Бірігіп бақыланатын активтер, бірігіп бақыланатын компаниялар (Қехс 31) Орындаған: Әбілғазинова Сымбат

Бірлескен қызметтің кейбір түрлері бірлескен бақылау болуын, көп ретте – бірлескен қызмет мақсатында салынған немесе алынған жəне бірлескен қызмет мақсаттарына жетуге арналған бір немесе бірнеше активтерді кəсіпкерлердің бірлесе иеленуін көздейді. Кəсіпкерлер ол активтерді пайда табу үшін пайдаланады. Əрбір кəсіпкер активтермен өндірілген өнімнен үлес алуына болады жəне əрбір кəсіпкер шығыстардың келісілген бөлігін өз мойнына алады.

Бірлескен қызметтің мұндай түрлері корпорация, серіктестік немесе өзге ұйым, немесе кəсіпкерлердің өздерінен бөлек қаржы құрылымын құруды қажет етпейді. Əрбір кəсіпкер болашақтағы экономикалық пайдалар үлесін бірлесе бақыланатын активтегі өз үлесі арқылы бақылайды.

Мұнай мен газ өндіру саласындағы көптеген компаниялар, сондай-ақ минералдық шикізат өндіретін компаниялар бірлесе бақыланатын активтерді пайдаланады. Мысалы, бірқатар мұнай компаниялары мұнай құбырын бірлесе бақылай жəне пайдалана алады. Əрбір кəсіпкер мұнай құбырын өз өнімін тасымалдау үшін 269 пайдаланады, ал оның орнына сол мұнай құбырын пайдалануға жұмсалатын шығыстардың келісілген бөлігін өз мойнына алады. Бірлесе бақыланатын активтің басқа мысалы - екі ұйым мүлікті бірлесе бақылайды, алынатын жалдау ақысының бір бөлігі əрқайсысына тиесілі жəне де шығыстардың тиісті бөлігін əрқайсысы өз

мойнына алады