БүлдірШін жастаҒы балалардЫҢ физикалЫқ ЖәНе ПсихикалЫқ әлеуметтік дамуЫ (0-5 Жас) (Оқу-әдістемелік құрал) астана, 2014

Жаңа тамақты қосу үдерісін созбаңыз, 7 айға қарай сәби тамақтың барлық дерлік түрін (ет, 

көкөніс, бұршақ тұқымдастар, жармалар, жемістер) жеуге тиіс және күніне 3 рет тамақ жеуі ке-

рек. Егер бала жаңа тамақты жеуден бас тартса, оны мәжбүрлеп, қыстамаңыз, оны келесі жолы 

беріңіз. Ата-аналар оның дәмді екенін балаға көрсетіп, тамсанып өздері дәмін татып көруге тиіс. 

7 айға дейін жұмыртқа, жаңғақ, балық және теңіз тағамдарын беруге болмайды, сондай-ақ 

ұнтақ, арпа, бидай, сұлы жармасын бермеген дұрыс. 

Бұршақ тұқымдастарды қабығынан аршу үшін суға бұқтырып, әбден пісіріп, үккіштен өткізу 

қажет. Қабығымен пісірілген жұмыртқаны үккіштен өткізіп, ақуызын да, сарыуызын да беру ке-

рек, жаңғақты дұрыстап тазартып, паста жағдайына жеткізіп езу қажет. 

Бұл жастағы балаға жұмсақ ірімшік, бал, қант бермеңіз, тамаққа тұз бен дәмдеуіштер қоспаңыз. 

Тамақпен бірге бала сұйықтықтарды да (су, жеміс шырынын) қабылдауға тиіс, оны балаға емізік 

кигізілген бөтелкемен емес, қасықпен немесе балаға арналған арнайы ыдыспен беру керек. 

Емізік кигізілген бөтелкені пайдаланудың бірқатар кемшіліктері бар: баланы кеудеге дұрыс 

салу бұзылады, бала омырауды емізік секілді сора бастайды, сүтті дұрыстап сора алмайды 

және сүттің шығуына ықпал ете алмайды, бөтелке мен емізікті тамақтың қалдықтарынан тазар-

ту қиынға түсетіндіктен, инфекция жұғу қаупі артады. Сонымен қатар тамақтандырған кезде 

қарым-қатынас – эмоционалдық байланыс пен сүйсініп тамақтану шектеледі.

Сәбидің асқазаны мен ас қорыту жүйесі қаймағы алынбаған сүт 

пен сүттен жасалған ашытқан өнімдерді ішуге әлі дайын емес. 

Сондықтан оларды негізгі тамақтан кейін араластырып, аз-

аздан беру керек. Тең етіп сумен араластыру, яғни 30 мл ай-

ранды 30 мл суға араластыру қажет. Сүтті тек ботқа дайындау 

үшін пайдаланыңыз. Балаға 9 айға дейін қаймағы алынбаған, 

араластырылмаған сүт өнімдерін бермеңіз!