«16) қаржы нарығы мен қаржы ұйымдарының салалық ақпараттық қауіпсіздік орталығының функцияларын жүзеге асырады;»;
«17) банктердің және банк операцияларының жекелеген түрлерін жүзеге асыратын ұйымдардың ақпараттық жүйелеріндегі бұзушылықтар, іркілістер туралы мәліметтерді қоса алғанда, ақпараттық қауіпсіздігінің оқыс оқиғалары жөніндегі ақпаратты талдайды;»;
«Уәкiлеттi органға жүктелген қаржы нарығы мен қаржы ұйымдарын мемлекеттік реттеу, бақылау және қадағалау функцияларын сапалы және уақтылы орындауды қамтамасыз ету, осы Заңның талаптарын iске асыру мақсатында уәкiлеттi орган кез келген жеке және заңды тұлғалардан, сондай-ақ мемлекеттiк органдардан қажетті ақпаратты, оның ішінде қызметтiк, коммерциялық, банктiк немесе заңмен қорғалатын өзге де құпияны құрайтын мәлiметтердi өтеусіз алуға құқылы. Бұл ретте алынған ақпарат, оның ішінде қызметтiк, коммерциялық, банктiк немесе заңмен қорғалатын өзге де құпияны құрайтын мәлiметтер жария етуге жатпайды.»;
«Мемлекеттік органдар, қаржы ұйымдары және өзге де ұйымдар, олардың қауымдастықтары (одақтары), сондай-ақ жеке тұлғалар уәкілетті органның сұрау салуы бойынша құжаттарды, қаржылық есептілікті қоса алғанда, есептілікті және қажет болған жағдайда уәкілетті орган өз функцияларын орындауы үшін қажетті өзге де қосымша ақпаратты ұсынуға міндетті.»;
«Қазақстан Республикасының қаржы заңнамасы саласындағы бақылау мен қадағалау бақылау және қадағалау органдарының бақылау мен қадағалау құзыреті шегінде қаржы ұйымдарының, олардың филиалдарының және үлестес тұлғаларының, Қазақстан Даму Банкінің, бағалы қағаздар нарығындағы қызметті жүзеге асыратын заңды тұлғалардың, бағалы қағаздар нарығының өзге де субъектілерінің, бағалы қағаздар эмитенттерінің, кредиттік бюролардың, банк холдингтерінің, банк конгломераттарының, банктердің ірі қатысушыларының, сақтандыру холдингтерінің, сақтандыру топтарының, сақтандыру (қайта сақтандыру) ұйымдарының ірі қатысушыларының, сақтандыру ұйымдары мәжбүрлеп таратылған жағдайда, сақтанушыларға (сақтандырылушыға, пайда алушыға) сақтандыру төлемдерін жүзеге асыруға кепілдік беретін ұйымның, сақтандыру нарығында актуарлық қызметті жүзеге асыруға лицензиясы бар актуарийлердің, арнайы қаржы компанияларының, исламдық арнайы қаржы компанияларының, инвестициялық қорлардың, инвестициялық портфельді басқарушының ірі қатысушыларының, банктің, сақтандыру (қайта сақтандыру) ұйымының ірі қатысушысы белгілеріне ие тұлғалардың, инвестициялық портфельді басқарушының, банк холдингінің, сақтандыру холдингінің, кәсіби ұйымдардың, микроқаржылық қызметті жүзеге асыратын ұйымдардың, коллекторлық агенттіктердің, төлем жүйесіне қатысушылардың, төлем жүйелерінің операторлары мен операциялық орталықтарының, оның ішінде олармен төлем жүйесінің жұмыс істеуі үшін қызмет көрсету шарты бойынша уәкілетті кез келген өзге тұлғаның, төлем қызметтерін берушілердің, оның ішінде олармен төлем қызметтерін көрсету бойынша функцияларды жүзеге асыруға шарт бойынша уәкілетті кез келген өзге тұлғаның, көрсетілетін төлем ұйымдарының, сондай-ақ валюталық операцияларды жүзеге асыратын тұлғалардың, уақытша әкімшіліктердің (уақытша әкімшілердің), банктердің, сақтандыру (қайта сақтандыру) ұйымдарының