудің температуралық режимі; бастапқы шикізат мен шығарылған өнімнің қасиеті, сақтау және тасымалдау ережесі; жұмыс процесінде пайдаланылатын сілтілер және электролитті ұстау ережесі.
20. Белсенді масса дайындаушы

3-разряд

Жұмыс сипаттамасы. Паста тәріздес, ұнтақ тәріздес белсенді және электр өткізгіш массаларды дайындау. Анағұрлым жоғары білікті белсенді масса дайындаушының басшылығымен металл керамика және фольгалық технология үшін белсенді және электр өткізгіш массаларын дайындау. Үздіксіз айналып тұратын түтікті пештерде кен концентраты мен темір тотығын қалпына келтіру. Темір тотығын камералық және вакуум кептіргіштерде кептіру. Агломерат массаны тығыздау. Белсенді масса жасау агрегаттарын іске қосу және бақылау аппаратурасын басқару. Белсенді массаларды таңбалау және құжаттандыру. Жұмыс процесінде агрегаттарды баптау.

Білуге тиіс: кептіргіш және басқа да агрегаттардың құрылымы және баптау тәсілдері, орташа күрделіктегі әмбебап және арнайы айлабұйымдардың және бақылау-өлшеу аспаптарының құрылымы; қолданылатын белсенді масса рецептурасы; компоненттерді мөлшерлеу және толтыру тәсілдері.
21. Белсенді масса дайындаушы

4-разряд

Жұмыс сипаттамасы. Паста тәріздес, ұнтақ тәріздес белсенді және электр өткізгіш массаларды белсенді және электр өткізгіш масса нөмірлерін жиі ауыстыра отырып, дайындау. Металл керамика және фольгалық технология үшін белсенді және электр өткізгіш массаларын дайындау. Түрлі агрегаттар мен механизмдерді басқару. Жұмыс процесінде агрегаттарды баптау. Қызмет көрсетілетін жабдықты жөндеуге қатысу.

Білуге тиіс: түрлі үлгідегі агрегаттар мен механизмдердің құрылысы және баптау тәсілдері; күрделі және дәлме-дәл аспаптар мен құралдардың құрылымы, қызметі және пайдалану ережесі; компоненттер санын есептеу ережесі; оларды мөлшерлеу тәсілдері және толтыру тәртібі; процестердің температуралық режимі; белсенді және электр өткізгіш масса консистенциясын түзету тәсілдері; олардың дайындығын айқындау; шикізат пен даяр өнімді сақтау және тасымалдау ережесі.
22. Белсенді масса дайындаушы

5-разряд

Жұмыс сипаттамасы. Автоматика элементтері бар химиялық ток көздеріне арналған паста тәріздес, ұнтақ тәріздес белсенді және электр өткізгіш массаларды белсенді және электр өткізгіш массаны жартылай автоматтарда дайындау. Аспап көрсеткіштерін қадағалау. Компоненттер санын есептеу, оларды мөлшерлеу және толтыру. Жартылай автоматтарды кезең-кезеңімен майлау, баптау.

Білуге тиіс: жартылай автоматтарда паста тәріздес және ұнтақ тәріздес белсенді және электр өткізгіш массаларды өндіру процесі; құрылысы, кинематикалық тәсімдері мен баптау тәсілдері; жартылай автоматтарды баптау және майлау; басқару пульттарының жұмыс ережесі.
23. Ерітінді және электролит дайындаушы

2-разряд

Жұмыс сипаттамасы. Рецептілер бойынша екі компоненттік қоспаға дейін концентрацияланған қышқыл, ерітінді, құрамдас электролит, жалпы және арнайы тағайындалған электролитті паста дайындау. Жұмыс процесінде қолданылатын жабдыққа қызмет көрсету, тазарту және шаю. Технологиялық процестің орындалуын тіркеу журналын жүргізу.

Білуге тиіс: қызмет көрсетілетін жабдықтың атауы және қызметі; бақылау-өлшеу аспаптың қызметі және пайдалану ережесі; қышқыл, сілті және де басқа заттар туралы негізгі мәліметтер және олармен жұмыс істеу ережесі; операциялардың тәртібі және кезектілігі; олардың дайындығы мен сапасын айқындау тәсілдері.
24. Ерітінді және электролит дайындаушы

3-разряд

Жұмыс сипаттамасы. Рецептілер бойынша екеуден артық төрт компоненттік қоспаға дейін концентрацияланған қышқыл, ерітінді, құрамдас электролит, жалпы және арнайы тағайындалған электролитті паста дайындау. Кезеңдік қолданылатын жабдықтарда ерітінділерді сүзгілеу, түзету және тұндыру. Никель шала тотығы гидратын тұндыру процесін жүргізу. ерітінділерді арнайы берілген режим бойынша дайындау. Электролиттерді түзету және регенерациялау. Пасталарды қойылтуға арналған химикаттар мен өнімдердің берілген пропорцияда мөлшерлеу және оларды сыйымдылықтарға толтыру. Талдауға сынама алу, артық сілтіні титрлеумен айқындау. Жұмыс уақытында қолданылатын жабдыққа қызмет көрсету.

