Дәріс атауы және тезистері Сағат көлемі

Организмдегі белоктар түрлі қызмет атқарады: биологиялық катализатор, транспорттық, еттің жиырылу қызметі, құрылыс материалы қызметін атқарады.

Амин қышқылдарының 10% организмнің өзінде өндірілмейді, сондықтан оларды таптырмайтын қышқылдар дейді. Бұларға аргинин, триптофан, лейцин, изолейцин, валин, треонин, лизин, метионин мен фенилаланин жатады. Өсіп, дамып жатқан бала организміне бұларға қоса 10-қышқыл - гистидин аса қажет. Осы аталған ауыстырылмайтын амин қышқылдары жейтін астың құрамында жеткіліксіз болғанда адам денесінде, әсіресе балалар мен жас өспірімдердің организмінде айтарлықтай өзгерістер пайда болады. Баланың жұқпалы ауруларға қарсы тұру қабілеті нашарлайды.

Судың алмасуы. Организмнің тірлігі үшін аса маңызды заттардың бірі – су. Ол организмнің ішкі ортасын құрады. Ересек адамның дене салмағының әрбір килограмм массасына 0,4 л су қажет. Ал нәрестелерде бұл мөлшер 5 есе артық. Егер баланың денесінде су жетіспесе, оның өсуі тежеледі.

Су мынадай қызметтерді атқарады: Ферменттердің қоректік заттардың сіңуіне, газ алмасуы, зат алмасу қалдықтарын тазалап, сыртқа шығаруға, дене жылуының тұрақтылығын сақтауға қатысады.

Несеп арқылы тәулігіне 1,2-1,4 л, тер арқылы 0,5-0,8 л, үлкен дәрет арқылы 0,1-0,2 л, шығару арқылы 0,4 л су денеден шығарылады.

Организмдегі су қанда өте көп (92%), екінші орында ми (86 %), содан соң бүйрек (83 %), бұлшық еттер мен бауырда 70 %.

Витаминдерді латын әріпімен А, В, С, Д, Е, К, Р, РР деп белгілейді және химиялық құрамдарына сай атайды. Витаминдердің біразы гормондардың, ферменттердің т.б. биологиялық белсенді заттардың құрамына кіреді. Ал біразы (Е, С, Р витаминдері) клетка мембранасының құрамына кіріп қорғаныс, антиоксиданттық қызмет атқарады.