Әдебиеттер: 1, 2, 3,4, 5, 6, 11, 12, 29, 30, 35, 40, 41, 42, 43, 44, 45, 46, 47, 48, 49, 50 № 8 дәріс

Бүгінгі кейіпкер – бүгінгі күнгі балалар лирикасының шындық пен ақиқатына, шынайы өмір көріністеріне құрылған. Еліміздің тәуелсіздік алған тұсынан бастап маңызды деп танылған ұлт мүддесіне қатысты қағидалар мен баланы жақсы әлемге бастайтын игі мақсаттар ересектердің емес, баланың ұғымына сай баланың тілімен жеткізілген. Еліміздің тәуелсіздікке қол жеткізуі, тәуелсіздік идеяларынан бастау алатын Отан, туған жер ұғымдары, Астана туралы жырлар, бүгінгі күн батырлары – Т.Әубәкіров, Т.Мұсабаевтар және спорт саңлақтарымыздың бейнесі, тәуелсіздікпен бірге келген құндылықтарымыз – қазақ тарихындағы батырларымыз, хандарымыз бен билеріміз, шешендеріміз секілді тұлғаларымыздың әдеби тұрғыда қайта тіріліп жырға қосылуы және ислам дінінің қайта салтанат құруына байланысты пайда болған имани жырлар – әдебиетіміздің үлкен табысы.