Білуге тиіс: арнайы айлабұйымдардың және бақылау-өлшеу аспаптарының құрылымы және қолдану принципі; тұз, қышқыл, сілті және де басқа заттардың техникалық қызметі және қасиеттері; оларды сақтау, тасымалдау ережесі және олардың сапасын айқындау тәсілдері; мөлшерлеу, түзету және регенерациялау тәсілдері; бейорганикалық химия негіздері.
25. Ерітінді және электролит дайындаушы

4-разряд

Жұмыс сипаттамасы. Рецептілер бойынша төртеуден асатын компоненттік қоспаға дейін концентрацияланған қышқыл, ерітінді, құрамдас электролит, жалпы және арнайы тағайындалған электролитті паста дайындау. Кезеңдік қолданылатын жабдықтарда ерітінділерді сүзгілеу, түзету және тұндыру. Күмісті тұндыру, айырып алу және кептіру. Қышқыл мен сілтінің санын, және соған қажет реактивтерді концентрациялауды алдын ала есептеп бейтараптандыру. Жабдықтарды баптау.

Білуге тиіс: қызмет көрсетілетін жабдықтардың құрылымдық ерекшеліктері, бақылау-өлшеу және реттеу аспаптарының қызметі және пайдалану ережесі; түрлі материалдар мен химикаттардың қызметі мен қасиеті; металдың қорғау және декоративтік қабаттарының гальваникалық процестері, талдау және есептеу жүргізу әдістемесі.
26. Ерітінді және электролит дайындаушы

5-разряд

Жұмыс сипаттамасы. Көп компоненттік қосудың технологиялық процесіне сәйкес концентрацияланған қышқыл, ерітінді, құрамдас электролит, жалпы және арнайы тағайындалған электролитті паста дайындау. Автоматика элементтері бар жартылай автоматтарда ерітінділерді сүзгілеу, түзету және тұндыру және регенерациялау. Аспаптардың көрсеткіштерін қадағалау. Үздіксіз сүзгілейтін сорғы тоңазыту агрегаттарының және автоматты құрылғылардың жұмысын бақылау. Жабдықтарды баптау.

Білуге тиіс: жартылай автоматтардың құрылымы, кинематикалық тәсімдері және баптау ережесі; түрлі қолданылатын ерітінділерді сынау тәсілдері; күрделі бақылау-өлшеу аспаптарының құрылысы, қызметі және пайдалану практикасы.
27. Ламельсіз аккумуляторлар мен элементтер электродшысы

1-разряд

Жұмыс сипаттамасы. Электродтарды құрастыруға және конфигурациясы бойынша барынша қарапайым ток бұрмаларын ламельсіз аккумуляторлар үшін оларды қолмен оқшаулай отырып құрастыруға және оқшаулауға дайындау жөніндегі жұмыс кешенін сызбаларға сәйкес шаблон бойынша немесе арнайы айлабұйымдардың көмегімен орындау.

Білуге тиіс: кеңінен таралған қарапайым айлабұйымдар мен бақылау-өлшеу аспаптарының қызметі мен пайдалану ережесі, өңделетін материалдардың атауы.
28. Ламельсіз аккумуляторлар мен элементтер электродшысы

2-разряд

Жұмыс сипаттамасы. Ламельсіз аккумуляторларға және элементтерге арналған конфигурациясы бойынша күрделі пластиналы немесе өткізгішті ток бұрмаларын шаблон бойынша немесе арнайы айлабұйымдардың көмегімен жасау. Екі тотықты қорғасын, амальгамирленген мырыш және басқа да белсенді қабатты түрлі металдардан жасалған жай электродтарды, сондай-ақ шыны матадан жасалған, күкірт қышқыл қорғасын, хлорлы литий тұздарымен сіңдірілген электродтар үшін дайындамалар мен бөлшектерді қалыптау. Электродтарды тазарту. Электродтарды карбонаттардан және хлоридтерден ультрадыбысты құрылғыда арылту. Күміс жолақтарды автоматта кейіннен карточкаларға кесу (перфорациялау). Электродтарға топырақ, эмаль, лак жағу. Электрод дайындамаларына контактілі планкалар мен бұрмаларды пісіру. Пісіру, орау және желімдеу жолымен капрон және басқа да сепарациямен ток бұрмаларын оқшаулау және электродтарды сепарирлеу.

