Білім беру мекемелерінде 11 сынып оқушыларының Ұлттық бірыңғай тестілеуге дайындық жұмыстарын зерделеу қорытындысы және ағымдағы оқу жылындағы «Алтын белгі» мен «үздік аттестатт» алудан үміткер оқушылардан алынған тестілеу қорытындысы

Т.Рысқұлов ауданы әкімдігінің білім бөлімі коммуналдық мемлекеттік мекемесі басшысының 27 қазан 2014 жылғы №870 бұйрығына сәйкес 2014 жылдың 28 қазаны мен 1 қараша аралығында «Ауданымыздың 11 сынып оқушыларын Ұлттық бірыңғай тестілеуге дайындық жұмыстарын зерделеу туралы» тексеру қорытындысы төмендегідей:

Жалпы аудан мектептерінде ҰБТ-ге дайындық жұмыстары жүргізілуде. Мектеп бітірушілердің ҰБТ-ге дайындығы бойынша барлық мектептерде іс-шаралар жоспары жасалынған,мектеп директорларының қолымен,мөрімен бекітілген.

Мектеп бітірушілерді ҰБТ-ге дайындауда әр пәнді оқытудың сапасын арттыруға баса назар аударып,пән мұғалімдерінің сабағына әдістемелік талдау жасау мектеп әкімшілігі мүшелерінің лауазымдық міндетіне жатқызылған.Алайда бұл жұмыстар өз деңгейінде жүргізілмей отыр.Мысалы:А.Шынасилов атындағы шағын орталықты орта мектеп директорының орынбасары Шотаева Г 11сыныпқа сабақ беретін пән мұғалімдерінің 3 сабағына қатысса,басқа 11сыныпқа сабақ беретін пән мұғалімдері сабаққа қатыспаған.Қ.Сатбаев орта мектеп директорының ғылыми–әдістемелік ісі жөніндегі орынбасары Е.Уалиев мен директордың тәрбие ісі жөніндегі орынбасары Н.Өсербаев , А.Байтұрсынов атындағы орта мектебінің психологы 11 сыныптың сабақтарына бірде-бір рет қатыспаған.Сонымен қоса А.Шынасилов, Р.Смаилов, Ақтоған, Қорағаты орта мектептерінің директорлары, Ақтоған, Болтай батыр, Подгорное орта мектептерінің жауапты хатшылары 11 сыныптардың сабағына мүлдем қатыспаған.(тіпті осы күнге дейін өзара сабаққа қатысу дәптер арнамаған.)

Оқушылар білімін бағалауда сынама тестілеулер өткізудің маңызы зор,тестілеу қорытындысы бойынша міндетті түрде талдау,түзету жұмыстарын жүргізу керек.Құлан орта мектебі әкімшілік тарапынан 4 тест, №1 мектеп - лицейі 3, №2 мектеп 3 тест, Ш.Уәлиханов мектебі 2 тест, А.Байтұрсынов атындағы орта мектебі 2 тест, Ы.Алтынсарин орта мектебі 3 тест, Ақтоған орта мектебі 3 тест, Р.Смаилов,Б.Момышұлы, М.Әуезов,Подгорное,Абай,А.Байтұрсынов,Малдыбай,Алғабас,Ақыртөбе,Жамбыл орта мектептерінің пән мұғалімдері 2-3 тест алған.Әр жұмысқа сараптамалық талдау жасаған.Т.Рысқұлов,Ақбұлақ,Қорағаты орта мектептерінің пән мұғалімдерінің ҰБТ-ге дайындық құжаттарын тексеру барысында алынған байқау тестінің мәтіндік талдауы өте қысқа жазылғандығы тек пайыздық,сандық көрсеткіштермен шектелгендігі анықталып отыр.Сондай-ақ білім сапасын көруге,нәтижеге бағытталған ұсыныс жоқ, қорытынды нақты емес.Алғабас орта мектебінде бақылау тесті бойынша 3 оқушы қазақ тілі пәнінен, 3 оқушы тарих пәнінен төмен көрсеткіштер көрсетіп жүр. Бұл оқушылармен түзету жұмыстары жасалынған, жұмыс дәптерлері бар.Ақыртөбе орта мектебінде пән мұғалімдерінің құжаттары мен талдаулары толықтыруды қажет етеді.Оқушылардың даму диаграммасы мен сынып бойынша мониторинг жүргізу керек,білім сапасы мен орташа ұпайға салыстырмалы сараптама жүргізу қажет,кему болған жағдайда себебін анықтап,оны жою жолдарын қарастыру қажет.

