2017 жыл бойынша орындалуы жөніндегі ақпарат 1-бөлім. Мемлекеттік органның іс-іс-шаралары

1. 
   Денсаулыққа қауіп төндіретін салдарларды жоюға бағытталған іс-шаралар кешенін қабылдау (медициналық кадрларды жұмылдыру, дәрілік заттармен қамтамасыз ету және т.б.):
   
2. 
   Жарақат кезінде алғашқы медициналық көмек көрсету бойынша денсаулық сақтау ұйымдары мен медициналық пункттерді заманауи құралдармен қосымша жарақтандыруға, сондай-ақ шұғыл стационарлық көмек көрсетудің қосымша көлеміне немесе бюджеттік қаражатты қайта бөлуге қаражаттың қажеттілігі туралы бюджеттік жоспарлау жөнінде уәкілетті мемлекеттік органдарға ұсыныстар енгізу.
   

Республикамыздың авариялық-қауіпті учаскелерінде 40 трассалық медициналық-құтқару пунктін дамыту қамтамасыз етілуде (бұдан-әрі – ТМҚП)

ТМҚП жұмысы тәуліктік режимде жүзеге асырылады, вахталық әдіс бойынша шұғыл әрекет ететін бригадалардың кезекшілігі ұйымдастырылды. Бригадалар 5 қызметкерден тұрады (дәрігер, фельдшер, фельдшер-диспетчер, құтқарушы-санитар және жүргізуші-құтқарушы-санитар).

ТМҚП қажетті техникалық жабдықтармен жарақталған, құтқару жабдықтарымен 40 реанимобиль жарақталған.

ТМҚП аумағында тікұшақ техникасының қонуына орындар қарастырылған.

2017 жыл ішінде ТМҚП шұғыл әрекет ететін бригадалар –1527, оның ішінде ЖКО бойынша – 1079 шықты. Бұл ретте – 1467 адам құтқарылды. (оның ішінде балалар - 126), 3812 адамға медициналық көмек көрсетілді (оның ішінде балалар — 270), 2345 өз бетінше жүгінген халық (оның ішінде балалар – 144), 1519 адам көшірілді (оның ішінде балалар — 159), 1168 адам ауруханаға жатқызылды (оның ішінде балалар - 113),

136 адам өз бетінше жүгіну бойынша ауруханаға жатқызылды (оның ішінде балалар - 16).

Мынадай нысаналы индикаторларға қол жеткізілуде:

- Трассадағы ЖКО салдарынан шұғыл трассалық медициналық-құтқару көмегін көрсету арқылы қайтыс болғандардың санын төмендету. Осылайша, 2017 жыл бойынша қайтыс болған адамдардың көрсеткіші – 10,4% (2016ж. - 10,5%) құрады.

- Трассадағы ЖКО кезінде шұғыл трассалық медициналық-құтқару көмегін көрсетуде бригаданың жету уақытының қысқарту, ЖКО туралы ақпарат алған сәттен бастап, шақыртуға дереу жетуі.

- Бүгінгі таңда, бұл көрсеткіш 25 минуттен аспайды, «алтын уақыт» қағидасы сақталады.

*Ескерту:

2017 жылы «Денсаулық» мемлекеттік бағдарламасын жүзеге асыру аясында РБ сәйкес 754,0 млн.тг сомасында қаржы бөлінді. 2017 жылы қаражат көлемі 2,6 млн. теңге қысқартылды.

(2017 жылғы 20 қарашадағы №94 анықтама)

2017 жылы Қазақстан Республикасының Мемлекеттік шекарасында санитариялық-карантиндік бақылауды жүзеге асыру барысында санитариялық-карантиндік бақылаумен (қарап-тексеру және сұраумен) 2396840 адам қамтылды.

Шекарада келгендерді қарау барысында дене қызуының көтерілуі бар инфекциялық және инфекциялық емес этиологиясы бар ауруларға күдікті 128 науқас анықталды. Эпидемияға қарсы және профилактикалық іс-шаралар кешені уақтылы ұйымдастырылды, алғашқы қойылған диагноздары расталған жоқ.