тарату комиссияларының (бұдан әрі – тексерілетін субъект) Қазақстан Республикасының банктік заңнамасында, Қазақстан Республикасының сақтандыру және сақтандыру қызметі, валюталық реттеу және валюталық бақылау, төлемдер және төлем жүйелері, зейнетақымен қамсыздандыру, бағалы қағаздар нарығы, бухгалтерлік есеп және қаржылық есептілік, кредиттік бюролар және кредиттік тарихты қалыптастыру, пошта, Қазақстан Даму Банкі, микроқаржылық қызмет, коллекторлық қызмет, Сақтандыру төлемдеріне кепілдік беру қоры, қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы, акционерлік қоғамдар, инвестициялық қорлар туралы, мемлекеттік статистика саласындағы заңнамасында және Қазақстан Республикасының өзге де заңдарында белгіленген талаптарды сақтауын бақылауды және қадағалауды жүзеге асыруын, қаржылық қызметтерді тұтынушылардың құқықтары мен заңды мүдделерін бұзушылықтарды, Қазақстан Республикасының ұлттық және экономикалық қауіпсіздігіне, оның қаржылық жүйесінің тұрақтылығына қауіп төндіретін бұзушылықтарды анықтауын, қаржы ұйымдарының, банк конгломераттарының және (немесе) сақтандыру топтарының қызметіндегі кемшіліктерді және (немесе) тәуекелдерді анықтауын көздейді.
2. Бақылау нәтижелері бойынша бақылау және қадағалау органы осы Заңға және Қазақстан Республикасының өзге де заңдарына сәйкес және өзінің бақылау функцияларын жүзеге асыру барысында тексерілетін субъектілер Қазақстан Республикасы заңнамасының талаптарын бұзушылықтар, қаржы ұйымдарының, банктік конгломераттардың және (немесе) сақтандыру топтарының қызметінде кемшіліктер және (немесе) тәуекелдер анықтаған жағдайда, әкімшілік іс қозғайды не өзге шаралар, оның ішінде Қазақстан Республикасының заңдарында көзделген құқықтық шектеу шараларын қолданады.
Қадағалау нәтижелері бойынша бақылау және қадағалау органы осы Заңға және Қазақстан Республикасының өзге де заңдарына сәйкес және өзінің қадағалау функцияларын жүзеге асыру барысында тексерілетін субъектілер Қазақстан Республикасы заңнамасының талаптарын бұзушылықтар, қаржы ұйымдарының, банктік конгломераттардың және (немесе) сақтандыру топтарының қызметінде кемшіліктер және (немесе) тәуекелдер анықтаған жағдайда, Қазақстан Республикасының заңдарында көзделген шараларды, оның ішінде әкімшілік іс қозғамастан құқықтық шектеу шараларын қолданады.»;
«2) Қазақстан Республикасының заңдарында белгіленген тәртіппен қаржы ұйымдарына, олардың ірі қатысушыларына, банк және сақтандыру холдингтеріне, банк конгломератына және сақтандыру тобына кіретін ұйымдарға, сақтандыру төлемдерін жүзеге асыруға кепілдік беретін ұйымға қатысты қашықтықтан қадағалау, оның ішінде шоғырландырылған негізде қадағалау;»;
«4) уәкілетті органды қаржы ұйымдарының қаржы өнімдерін бекітуі туралы хабардар ету тәртібін реттейтін нормативтік құқықтық актілерде көзделген құжаттарды, сондай-ақ хабарламаға қоса берілетін құжаттардың тізбесін, уәкілетті органды микроқаржылық қызметті жүзеге асыратын ұйымдардың микрокредиттерді беруі бойынша көрсетілетін қызметтерді бекітуі туралы хабардар ету тәртібін, сондай-ақ хабарламаға қоса берілетін құжаттардың тізбесін Қазақстан Республикасының заңнамасында белгіленген құзыреті шегінде қарау;»;
Достарыңызбен бөлісу: |
