Бағдарламасының «Қаржылық емес қолдау шаралары»

1. 
   көздері кәсіпкерлерді ақпараттандыру туралы тегін көрсетілетін қызметтер жеке консультациялар түрінде, сондай-ақ басталғаны туралы және орны ұсыну түрлері мамандандырылған қызметтер өңірлер бөлінісінде;
   
2. 
   КҚО ақпараты;
   
3. 
   Өңірлер бөлінісінде консультанттар бойынша жалпы ақпарат (консультанттардың құзыреті, оған қоса білімі мен еңбек өтілі);
   

«Ұлттық кәсіпкерлер палатасы туралы» Қазақстан Республикасының Заңына және Бірыңғай бағдарламаға сәйкес Қаржылай емес қолдаудың операторы «Атамекен» Қазақстан Республикасының Ұлттық кәсіпкерлер палатасы (бұдан әрі – ҚР ҰКП) болып табылады. ҚР ҰКП жергілікті жерлерде моноқалалардағы, шағын қалалардағы және аудан орталықтарындағы Кәсіпкерлерді қолдау орталықтары (КҚО) арқылы кәсіпкерлер мен тұрғындарды ақпараттық қамтамасыз ету жөніндегі қызметтерді көрсетеді.

Моноқалаларда, шағын қалалар мен аудан орталықтарында кәсіпкерлерді ақпараттық қамтамасыз ету жөніндегі көрсетілетін қызметтерді іске асыру үшін 2016 жылы жергілікті жерлерде Өңірлік кәсіпкерлер палаталары (бұдан әрі – ӨКП) конкурстық іріктеудің нәтижесінде айқындаған ҚР ҰКП 379 консультант-менеджерін тарту көзделген, олар кәсіпкерлер мен кәсіпкерлік бастамасы бар тұрғындарға консультациялық көмек көрсетеді.

Жоғарыда көрсетілген шарттың шеңберінде мына міндеттер қойылған:

1. 
   ҚР 161 аудан орталығында, 41 шағын қаласында және 27 моноқаласында КҚО жұмыс істеуін қамтамасыз ету.
   
2. 
   КҚО консультанттарды тарту.
   
3. 
   КҚО консультанттарын тарату материалдарымен, шығыс материалдарымен, жабдықтармен және басқа қажетті ресурстармен қамтамасыз ету.
   
4. 
   Ақпараттық қамтамасыз ету қызметтерінің орындалуын мониторингілеу және бақылау. Жергілікті жерлердегі ӨКП КҚО қызметін бағалау бойынша көшпелі тексерулерді жүзеге асырады.
   

Бизнесті мемлекеттік қолдау құралдарын танымал ету үшін, сондай-ақ КҚО жұмысы туралы хабардар болуды арттыру мақсатында моноқалаларда, шағын қалаларда және аудан орталықтарында жергілікті атқарушы органдардың, халықтың және кәсіпкерлердің қатысуымен тұрақты негізде дөңгелек үстелдер, семинарлар, кездесулер және басқа іс-шаралар өткізіледі.

Бұл есепте жоғарыда аталған шартқа сәйкес 2017 жылғы 1 желтоқсандағы жағдай бойынша 2017 жылдың 4-тоқсанының деректері 2017 жылғы жалпы деректермен бірге талданады.

1. 
   Кәсіпкерлікті қолдау орталықтары туралы жалпы ақпарат.
   

Бірыңғай бағдарламаның 196-бабына сәйкес кәсіпкерлікті қолдау орталықтары (бұдан әрі – КҚО) – оның негізінде шағын және орта кәсіпкерлік субъектілерінің жобаларына экономикалық және технологиялық сараптама жүргізу, консультациялық және маркетингтік қызмет көрсету, ақпараттық қамтамасыз ету, оқыту жүзеге асырылатын инфрақұрылымдық кешен.

Бұл ретте, КҚО құру мақсаттары:

1) кәсіпкерлік және кәсіпкерлік қызметті мемлекеттік қолдау құралдарын танымал ету;

2) кәсіпкерлік қызметті ашу және жүргізу кезінде ақпараттық, консультациялық көмек көрсету және оқыту;

3) жұмыс істеп тұрған кәсіпкерліктің тұрақты дамуына жәрдемдесу болып табылады.