1) сыртқы экономикалық қызметке қатысушылар туралы, сынақ өткізуге, өнімнің сәйкестігін растауға немесе өнімнің сәйкестігі туралы декларация тіркеуге, сәйкестік нәтижелерін мойындауға жүгінген өтініш беруші туралы, халықтың санитариялық-эпидемиологиялық саламаттылығы саласындағы мемлекеттік органға техникалық реттеу саласындағы уәкілетті орган, кеден одағы ұсынатын өнімдердің сәйкестігін дәлелдеу ретінде берілген сынақтар нәтижелері туралы мәліметтерді зерделеу және талдау негізінде камералық бақылау;

2) халықтың санитариялық-эпидемиологиялық саламаттылығы саласындағы нормативтік құқық актілердің, гигиеналық нормативтердің және техникалық регламенттердің талаптарының бұзылуын анықтау және оның алдын алу үшін өнімдерге (тауарларға) санитариялық-эпидемиологиялық сараптама таңдау және жүргізу;

2. Сәйкес келмейтін өнімдерді (тауарларды) әкелуге және сатуға шектеудің уақытша санитариялық іс-шараларын жүргізу;

3. Сәйкес келмейтін өнімдерді (тауарларды) айналымнан алып тастау.

1.1) Камералдық бақылау шеңберінде 55 сыртқы экономикалық қызмет қатысушысы тексерілді, оның ішінде 31-не сәйкестікті растау құжаттарынсыз өнімдерді сату бұзушылығын жою туралы ұйғарым берілді. Жүргізілген жоспардан тыс тексерулер нәтижелері бойынша сотқа беру арқылы 9-на қатысты әкімшілік іс қозғалды.

Қаралған материалдардың нәтижелері бойынша сот органдарында сәйкестікті растаудан өту рәсімдерінсіз өнімнің (балалар ойыншықтары, тамақ өнімі) 26-топтамасы әкелінген 1 сыртқы экономикалық қызмет қатысушысына әкімшілік айыппұл (2 495 900 теңге сомаға) төледі және қызметін уақытша тоқтата отырып әкімшілік жауапкершілік жаза қолданылды.

1.2) 2017 жылы барлығы, тамақ өнімдерінің және халық тұтынатын тауарлардың 42 540 атауынан сынама алынды, оның ішінде 4392 сынамада (10 %) талаптарға сәйкессіздік анықталды.

Тамақ өнімдерінің 34 460 астам сынамасы зерттелді, оның ішінде техникалық регламенттер талаптарына сәйкессіздік 2854 сынамада анықталды, бұл 8,3 %-ды құрады, оның ішінде: аспазханадағы өнімдер – 25,5%, нан және нан-тоқаш өнімдері - 23,5%, балық өнімдері - 25%, құс еті - 21%, ет өнімдері - 17,8%, темекі өнімдері – 15,6%, ББҚ – 80,%, кондитерлік өнімдер – 8,0 %, жеміс және көкөністер - 7,8%, сүт өнімдері - 6,9%, диеталық профилактикалық өнімдер - 5,9%, ұн және жарма өнімдері - 3,4%, шырын өнімдері – 3,1%, балалар тағамы өнімдері – 2,4%, май өнімдері – 2,1%, алкогольсіз сусындар – 1,8%, табиғи минералды су -1,4%, бөтелкеге құйылған ауыз су - 1,2%, спортшыларға, жүкті және бала емізетін әйелдерге арналған тамақ - 1,1% және басқа да тамақ өнімдері - 6,6%.

Жануарлар тіндеріне сәйкестігін айқындау бойынша тамақ өнімдерінің 145 үлгісі зерттелді, 941 зерттеу жүргізілді.

40 үлгіде өнімнің таңбалауында көрсетілмеген шошқа ДНК-сы анықталды. Ет өнімдері топтары бойынша шұжық бұйымдары сынамаларының 67,5%-да, жартылай фабрикаттар сынамаларының 20,0%-да және ет консервілері сынамаларының 7,5%-да сәйкессіздік анықталды.

2017 жылғы наурыз-сәуір айларында жалған фактілерді анықтау үшін сүт өнімдерін сатып алу және зерттеу жүргізілді. 108 сынама май қышқылының құрамына сәйкестігіне зерттелді, оның ішінде 19 үлгіде құрамындағы өсімдік майының мөлшері 17,6% құрады.

