Дурмекбаева Шынар Нурлыбековна 6B01514 Биология 6В01507 Химия-биология мамандығының студенттері үшін Ботаника пәні бойынша зертханалық жұмыстарға арналған Әдістемелік нұсқаулар

-тапсырма. Зигомицеттер класына (Zygomycetes) жататын мукордың (Mucor mucedo) құрылыс ерекшеліктерімен және тіршілік айналымымен танысу. Мукор

жүктеу 0,79 Mb. бет 21/29 Дата 17.09.2022 өлшемі 0,79 Mb. #39289 түрі Нұсқаулар

Навигация по данной странице:

• Бақылау сұрақтары
• Зертханалық сабақ № 22 Сабақ тақырыбы.

2-тапсырма. Зигомицеттер класына (Zygomycetes) жататын мукордың (Mucor mucedo) құрылыс ерекшеліктерімен және тіршілік айналымымен танысу. Мукор (Mucor mucedo) нанда, көкөністерде және басқа да көптеген органикалық субстраттарда сапрофит ретінде өседі. Гифалары біртұтас, перделерге бөлінбеген, ерекше бұтақталған, көп ядролы болып келеді. Жыныссыз көбеюі шар тәрізді спорангилердің ішінде пайда болатын споралардың көмегімен жүзеге асады. Споралар ылғалды субстратқа түсіп, өсіп жаңа гифалар береді. Жынысты жолмен сирек көбейеді. Ол тек физиологиялық жағынан бір-бірінен айқын айырмашылықтары болатын екі мицелиі қатар өскен жағдайда ғана жүзеге асады. Бұл жағдайда мицелийдің гифалары бір-біріне қарама-қарсы бағытта өседі де, ұштары жуандап түйіседі. Алайда олардың арасын көлденең перделер бөліп тұрады. Гифалардың түйіскен жерлеріндегі жасуша қабықшалары еріп, олардың ішіндегі заттары да, ядролары да қосылады. Пайда болған зигота қара түсті қалың қабықшамен қапталады да, біраз уақыт тыныштық кезеңін басынан өткізеді. Содан соң зигота мейоз жолымен бөлінеді де өседі. Одан ұрықтық гифалар пайда болады. Осындай гифалардың үстінде спорангилер жетіледі, ал олардың ішінде көптеген гаплоидты споралар дамиды. Қолайсыз жағдайларда гифалар бірнеше бөліктерге бөлінеді, оларды оидии деп атайды. Оидии қалың қабықшамен қапталады да, келешекте хламидоспораларға айналады. Қолайлы жағдай туысымен хламидоспоралар өсіп, мицелийге айналады. Бақылау сұрақтары: 1) Оомицеттер класына жататын фитофтораның құрылыс ерекшеліктері қандай және оның тіршілік айналымы қалай жүреді? 2) Зигомицеттер класына жататын мукордың құрылыс ерекшеліктері қандай және оның тіршілік айналымы қалай жүреді? Зертханалық сабақ № 22 Сабақ тақырыбы. Қалталы саңырауқұлақтар немесе Аскомицеттер класы (Ascomycetes). Сабақ мақсаты. Қалталы саңырауқұлақтар немесе Аскомицеттер класы (Ascomycetes) өкілдерімен танысу. Тапсырма. 1. Гемиаскомицеттер класс тармағының өкілі - ашытқы саңырауқұлағы (Saccharomyces cerevisidae) жасушасының құрылысымен танысу. 2. Гемиаскомицеттер класс тармағының өкілі - ашытқы саңырауқұлағының (Saccharomyces cerevisidae) жасушаларындағы бүршіктену құбылысын байқау. 3. Эуаскомицеттер класс тармағының өкілі - пенициллді (Penicillium) табиғи жағдайда өсіріп, оның сыртқы құрылысын қарастыру. жүктеу 0,79 Mb. Достарыңызбен бөлісу:

©g.engime.org 2024
әкімшілігінің қараңыз