-сурет. Интернет ресурстар тізімі

Web of Knowledge платформасындағы Springer толық мәтінді электронды ресурстарын оқырмандардың пайдалануына мүмкіндік алдық. Springer компаниясы өз пайдаланушыларына on-line жүйесінде Ұлттық лицензия аясында қызмет көрсетеді. Қазіргі кезде кітапханашылар веб-семинарға қатысып үйренуде. Осы сәтті пайдалана отырып, Сіздерді Web of Knowledge платформасын іс-тәжірибе жүйесінде оқыту веб-семинарына шақырамын. Веб-семинар үстіміздегі жылдың сәуір айының 3-6 аралығында өтеді. Семинарда ең қызық мақалаларды іздеу, жоғары импакт-фактор журналдарына мақалаларды топтастыру тақырыптары бойынша оқыту жүргізіледі.

М.Өтемісов атындағы БҚМУ Веб-сайты университеттің бір жүйелі ақпараттық ортасы болып табылады. Ішкі сайттағы ғылыми кітапхана беттерінен студенттер мен профессор оқытушылар құрамы қысқаша аннотациясымен көрсетілген толық ақпаратты алуға мүмкіндіктері бар. Олар:

-кітапхана тарихы, құрылымы, жаңалықтар, жұмыс кестесі, оқырмандардың кітапхананы пайдалану ережесі;

-электронды кітапхана: библиографиялық көрсеткіштер (ғалымдардың еңбектері), атаулы күндер тізбегі, жаңа әдебиеттердің бюллетені, атаулы күндердің библиографиялық көрсеткіші, виртуалды көрме және электронды ресурстар.