Зерделеу барысында Малдыбай,Болтай батыр,Қорағаты,Т.Рысқұлов орта мектеп әкімшілігі ,пән мұғалімдерінің 11 сыныптың сабаққа қатынасу жұмыстары,сабақты талдау жұмыстары тексерілді.Пән мұғалімдерінің көпшілігі сабаққа ғылыми-әдістемелік тұрғыдан талдау жасай алмайды.Болтай батыр атындағы орта мектебінде Қазақстан тарихы пәнінен 2 оқушы,математика пәнінен 2 оқушы,орыс тілі пәнінен 3 оқушының көрсеткіштері төмен,аталған оқушылармен түзету жұмыстары жүргізілген,жұмыс дәптерлері тексерілген.Құжаттары жүйелі жүргізілген.Подгорное орта мектебі пән мұғалімдері қыркүйек,қазан айларында 6 байқау тестін алған,әр тест бойынша білім сапасы мен орташа ұпайлары шығарылып талдау жүргізілген.Бірақ жіберілген кемшіліктер себебін анықтап,оны жою жолдары қаралу керек.11 орыс сыныбындағы қазақ тілі және 11 қазақ сыныбындағы математика пәндері үшін қосымша сабақ жоспары мазмұнын толықтыру керек.А.Байтұрсынов орта мектебінің қазақ тілі пәні мұғалімі Тауасарова Э орыс тілі пәні мұғалімі Сағынбекова Ғ өзара сабаққа қатынасу дәптері жоқ болса,тарих пәні мұғалімі Өмірбаеваның күнтізбелік жоспары болғанымен, мектеп директорының қолымен бекітілмеген 30.10.2014 жылдан әрі қарай күнтізбелік жоспарда мерзімі көрсетілмеген.Қосымша сабақ кестесі жоқ.Оқушылардан алынған тесттер бар,бірақ мәтіндік талдаулары толық емес,салыстырмалы талдау,жеке оқушының қатемен жұмыстары жүргізілмеген.Қазақ тілі пәні мұғалімі Теметаева Г күнтізбелік жоспары көшірме,қосымша сабақ кестесі жоқ,білім сапасы тесттерге көрсетілмеген.Оқушылардан 9 тест алынған.Әр оқушының жеке талдауы жоқ,салыстырмалы талдау жасалмаған.Мұғалімнің сабаққа қатынасу дәптері жоқ.

Қ.Сатбаев атындағы орта мектебі бойынша Биология пәнінің мұғалімі Нартбаева С күнтізбелік және қосымша сабақ кестесі мектеп директорының қолымен бекітілмеген.Тест жұмыстары жүйеленбеген.Мұғалімнің өзара сабаққа қатынасу дәптері жоқ,орыс тілі пәні мұғалімі Ауезбекова Э қосымша сабақ кестесі директордың қолымен бекітілмеген.Мұғалімнің мәтіндік талдау өте қысқа жазылған.Сабаққа қатынасу дәптері жоқ.Сонымен қатар қазақ тілі пәні мұғалімі Абумаликова С жыл басынан бері 4 тест алған,сараптамалық талдау жасамаған,оқушылардың жұмысы жоқ.ҰБТ-ге дайындық тек қағаз түрінде ғана, мұғалімнің өзара сабаққа қатынасу дәптері жоқ.Қазақстан тарихы пәні мұғалімі Бұғыраев Қ жыл басынан бері 6 рет тест алған.Мұғалімнің өзара сабаққа қатынасу дәптері жоқ,тест жұмыстарына талдау дұрыс жасалмаған.М.Әуезов орта мектебінің математика пәні мұғалімі Сүлейманқұлова С 3 тест алған. 52%,65%,80% Мұғалімнің талдауы талапқа сай емес.Қазақстан тарихы пәнінен С.Бекбатырова тараулық,тақырыптық тестері жүйелі жасалған.Оқушыларға жеке талдау жасалынып отырған.4 тест алынып,11 сыныптың 6 сабағына қатысқан.

Оқушылардың білімінде өсу бар,мониторингте көрсетілген.

Тексеруге қамтылған барлық мектеп дәліздерінде «ҰБТ бұрыштары»бар,бірақ А.Шынасилов,Болтай батыр ,Ш.Уәлиханов орта мектептерінің дәліздеріндегі «ҰБТ бұрыштары» болғанымен,ақпараттық-әдістемелік материалдарды жаңалауды қажет етеді.Байқау тестілерінің қорытындысы пән мұғалімдерінің жеке папкаларында ғана сақталған.Алайда осы кемшіліктерге байланысты ескертулер айтылды.

Жоғарыда аталған мектептердің барлығы ата-аналар мен 11 сынып оқушыларымен 2 жиналыс өткізген.Құлан,№1 мектеп лицейі,№2мектеп,Ш.Уәлиханов орта мектептері 1 осы уақытқа дейін 1 ғана жиналыс өткізген.Барлығы талапқа сай,хаттамалары жазылған,материалдары толық.

Тексеру барысында пән мұғалімдерінің жеке құжаттары,қосымша сабақ кестелері,күнтізбелік жоспарлары барлық мектептерде бар екені анықталды.Сонымен қатар 11 сынып оқушыларынан сынама тестілеу алынды,нәтижесі төмендегідей:

1. 
   Анықтамада көрсетілген кемшіліктер тез арада жойылсын.
   
2. 
   Аудандағы 11 сынып оқушыларымен ҰБТ-ге дайындық жұмыстары жандандырылсын.
   
3. 
   Білім сапасын арттыру мақсатында жұмыстар күшейтілсін.