Білуге тиіс: сығымдағыштарды, гильотинді қайшыларды, нүктелік пісіру аппараттарын, муфталық пештерді қолдану принципі, электродтарды тазалау және шаю ережесі; орташа күрделіктегі бақылау-өлшеу аспаптарының және арнайы айлабұйымдардың қызметі және пайдалану ережесі; шикізат пен даяр бөлшектерге қойылатын талаптар.
29. Ламельсіз аккумуляторлар мен элементтер электродшысы

3-разряд

Жұмыс сипаттамасы. Түрлі үлгідегі аккумуляторлар мен элементтер үшін ұзындығы 800 мм-ге дейінгі және 1 мм-ден асатын қалыңдықтағы электродтар жасау. Салмақ параметрлерін сақтай отырып, қолмен пастаның барлық түрлерін электродтарға жағу. Электролит таблеткаларды ұнтақтардан ыстықтай күйі сығымдау. Шыны матаны, никель торды дайындамаларға кесу, шаю, термоөңдеу және электролитті таблеткаларды жасауға дайындық жөніндегі басқа да жұмыстар. Ілмелер мен таблеткаларды кептіру және ілмелеу. Шыны мата және металл тордан жасалған дайындамаларды электр пештерінде күкірт қышқыл қорғасын, хром, литий тұздары ерітіндісінде сіңдіру. Хлорлы күмісті пештерде балқыту арқылы күміс құйма алу. Электродтың ток жүргізетін бөлігін қалайылау. Телу процесін жүргізу, сабындау және сабындалған пленканы бейтараптандыру. Орташа күрделіктегі және күрделі электродтар мен түрлі материалдардан жасалған дайындамалар мен металдарды қорғасын екі тотығы, амальгамирленген мырыш қабаты және басқа да белсенді ұнтақтармен қалыптау. Түсті металдардан жасалған жолақтарды роликтер аралық берілген ашық коэффициентпен перфорациялау. Фольга электрод дайындамаларына никель суспензия жағу. Сутек ортасындағы барлық мөлшердегі электрод негіздерін жентектеу және металл керамика негіздерін белсенді ерітінділерде сіңдіру. Электродтарды винилпластпен жиектеу және оларды винилпласт жолақтарымен желімдеу жолымен сепарирлеу. Анағұрлым жоғары білікті электродшының басшылығымен жартылай автоматтарда электролитті таблеткалар жасау процесін жүргізу. қызмет көрсететін жартылай автоматтарды баптау.

Білуге тиіс: сутек атмосферасында, пульверизацияланған камера және кептіру шкафтарында, сіңдіру бұлаулары мен кристаллизаторларда электрод негіздерін жентектеуге арналған рейкалық қолмен сығымдағыштардың, сығымдағыш қалыптардың, пештердің құрылымы; орташа күрделіктегі арнайы пештерді, талдау таразылары мен бақылау-өлшеу аспаптарының қызметі және пайдалану ережесі; қызмет көрсетілетін жартылай автоматтарды қолдану принципі және баптау тәсілдері; дайындамаларды сіңдіруге арналған компоненттерді даярлау ережесі; индикатор қағазды қолдану ережесі; тұздар мен гидрат ерітінділері туралы негізгі мәліметтер.
30. Ламельсіз аккумуляторлар мен элементтер электродшысы

4-разряд

Жұмыс сипаттамасы. Түрлі үлгідегі аккумуляторлар мен элементтер үшін ұзындығы 800 мм-ден асатын және 1 мм-ге дейінгі қалыңдықтағы электродтар жасау. Салмақ параметрлерін сақтай отырып, қолмен пастаның барлық түрлерін электродтарға жағу. Жартылай автоматты желілерде түрлі үлгідегі аккумуляторлар мен элемент электродтарын сығымдау. Жартылай автоматтарда электродтар жасау. Алдын ала қыздырылған хлорлы күмістен жасалған құймаларды илемдеу жолымен күміс таспа және бөлшектер алу. Конфигурациясы және мөлшері бойынша әртүрлі электродтарда күмістің беткі қабатын қалпына келтіру. Хлорлы күмістен жасалған дайындамаларды біліктерде перфорациялау және оларды тегістеу. Хлорлы күмістен жасалған электродтарды диффузиялық пісіру. Электродтардың тәжірибелік үлгілерін жасау. Жартылай автоматтар электролитті таблеткалар жасау процесін жүргізу. Электролитті дайындамаларға жағу. Технологиялық процесте белгіленген температурада күкірт қышқыл қорғасын, хром, литий тұздары ерітіндісінде шыны мата және металл тордан жасалған дайындама таспаларын сіңдіру. Компоненттерді тиеу кезінде мөлшерлеу. Қызмет көрсетілетін жартылай автоматтарды баптау. Қызмет көрсетілетін жабдықтарды жөндеуге қатысу. Технологиялық процессті ресімдеу журналын жүргізу. Сепарацияның барлық түрлерінің үлкен мөлшердегі аккумуляторларына арналған электродтарды (пластиналарды) оқшаулау.

жүктеу 4,71 Mb.

Достарыңызбен бөлісу:

1 ... 14 15 16 17 18 19 20 21 22