Пән мазмұнының қысқаша сипаттамасы

Қаржы туралы ғылым экономикалық ғылымдар жүйесінде маңызды орын алады. Қаржы ғылымының теориялық негіздері ұдайы өндіріс және мемлекет туралы ілім болып табылады.

Берілген курс экономикалық профиль студенттерінің алған білімдерін мейлінше дамытатын, нақтылайтын және тереңдететін профилдік пән болып табылады.

Қаржының пәні өндірістік қатынастардың ажырамас бөлігі ретіндегі қаржы қатынастары болып табылады., олар мақсатты ақша қорлары қалыптасатын қоғамдық өнімді бөлуге бағытталған өндірістік қатынастар сипатының өзіндік еркшелігімен ерекшеленеді.

«Қаржы» оқу курсының сызбасы және оның құрылымы оқу процесін мейлінше жеңілдетуге мүмкіндік береді.

Курста қаржының табиғаты, функциялары, олардың басқа экономикалық категориялармен өзара байланысы, шаруашылық өмірдегі көрінісінің ерекшеліктері қарастырылады, қаржылық қатынастарды ұйымдастырудың нысандары мен әдістері арқылы жүзеге асырылу механизмі қарастырылады.

Ғылымның обьектісі қаржы ресурстары-ақша қаражаттарының және қорларының жиынтығы, сондай-ақ бұл қаржы нысандарында іске асырылған көздері болып саналады.

Қаржының субьектілері аталған қатынастардың қатысушылары – шаруашылық, коммерциялық, мемлекеттік, қоғамдық және өзге орнадары, мекемелер, үй шаруашылықтары, басқа экономикалық агенттер болып табылады.

Қаржыны зерттегенде теория мен практиканың, тарихи және қисындық тәсілдемелердің бірлігін сақтау қағидалы түрде қажет болуы тиіс.

Бағдарламада басқа экономикалық пәндермен өзара байланысқан курстың негізгі бөлімдері мен негізгі бөлімдердің тақырыптарының мазмұндары ашылған. Курсты оқыту әдістері, қаржыларға арналған отандық және шетелдік әдебиеттер берілген. Бағдарламаға сонымен қатар Қазақстан Республикасының Заңынан, Президент Жарлығынан, ресми материалдар мен нормативтік актілерден, оқулықтар мен оқу құралдарынан тұратын әдебиеттер тізімі енгізілген.

– қаржы категорияларын, ұғымдарын, терминдерін, олардың сыныптамасын, әлеуметтік-экономикалық үдерістегі орнын игеруде студенттердің теориялық және практикалық даярлығын қамтамасыз ету.

- қаржының табиғатын, олардың жұмыс істеу ерекшеліктерін анықтау, қоғамдық өндірісті тиімді дамытуда категориялардың іс-әрекет механизмінің мүмкіндіктерін зерделеу, қаржыны ұйымдастыру нысандарының өзара байланысы мен өзара іс-әрекетін түсіну және олардың қоғамдағы әлеуметтік-экономикалық дамуының нақтылы жағдайларында қолдаудың әдістерін анықтау болып табылады.

• 
  қаржылардың қызмет етуі мен теориялық аспектісін, сонымен қатар қазіргі қаржылық жүйені, оның құрылымын ұйымдастырудың формалары мен принциптерін оқып үйренеді;
  
• 
  өз бетінше экономикалық шешім қабылдау және талдау дағдысын, қаржы саласында практикалық дағдыларды меңгереді;
  
• 
  қаржы түсінігінің, қаржыларды басқаруа, қаржылық жоспарлау, қаржылық реттеу негіздерінің, қаржылық жүйе түсінігінің, мемлекет, шаруашылық жүргізуші субьектілер, үй шаруашылығы қатынастарының негізгідерінің теориялық аспектілерін меңгереді;
  
• 
  теорияда алған білімдерін практикамен ұштастыра білуді, қаржы жүйесінің қызметін жетілдіруге мүмкіндік беретін шараларды өңдеуді уйретеді;
  
• 
  «Қаржы» пәнінің экономикалық категорияларын, қазіргі заманғы қаржылық саясатты, шаруашылық операциялардың жүзеге асырырлуының негізгі ережелерін түсініп біледі;
  
• 
  қаржы жүйесінің экономикалық категорияларының негіздері туралы, сонымен қатар мемлекет пен шаруашылық жүргізуші субьектілер қызметтері және қаржылық нарықтың қызмет ету негіздері және т.б. туралы түсінік алады;
  
• 
  өзіндік экономикалық ойлауды, талдау нәтижелерін қорытындылауды, тиімді шешім қабылдау бойынша шараларды өңдеуді үйреніп, практикалық дағдыда меңгеріп, қаржы саласында ерекше арнайы білім алады;
  

Курстың постреквизиттері: «Салық және салық салу», «Корпоративтік қаржы», «Қаржылық менеджмент», «Сақтандыру».

- қаржы саясатын әзірлеу және жүзеге асыру тетігінің теориялық тәсілдемесін;

- қаржы саласындағы болып жатқан өзгерістерді түсіну, қаржылық құбылыстар мен макро және микро деңгейдегі үрдістердің өзара байланысын талдау;