­­­­­­ Г. С.Қайсағалиева 2012 жыл

Ағымдағы оқу жылы университетті 910 студент тамамдады, олардың ішінде:

• 
  429 педагогикалық;
  
• 
  481 педагогикалық емес мамандықтың түлектері.
  

1. 
   диаграмма
   

Педагогикалық мамандықтар бойынша университетті 364 студент грант, оның ішінде ауыл квотасымен 121, ақылы негізде 56 студент аяқтады.

2011 – 2012 оқу жылында сараманды ұйымдастыру және жұмысқа орналастыру бөлімі университет әкімшілігінің қолдауымен түлектерді жұмысқа орналастыру мақсатында ұйымдастырылған бірқатар шаралардың негізгілері ретінде жұмыс берушілермен, мекеме өкілдерімен өткізілген кездесулерді атап өтуге болады.

10 сәуір 2012 оқу жылының түлектерін жұмыспен камтамасыз етуге көмектесу мақсатында жоспарланған көлемді шараларының бірі «Қазіргі еңбек нарығы мен ЖОО түлектеріне қойылатын талаптар» тақырыбында жұмыс берушілермен кездесу өтті. Кездесудің мақсаты – еңбек нарығының өзгеріп отыратын сұраныстарын айқындау және осы мәселер бойынша жұмыс берушілермен пікір алмасу.

Кездесуді университет ректоры педагогика ғылымдарының докторы, академик Асхат Сәлімұлы Иманғалиевтің алғы сөзінен кейін университетіміздің барлық факультет декандарының мамандықтарды таныстыру презентациялары жалғастырды.

Шараға 40 мекеме қатысты, олардың ішінде ҚР Парламенті Мәжілісінің депутаттары Утемисов Шафхат Аннесұлы, Киянский Виктор Владимирович, «ӨЖК «Серік» ЖШС директоры Мергалиев Серик Ролланович, Қарашығанақ б.в шетелдік компаниясынан Қожахметова Асел Айболатқызы және басқалары қатынасты.

Дөңгелек үстел барысында БҚО әлеуметтік-экономикалық салаларының сұраныстары негізінде мамандарды даярлау және қайта даярлау, кәсіби сараман уақытында жас мамандарды сынақтан өткізіп, алдағы уақытта жұмысқа орналасуы, 2012-2013 жылы жас мамандарға қажеттік мәселелері кеңінен талқыланды. Шараға қатысқан барлық мекеме өкілдері өз пікірлерін ортаға салды.

Шара соңында дөңгелек үстелде қаралған сұрақтар мен мәселелерді қорытындылай келе, ұсыныстар жобасы жасалды.

Жоба бойынша жұмыс берушілерге университетпен әлеуметтік байланысын жетілдіруге (мақсатқа бағытталған мамандарды даярлауға гранттар мен стипендиялар бөлу, оқу-ғылыми зертханалық база құруға көмектесу); студенттерге кәсіби және дипломалды сараманнан өту кезінде көмектесуге; ұзақ мерзімді келісім-шартқа отыруға ықыласты болуға; мүмкіндігінше Мансап күні, жастар практикасы және тағы да басқа осы бағыттағы шараларға демеуші болуға; жоғары оқу орындарының түлектерін белгілі бір мақсатта мамандандыруды көздейтін ортақ бағдарламалар жасауға ұсыныстар жасалды.

Университетке факультеттер арасында жұмыс берушілермен қарым-қатынастың инновациялық жобасын іске асыру бойынша конкурсын ұйымдастыруға; жұмыс берушілерді университеттің шараларына қатыстыруға; факультеттерде компаниялардың презентациясын ұйымдастыруға жәрдемдесуге; университет түлектерінің іскерлік дағдысын және тілдік дайындығын қалыптастыруға ұсыныстар жасалды.