КҚО қызметтері экономиканың барлық секторларындағы жұмыс істеп тұрған кәсіпкерлік субъектілеріне және кәсіпкерлік бастамасы бар халыққа өтеусіз негізде ұсынылады.

Бірыңғай бағдарламаның 199-тармағын және Шарттың талаптарын іске асыру мақсатында моноқалаларда, шағын қалаларда және аудан орталықтарында облыстардың кәсіпкерлер палатасы филиалдары жанынан 2017 жылғы 4-тоқсанда 188 КҚО жұмыс істеуі қамтамасыз етілді.

КҚО функцияларына:

1. 
   Шағын және орта кәсіпкерлік субъектілерін және кәсіпкерлік бастамасы бар халықты кәсіпкерлік қызметті мемлекеттік қолдау құралдары туралы ақпараттандыру.
   
2. 
   Шағын және орта кәсіпкерлік субъектілеріне «бір терезе» арқылы қызмет көрсету, қайталануды жою, қағидалар мен талаптарды жеңілдету және оңтайландыру қағидаттары сақталған, белгіленген рәсімдер мен регламенттер автоматтандырылған жағдайда мемлекеттік қаржылай емес қолдау шараларын көрсету.
   
3. 
   Шағын және орта кәсіпкерлік субъектілерін және кәсіпкерлік бастамасы бар халықты мемлекеттік қаржылай емес қолдаудың функционалдық бағыттарын іске асыру.
   
4. 
   Шағын және орта кәсіпкерлік субъектілеріненжәне кәсіпкерлік бастамасы бар халықтан қаржылай емес қолдау құралдарын алуға өтінімдер жинау.
   
5. 
   Кәсіпкерлік қызметті ашу және жүргізу бойынша консультациялық қызметтер көрсету.
   
6. 
   Қаржы институттарымен жүргізілетін жұмыстың шарттарын түсіндіру жатады.
   

1-суретте өңірлік бөліністегі КҚО саны көрсетілген. Барлық КҚО ашу және оларда консультациялық қызметтер көрсету процесін ретке келтіру толығымен орындалды.

1) облыстық маңызы бар БАҚ іріктеуге қатысуға жеке тұлғалардан өтінімдер қабылдау туралы хабарламалар орналастырылды;

2) БАҚ-та хабарлама соңғы рет жарияланған күннен бастап 7 күнтізбелік күн өткен соң, ізденушілер ұсынған құжаттарды қарау мақсатында Комиссияның отырысы ұйымдастырылды және Ереженің талаптарына сәйкес келетін консультанттар іріктелді;

3) конкурстық іріктеуден өткен кандидаттармен өтеусіз қызметтер көрсетуге шарттар жасалды;

4) консультант-менеджерлерді одан әрі жұмыс істеуі үшін КҚО жұмыс орындарымен қамтамасыз ету жүзеге асырылды.

2017 жылғы 01 желтоқсандағы жағдай бойынша КҚО 334 консультант қызмет көрсетеді. Барлық консультанттар біліктілік талаптарына сәйкес және жоғары білімдері бар.

Әрбір консультант бойынша егжей-тегжейлі ақпарат айлар бойынша бөліп көрсетілген «Өңірлер бөлінісінде консультанттар бойынша жалпы ақпарат (консультанттардың құзыреті, оған қоса білімі мен еңбек өтілі)» қосымшасында бар.

Консультантты КҚО қабылдау кезінде білімінен басқа еңбек өтіліне де назар аударылады.

Талдауға сүйенсек, консультанттардың 4,2 %-ның (14 адам) жоғары экономикалық және жоғары заңгерлік білімі бар. Консультанттардың

КҚО-дағы 334 консультанттың 134-ның 10 жыл және одан астам жұмыс өтілі бар. 112 консультанттың жұмыс тәжірибесі 5 жылдан 10 жылға дейін, бұл жеткілікті дәрежеде жоғары жұмыс тәжірибе көрсеткіші болып табылады. 87 консультанттың жұмыс өтілі – 5 жылға дейін.