«Химия» пәнін оқыту мақсаты мен міндеттері

2. Оқыту үдерісін ұйымдастырудағы педагогикалық әдіс-тәсілдер

Мұғалімдер бұл қасиеттерді әртүрлі оқыту және оқу стратегияларын қолдану арқылы тәрбиелейді және дамытады деп күтіледі:

• 
  іс-әрекеттердің белсенді түрлерін ұйымдастыру және тапсырмаларды тиянақты сәйкестендіру арқылы ынталандыру және дамыта оқыту;
  
• 
  әрбір оқушының пікірін тыңдау және алынған білімдер мен түсініктерді қолдану мен оларды дамыту маңыздылығын мойындау;
  
• 
  проблемаларды шешу стратегиясын модельдеу және көрсету;
  
• 
  оқушылардың оқуын «оқу үшін бағалау» арқылы қолдау;
  
• 
  белсенді оқуға және зерттеу жобаларын орындауға негізделген оқушылардың зерттеу іс-әрекеттерін қолдау;
  
• 
  оқушылардың сыни тұрғыдан ойлау дағдыларын дамыту;
  
• 
  жеке, топтық және жалпы сыныптық белсенді оқыту әдістерін пайдаланатын жұмыс түрлерін ұйымдастыру.
  

• 
  табиғатағы құбылыстарды түсіндіру және болжау үшін теориялар мен модельдерді қолдану;
  
• 
  мұғалімнің көрсетілімдерді жүргізуінің және оқушылардың зертханалық тәжірибелер, практикалық жұмыстарды орындауларының маңызын түсіну;
  
• 
  жоспарлау және ізденістер жүргізу арқылы мәселелерді зерттеу;
  
• 
  әртүрлі ақпараттар көздерінен химияның заманауи проблемаларын таңдау, синтезді жүзеге асыру және алынған ақпаратты бағалау;
  
• 
  ойындарды қолдану, құрастыру, модельдеу және пікірталастар мен дебаттарды жүргізу.
  

Білім беру бағдарламасының мақсаттарының бірі жеке тұлғаны әлеуметтендіру болып табылады, яғни, түрлі әлеуметтік топтармен тиімді тіл табысуға қабілетті азаматтарды тәрбиелеу. Осы мақсатқа жетуге қажетті дағдыларды дамыту үшін ынталандырушы және қолдаушы ортаны құру керек. Коммуникацияның түрлі формаларын қолдану құнды болып саналатын мұндай ортада оқушылар өз пікірін еркін білдіре алады.

Түрлі ақпараттарды қолдану арқылы, оқушыларды пән бойынша академиялық тілді сауатты қолдануға ынталандырады.

«Химия» пәні бойынша оқу бағдарламасындағы оқылым дағдыларын дамытуға ықпал ететін тапсырма үлгілері:

• 
  мазмұнды талдау, мәтін және басқа басылымдардағы негізгі ойды ерекшелеу;
  
• 
  негізделген қорытынды жасау үшiн жиналған материалдарды салыстыру, қарама-қарсы қойып қарау және сәйкестендіру.
  

• 
  берілген жағдайды сараптау негізінде іс-әрекет жоспарын құру және тәжірибені жобалау;
  
• 
  химиялық тәжiрибе қорытындыларын жазбаша есеп түрінде жазу немесе таныстырылым түрінде сауатты рәсiмдеу.
  

• 
  академиялық тілді химиялық түсініктер мен терминдерді айтқанда дұрыс қолдану;
  
• 
  есепті қорғау барысында қорытынды және тұжырымдамаларға ауызша негіздеме бере алу;
  
• 
  эксперименттік есептерді шешу үшін таңдап алған әдісін және тәсілдерін түсiндiру;
  
• 
  талқылауларға қатысу және өз көзқарасын қорғай білу.
  

• 
  қорытындылар мен тұжырымдарға негіздеме жасау үшін академиялық тiлдi түсіну және жинақтаған білімдерін сауатты қолдану;
  
• 
  IUPAC номенклатурасын түсіну және химиялық формулаларды құрастыру үшiн еркiн пайдалану.
  

Ақпараттық-коммуникациялық технологияларды қолдану білігі технологияларды біліктілікпен және шығармашылықпен пайдалануды қамтиды. Бұл ақпараттық-коммуникациялық технологияларды пайдаланудың базалық дағдылары арқылы қалыптасады.

Оқушылар ақпараттық-коммуникациялық технологиялар бойынша дағдыларын оқу барысында іздену, құрастыру, мәліметтерді талқылау, ынтымақтастық және мәліметтермен идеялар бөлісу арқылы, бірлесіп әрекет ету арқылы өз жұмысын бағалай және жетілдіре отырып дамытады.

«Химия» пәні бойынша оқу бағдарламасы келесі әрекеттерді қамтиды:

• 
  мәліметтерді тіркеп, оларды анағұрлым ыңғайлы әдіспен өңдеу және бай мультимедиалық орта құру сияқты жаңа тәсілдірді оқытуда ақпараттық-коммуникациялық технологияларды қолдану;
  
• 
  мультимедиалық-ресурстарды қолданып оқушылардың химиялық құбылыстар жайлы білімін кеңейту;
  
• 
  оқушылардың өз жұмыстарының сыни тұрғыдан бағалауы, оны жетілдіру мен көпшілікке таныстыра алу дағдыларын дамыту мақсатында графикалық бейнелеу үшін бағдарламалық жасақтамаларын қолдану;
  
• 
  белсенді оқыту әдістерін пайдалану үшін интербелсенді тақталарды қолдану;
  
• 
  Web-ресурстарды қолдану арқылы мәліметтерді іздеу;
  
• 
  компьютер мен түрлі датчиктерді қолдана отырып мәліметтер жинау және жасау;
  
• 
  электрондық кестелер мен графикалық пакеттердің көмегімен берілген бағдарламаны басқару;
  
• 
  виртуалды зертханаларды қолдану;
  
• 
  химиялық құбылыстарды оқытуды қолдануда модельдеу пакеттерін қолдану.