Мекеме өкілдерімен кездесу:

Елімізге танымал ірі компаниялардың бірі - КПО б.в компаниясы. Ақпан айының 27-сі күні компания өкілдері университетіміздің ректоры академик Имангалиев Асхат Сәлімұлымен кездесті. Келген қонақтар Антонио Маглио – қызметкерлерді басқару менеджері және Игизова Шолпан – кадр бөлімінің бас маманы. Кездесу барысында студенттердің сараманнан өтуі туралы сөз етілді. Компания туралы ақпарат беру үшін арнайы мамандар келіп дәріс жүргізу керектігі талқыланды. Университеттің озық студенттері үшін танысу экскурсиясын ұйымдастыру келісілді. Сөз соңында ректор өз қолымен сыйлықтар мен алғыс хаттар табыс етті. Оқу-әдістемелік жұмысы жөніндегі проректор Ғ.Х.Жүсіпқалиевамен кездесіп, академиялық ұтқырлық туралы, оқытушыларды шетелге біліктілік арттыруға жіберуге жәрдемдесу керектігі жөнінде талқылады. Қонақтар университетіміздің тарихы туралы мұражайды аралап мағлұмат алса, кітапханаларды аралап оқулық қорымен танысты. Сонымен қатар химиялық лабораторияны аралап, жаңа құрылғылармен тәжірибе алмасты. «Химия» мамандығы студенттеріне компаниядан сараманнан өтуге келісім жасалды. Университетіміздің және «ТДК - 42» телеарнасынан келген БАҚ қызметкерлеріне сұхбат берілді.

Кездесу барысында келген қонақтардың барлығы сөз алып, ҚР Президентінің «Қазақстан-2020» бағдарламасы, «Дипломмен ауылға!», «Жастар практикасы» бағдараламаларының аясында өз ауданының студенттеріне аудан тарапынан әрқашан қолдау көрсетілетініне, әсіресе өнер саласындағы мамандықтардың студенттерін ерекше атап, жуырда облыста құрылатын Жаңақала ауданының қауымдасдастығына мүшелікке шақырды. Сонымен қатар, студенттер өздерін толғандырып жүрген сұрақтарға жауап алды. Сұрақтардың дені университетті биыл бітіретін түлектердің өздері түлеп ұшқан мектептерге жұмысқа орналасуға ниеттерінің қолдау табуы туралы болды. Ал студенттерді сараманнан өту, дипломдық жұмыс жазу барасыныда керекті деректермен қамтамасыз ету, қысқы-көктемгі, мереке күндеріндегі демалысы кезінде студенттерді ауылына жеткізетін арзан көліктің ұйымдастырылуы университет қабырғасында әлі де білім алып жатқан студенттердің басты сұрағы болды.

М.Өтемісов атындағы Батыс Қазақстан мемлекеттік университетінде 25 сәуір күні мәжіліс залында БҚО мемлекеттік қызмет істері басқармасының бастығы Сергалин Әкімгерей Бексұлтанұлының студенттермен кездесуі болып өтті. Кездесу барысында мемлекеттік қызмет көрсету саласындағы жаңалықтарға тоқталып, ҚР азаматтарына тест тапсыру арқылы мемлекеттік қызметке тұруға ерікті екендігін, құжат тапсыру жұмысы жалғасып жатқанын айтты. Студенттер мемлекеттік қызмет өтілін есептеу тәртібі мен ережелері туралы, қолданыстағы мемлекеттік қызмет туралы заңнаманың өзгерістері туралы сұрақтар қойды. Әкімгерей Бексұлтанұлы келушілердің барлық сұрақтарына жауап беріп, түсініктемелер және ұсыныстар берді.

Түлектерді тарату комиссиясы отырысына, сонымен қатар, төмендегідей педагогикалық емес мамандықтар қатыстырылды:

• 
  Тарату комиссиясы отырысының барысында түлекті қарамағына қабылдаған білім беру ұйымдары кейіннен өз шешімдерінен бас тартты;
  
• 
  Түлектер көп жағдайда ауылға барудан бас тартады.
  

Шара салтанатты және жұмыс бөлімінен тұрды. Салтанатты бөлімді М.Өтемісов атындағы БҚМУ-нің бірінші проректоры, тарих ғылымдарының докторы Әсет Сембайұлы Тасмағамбетов ашып, «Нұр Отан» халықтық-демократиялық партиясының «Жас Отан» жастар қанаты БҚО филиалының атқарушы хатшысы Қадралиев Дархан Қаныбекұлы, студенттік ректор, Н.Назарбаев атындағы шәкіртақы иегері, қазақ тілі мамандығының 4 курс студенті Асылханова Елдана Асылханқызы сөз сөйледі.

Шара барысында университетті бітіргелі отырған жас мамандарға сынақ мерзімінен өтіп, өз мүмкіндіктері мен қабілетін көрсетіп, тәжірибе жинақтап, қазіргі заманның жұмыс нарығында орнын табуға септігін тигізетін «Жастар практикасының», факультеттердің өз мамандықтарын таныстыру презентациялары көрсетілді; студенттер жұмыс берушілердің негізгі талаптарымен танысып, олардың берген ақпараттарын қызығушылықпен тыңдады, келген мекемелерге түйіндемелерін тапсырды.

Сонымен бірге, шараға қатысуға «Орал өңірі», «Пульс города», «Жайық үні» газеттері мен «Қазақстан-Орал», «ТДК-42», «Хабар» телеарналарының түсіру тобы келді.

Мекеме басшыларынан педагогикалық емес мамандықтардың түлектерін тарату аясында жүргізілетін осы шара түлектердің диплом берілген уақыттан кейін өткізілсе деген ұсыныстар түсті.

Жыл бойы студенттерге жүргізілген «Дипломмен ауылға» атты «Нұр Отан» партиясының бағдарламасын насихаттау акциясы барысында осы шараға қатысқан жоғары курс студенттері арасында дөңгелек үстел өткізілді. Онда ауылдық жерлерге жұмысқа орналасқан студенттердің әлеуметтік жағдайы мен бағдарлама бойынша оларға жасалған көтерме көмек мәселелері қаралды.

Желтоқсан айында дайындау бағыттары мен мамандықтар бойынша түлектердің электрондық базасы жасалып, ЖОО-ның сайтында, қаңтарда – БҚО ауыл жастары Одағының, БҚО кәсіпкерлері Ассоциациасының, ауылшаруашылық министрлігінің, облыс аудандары әкімдерінің, маусым айының басында еңбек және әлеуметтік бағдарламалар сайтарында орналастырылды.

Аталған шаралар мен атқарылған жұмыстардың университет түлектерінің жұмысқа орналасуына септігін тигізгенін келесі көрсеткіштерден көруге болады.

2011-2012 оқу жылындағы түлектердің жұмыспен қамтылғандарының жалпы саны 712 адам; олардың 40% мемлекеттік тапсырыс бойынша және 60% ақылы негізінде оқығандар. Педагогикалық мамандықтар бойынша 429 студент университетті бітірген болса, соның ішінде 350 түлек (81%) жұмыспен қамтылған, педагогикалық емес мамандықтар бойынша бітірген 481 түлектің 411-і (85 %) жұмысбасты.

Жұмыспен қамтудың қорытындысының салыстырмалы сараптамасы дайындау бағыттары бойынша мынадай нәтижелер көрсетті: жұмыспен қамтудың ең жоғары көрсеткіші түлектердің «Білім беру» бағытындағы - 80%; «Өнер» бағытында - 75%,«Әлеуметтік ғылымдар, экономика және бизнес», «Гуманитарлық ғылымдар» - 72%, «Қызмет көрсету» - 70%, «Құқықтану» -52% жұмыспен қамтылғандығы байқалды.