Биылғы жылы 7 тамақ өнімінде ГТО құрамының өсуі анықталды.

Жалпы алғанда, тамақ өнімдерінің сәйкессіздік пайызының көпшілігі импорттық өнімдердің үлесіне тиесілі - 68%. Техникалық регламенттер талаптарына сәйкес келмейтін отандық өндірушілердің өнімдері 32%-ды құрайды.

Техникалық регламенттер талаптарының негізгі бұзушылықтары мыналар болып табылады: 75% - өндірушілердің таңбалау ережелерін бұзуы, қауіпсіздік талаптарына сәйкес келмеуі - 23%, сондай-ақ құрамында берілген құндылықтары немесе физикалық-химиялық көрсеткіштерінің сәйкессіздігі - 12%.

Сәйкес келмейтін тамақ өнімдерінің басым бөлігі Ресей Федерациясының өндірушілерінің үлесіне тиесілі - 52%, одан әрі Қазақстан Республикасы - 23%, Қырғызстан - 4%, Беларусь Республикасы - 3%, Украина - 2,5%, Қытай, Түркия және басқа елдер (Латвия, АҚШ, Түркия, Молдова, Грузия, Франция, Өзбекстан және т.б.) 1% -ға дейін.

Анықталған барлық фактілер бойынша, тауарларды сатып алу қорытындысы бойынша 1203 жоспардан тыс тексеру жүргізілді, оның ішінде 3 адамға қатысты - 61, 160 бұзушылықтарды жою туралы ұсыныс берілді, 415 әкімшілік құқық бұзушылық бойынша іс қозғалды, 116 сот шешімі шығарылды, оның ішінде 109 талап-арыз қанағаттандырылды, жалпы сомасы 27 млн. теңгеден астам айыппұл салынды. Сауда кәсіпорындарынан 20 тоннадан астам сомаға 26 тоннадан астам сәйкес келмейтін өнім саудадан алынып тасталды, оның ішінде 20 тонна қауіпті тамақ өнімдері.

Балалар мен жасөспірімдерге арналған тауарлардың 1,2 тоннадан астамы, 3,1 тонна тұрмыстық химия және парфюмерлік-косметикалық өнім, 0,5 тонна тамақ өнімімен жанасатын материалдар саудадан алынып тасталды.

2. Қырғызстан Республикасы өндірісінің бактериологиялық көрсеткіштер мен таңбалау бойынша сәйкес келмейтін қауіпті тамақ өнімдерін, бұл Ақ-сүт (шаруа майы), Эмилия (голландтық ірімшік), TM Riha (шұжық өнімдері), Куликовский К.Д. (кондитерлік өнімдер), «Үміт және Ко» (балмұздақ), Рамакс (көкөніс консервіленген өнім) әкелу мен сатуға тыйым салу бойынша 7 уақытша санитариялық іс-шара қолданысқа енгізілді. Сауда желісінен 5,5 тоннадан астам шұжық өнімдері, 2,5 тонна сүт өнімдері, 25 тонна кондитерлік өнімдер, 1190 консервіленген жеміс-көкөніс консервілері, 160 бөтелке іс-шарап алып тасталды. «Рих» ТМ-нің 4,4 тонна шұжық өнімін әкелу фактілерінің алды алынды.

3.Сауда кәсіпорындарында 18,5 млн.теңгеден астам сомаға сәйкес келмейтін өнімнің 205,4 тоннасынан артығы саудАДан алынды, оның ішінде 17,5 тонна қауіпті тамақ өнімі.

Республиканың нарығында халық тұтынатын тауарлар ішінде гигроскопиялылығы, бояуға төзімділігі және таңбалауының болмауы бойынша сәйкес келмейтін әртүрлі киімнің, оның ішінде балаларға арналған киімнің 500 партиясынан артығы саудадан алынды.

2017 жылғы наурыз-сәуір айларында жалған өнімдердің фактілерін анықтау үшін сүт өнімдерін сатып алу және зерттеу жүргізілді. 108 сынама май қышқылының құрамына сәйкестігіне зерттелді, оның ішінде 19 сынамада құрамындағы өсімдік майының мөлшері 17,6% құрайтыны анықталды.

