Күні: Тобы: Еркемай Білім беру саласы

жүктеу 38,22 Kb.

Дата	22.05.2018
өлшемі	38,22 Kb.
	#15741

Ұйымдастырылған оқу іс-әрекетінің технологиялық картасы.

Бекітемін:________

Күні:

Тобы: Еркемай

Білім беру саласы: Шығармашылық

Бөлімі: Аппликация.

Тақырыбы: «Жапырақтар жауғанда»

Мақсаты: күз туралы түсініктерін нақтылау; күз құбылыстарын атай білуді үйрету; қағаз бетіне заттарды жапсыра білуді үйрету; кеңістікте бағдарлай білу дағдыларына тәрбиелеу.

Алдын – ала жүргізілетін жұмыстар: серуенге шығып күз мезгілінің құбылыстары жайлы, басқа жыл мезгілінен қандай айырмашылықтары барын әңгімелеп беру.

Қолданылатын көрнекі құралдар: үлестірмелі материалдар, дайын аппликация үлгілері, сүрткіш,қызыл, сары және жасыл көбелектер мен жапырақтар.

Сөздік жұмыс: жапырақ

Билингвалды компонент: күз-осень, жапырақ-листья.

Іс-әрекет кезеңдері	Тәрбиешінің іс-әрекеті	Балалардың іс-әрекеті
Мотвациялық-қозғаушылық	Шаттық шеңбері. Балаларды шеңбер құрып тұруға шақырады. -Біздің шеңберіміздің көлемі қандай болады? -Ол неге ұқсайды? -Ендеше,біз шар сияқты шеңберімізді үрлеп, үлкен шеңбер жасайық.Қане, бәріміз бірдей үрлейік. -Жақсы, енді «Деніміз сау болсын!» деп бір-бірімізді емдейік. -Қайырлы таң, көздерім, сендер ояныңдар! -Қайырлы таң,құлақтарым, сендер ояныңдар! -Қайырлы таң, саусақтарым, сендер ояныңдар! -Қайырлы күн, сен де ояндың ба? Тағы бір күн артта қалып, тағы арайланып таң атты.	Балалар шаттық шеңберін құрады. -Үлкен. -Шеңберге. Балалар үрлейді. Бір-бірін емдеген болады. Көздерін уқалайды. Құлақтарын уқалайды. Шапалақтайды. Жымиып күледі.
Ұйымдастыру- іздестіру	-Балалар, терезеге қараңдаршы, ауа райы қандай? -Қазір жылдың қай мезгілі? -Иә дұрыс айтасыңдар, қазір күз мезгілі. Сөздік жұмыс: жапырақтар. -Ағаштағы жапырақтардың түсі қандай болды? -Балалар, суретке назар аударыңдаршы, жапырақтардың түстері қандай екен? -Балалар, жапырақтар күздігүні қалай түседі? -Иә, дұрыс айтасыңдар, күздігүні жапырақтар сарғайып жер бетіне жоғарыдан төмен қарай , яғни жерге түседі. -Балалар, кәне бәріміз жапырақтардың күзде қалай түсетінін көрсетейікші.Осы көрініс балаларға да түсінікті болу үшін қағаз бетінде жапырақтардың қалай жерге түсетінін жапсырып көрсетейік. Билингвальді компонент: күз-осень, жапырақ-листья. Алдымыздағы қағаздарға түрлі түсті жапырақтарды орналастырамыз. Сергіту сәті. Желмен бірге шайқалып, Тербеліп тұр ағаштар. Кілем болып жайылып, Жерге түсті жапырақтар. А.Дамас Жұмысты орындауда қиналған балалармен және жапырақтарды кеңістікте орналастыра алмай отырған балалармен жеке жұмыс жүргізіу. Балалардың жапсырған жұмыстарын бірігіп талдау.	Жауап береді. -Күз мезгілі. Қайталайды: жапырақтар. -Сары, қызыл, қоңыр. -Сары, қызыл. -Жапырақтар сарғайып, қурап жерге түседі. Тәрбиешінің айтқанын мұқият тыңдайды.Балалар әуен ырғағымен күзде жапырақтардың түсуін қимылмен көрсетеді. Қайталайды: күз-осень, жапырақ-листья. Балалар тәрбишінің айтқанын орындайды. Балалар сергіту сәтін тәрбиешімен бірге қайталап айтады және қимылмен көрсетеді Балалар тәрбиешінің нұсқауымен түрлі түсті жапырақтарды қағаз бетіне орналастырады.
Рефлексивті-түзетушілік	Рефлексия: -Бүгін оқу іс-әрекетінде жылдың қай мезгілінде болатын құбылыспен таныстық? -Жапырақтар күздігүні қалай жауады екен? -Балалар, мен сендермен ойын ойнағым келіп тұр. «Әдемі гүлдер» ойыны. Балалар, сендердің қолдарыңда қызыл, сары және жасыл көбелектер бар.Қазір мен түрлі түсті гүлдерді шашамын, ал сендер қолдарыңдағы көбелектің түсіне сай оны гүлге орналастырңдар. Тәрбиеші балаларды мадақтайды.	Жылдың күз мезгілінде болатын құбылыспен таныстық. Жапырақтар сарғайып, жоғарыдан төмен қарай түседі екен. Балалар әуен ырғағымен тәрбиешінің нұсқауын орындайды.

Күтілетін нәтиже:

Нені білу керек	кеңістікте бағдарлай отырып, жапырақтарды көлемі бойынша орналастыруды.
Нені біледі	күз мезгілінің ерекшеліктерін, табиғи құбылыстарды.
Нені игереді	желімді дұрыс қолдана отырып,орындалу ретін сақтап,бұйымды ұқыпты жапсыра білуді.

жүктеу 38,22 Kb.

Достарыңызбен бөлісу: