Дипломдық жобаға ТҮсiнiктемелiк жазба 5В090700 «Кадастр» Орал 2020

Облыстың темір жол көлігі Ақтау-Ақтөбе (Қазақстан) қалалары арқылы қызмет көрсетіледі.. Республика темір жолдары ұзындығының жалпы көлемінен 2,9% облыс үлесіне тиесілі. Облыс аумағынан өтетін теміржолдардың жалпы ұзындығы 430,7 км құрайды, оның ішінде: Орал теміржол тасымалы бөлімшесі – 319,7 км, облыс орталығымен Жәнібек, Бөкей ордасы аудандарын байланыстыратын Приволжский теміржолы (Ресей Федерациясы)–111км [22]. Жолдар облыс бойынша олардың жалпы ұзындығы 6504,55 км (4701,9 км – қатты жабынды жолдар) құрайды.

Жолдардың басым бөлігі – 80,3% немесе 5217,55 км облыстық және аудандық маңызы бар жолдарға тиесілі. Облыстық және аудандық маңызы бар автомобиль жолдары коммуналдық меншікке жатады. Облыстық және аудандық маңызы бар автомобиль жолдарының құрамында жалпы ұзындығы 3066,32 қ.м. 59 көпір өткелдері және жалпы ұзындығы 16590,51 қ.м. 1152 су өткізгіш тұрбалар бар. Автокөлік жолдарының техникалық жағдайын қалпына келтіру, апаттық жағдайдағы көпірлерді жөндеу, жолдағы сервистік қызмет көрсету жүйесін дамыту жөнінде облыста автожол саласын дамытудың 2007-2012 жылдарға арналған аймақтық бағдарламасы жүзеге асырылуда. 2009 жылдың 1 наурызға облыстық маңызы бар автожолдарды құрылысына және қайта жаңартуға, жөндеуге, жолдарды күтіп ұстауға облыстық бюджеттен 176,5 млн. теңге бөлінді, 55,9 млн. теңге игерілді немесе 31,7%.
2.5 Өндірісі
Газ өндіру көлемі 1694,2 млн. текше метр құрады, бұл 2013 жылғы тиісті кезең деңгейінен 0,8%-ға көп, газ конденсаты - 1063,1 мың тонна (2,6%-ға аз).

Мұнай өңдеу өнімдерін өндіру көлемі 4024,6 млн. теңге құрады, бұл 2013 жылдың қаңтарымен салыстырғанда 5,0% аз.Газойльдер өндірісі 5,1% төмендеді.

Металлургия өнеркәсібінде өндіріс көлемі 486,9 млн. теңге құрады, бұл 29%-ға аз. Болаттан жасалған түрлі диаметрдегі құбырлар, іші қуыс жіксіз профильдер өндірісі - 28,1%, легірленбеген (көміртекті) болаттан жасалған қырланған табақтар 41,4% төмендеді. 

  Өзге металл емес минералдық өнімдердің өндірісі 21,9%-ға азайды және 146,4 млн. теңге құрады. Бетоннан жасалған құрылыстық мақсаттағы бұйымдар өндірісі-29, 4%-ға, тауарлық бетон өндірісі 3,2% - ға төмендеді.Машина жасау саласында 1448,7 млн.теңгеге өнім өндірілді, бұл 26,6%-ға аз. Трансмиссиялы иінді біліктер және қос иіндер өндірісі 21,4%-ға, суды сүзуге немесе тазартуға арналған жабдықтар мен аппараттар 80% төмендеді.