Қазақстан республикасы білім және ғылым

жүктеу 4,42 Mb.

бет	94/260
Дата	03.03.2023
өлшемі	4,42 Mb.
	#41578
түрі	Оқулық

1 ... 90 91 92 93 94 95 96 97 ... 260

Білім берудегі менеджмент. Кітап

күнделікті( сабақ сайын) – нақты сабақтың оқу материалын меңгеру нәтижелерін қадағалау;

тақырыптық – оқу бағдарламасының түйінді тақырыптары бойынша білім мен біліктерді білім алушылардың меңгеру нәтижелерін қадағалау;

жалпылай – тоқсан соңында немесе жартыжылдық жеке оқу курсы бойынша білім алушылардың пәндік білімді және іс-әрекет тәсілдерін (біліктер мен құзырлықтарды) меңгеру нәтижелерін қадағалау;

қорытынды – нақты сыныптағы немесе мектеп сатысындағы білімінің соңғы нәтижелерін (аттестация) қадағалау.

Бақылау құралдары: тест; бақылау жұмысы; емтихан; сынақ; мемлекетаралық бақылау; олимпиада; байқаулар және т.б.
Соңғы кезде оқушылардың білім, білік, дағдысын бақылауда көбінесе тест әдісі қолданылады.
Тест ағылшынның «test» сөзінен шыққан (тікелей аудармасы – сынау, зерттеу). Тест – адамның ақыл-ойының, қабілетінің, ерік күш-жігері мен өзге жеке-дара қабілеттерінің даму деңгейін айқындау мақсатында қолданылатын стандарттық тапсырма; жеке-дара не топтық ерекшеліктерін айқындауға арналған, орындау уақыты шектеулі, қиындық дәрежесі біркелкі емес тапсырмалар жиынтығы; қысқа бір мәнді жауап немесе ұсынылған бірнеше түрлі нұсқалардан дайын жауапты іріктеп алуды талап ететін сұрақтар.

Тест әдісінің артықшылығы:

тексерудің, бақылаудың шынайылылығы;
тест арқылы бағалау нақты әрі сараланған, әрі даралық сипатта болады;
дәстүрлі тексеру әдісінен тиімдірек: біріншіден, оқушылардың үлкен топтарымен жүргізуге болады; екіншіден, уақыт үнемделеді, шектеулі.

Тест – жас деңгейлері, білім деңгейлері бойынша топталған, арнайы әзірленген тапсырмалар жиынтығы. Тест тапсырмалары ішінара ізденіс, репродуктивті ғана емес, шығармашылық сипаттамаларымен ерекшеленеді, себебі, онда білім алушының теориялық білімімен қатар практикалық біліктіліктері де бағаланады.

жүктеу 4,42 Mb.

Достарыңызбен бөлісу:

1 ... 90 91 92 93 94 95 96 97 ... 260