Облыстардың, Астана және Алматы қалаларының әкімдері мен ҚР Денсаулық сақтау министрінің арасында жасалатын меморандумдарға мынадай іс-шаралар қосылды:

• 
  ауылдық денсаулық сақтау ұйымдарына жұмыс істеу үшін келген әлеуметтік қолдау көрсетілген жас мамандардың үлесі (кемінде);
  
• 
  адами ресурстарды басқарудың корпоративтік кадрлық саясатын енгізген мемлекеттік медициналық ұйымдардың үлесі (кемінде).
  

Қазіргі уақытта меморандумдар облыстардың, Астана және Алматы қалаларының денсаулық сақтау басқармаларымен келісуден өтуде.

Қазақстан Республикасы Денсаулық сақтау министрлігі Қормен және басқа да мемелкеттік органдармен бірлесіп МӘМС енгізумен байланысты тәуекелдерді төмендету бойынша жоспарлы жұмысты жүргізуде және мынадай шаралар қабылданды:

МӘМС енгізу кезінде тәуекелдерді басқару бойынша Іс-шаралар жоспары бекітілді. МӘМС жүйесін енгізу тәуекелдерін басқару мәселелері боынша іс-шаралардың кешенді ведомствоаралық жоспары бекітілді, мұнда ОАО, ЖАО, ведомстволық ұйымдар мен мемлекеттік емес сектордың өзара іс-қимыл жасайды.

Сонымен қатар Мемлекет басшысының тапсырмасын орындау үшін ҚР Еңбек және халықты әлеуметтік қорғау министрлігі мүдделі мемлекеттік органдармен елдің экономикасына, тиісінше МӘМС жүйесіне бейресми өзін-өзі жұмыспен қамтыған халықты тарту және олардың жұмысын ресімдеу бойынша 2018-2019 жылдарға арналған ұйымдастыру іс-шараларын (Жол картасын) әзірледі. Қазіргі уақытта мемлекеттік органдар Жол картсын іске асыру бойынша жұмысты бастады.

Жол картсы үш негізгі блоктан тұрады:

1. өзін өзі жұмыспен қамтыған халықтың қызметін ресми түрде ресімдеу;

2. Нәтижелі жұмыспен қамтуға тарту;

3. Орталық мемлекеттік органдардың ақпараттық жүйесінің базасын өзектендіру.

Сонымен қатар Жол картасы «өзін-өзі жұмыспен » түсінігін біркелкілікке келтіру, хабарлама тәртібінде өзін-өзі жұмыспен қамтыған азаматтарды тіркеудің жеңілдетілген жүйесін енгізу, өзін-өзі қамтыған халықты статистикалық есепке алу тәртібін қамтамасыз ету бойынша жүйелі шараларды көздейді.

Бұдан басқа мүдделі мемлекеттік органдардың қатысуымен өзін-өзі жұмыспен қамтыған халықтың қызметін ресмилендіру мәселелері бойынша Комиссия құрылды.

2017 жылғы 1 шілдеден бастап Қор МӘМС жүйесінде аударымдар мен жарналарды шоғырландыруды бастады.

Министрлік апта сайынғы негізде Қорға түсетін аударымдар мен жарналардың түсімдеріне мониторинг жүргізеді.

Сонымен ағымдағы жылғы 4 қаңтардағы жағдайы бойынша Қорға шоғырландырылған аударымдар мен жарналардың сомасы 5,2 миллионнан астам адамға 32,3 млрд. теңгені құрады, соның ішінде аудардымдардың үлесі 82% (26,5 млрд. теңге), жарналардың үлесі – 18% (5,8 млрд. теңге).

ҚР Денсаулық сақтау министрінің 2017 жылғы 26 сәуірдегі № 215 бұйрығымен Міндетті әлеуметтік медициналық сақтандыруды енгізу шеңберінде Қазақстан Республикасының мемлекеттік органдары мен ұйымдары ақпараттық жүйелерін біріктіру мәселелері жөніндегі ведомствоаралық жұмыс тобы құрылды.