Өндірістік шудың адам организміне әсері

Шу әсіресе жасы ұлғайған кісілерге көп әсері тиеді. Шудың әсері туралы сұрау салғанда 27 жасқа дейінгілердің 48,3%, 30 жасқа дейінгілердің - 57%, 58 жасқа дейінгілердің –62,4%, 58 жастан асқандардың - 72% өздеріне шудың қолайсыз екенін айтқан.Ой еңбегімен айналысқандар жұмысшыларға қарағанда шуға төзімсіздеу келеді.

Атақты Н.М.Сеченев пен Н.П.Павловтың зерттеулері өте қатты шу ми қабығына жетіп, оның клеткаларын қайта-қайта қоздырып, мерзімінен бұрын істен шығаратыны көрсетті. Жүйке клеткаларының да қабілеті бұзылып, шеттен келген дыбыстарға әсерленуі өзгереді.

Шу жүрек пен қан тамыры жүйесіне де әсер етеді. Осындай жағдайда электрокардиограмма жасағанда жүрек соғуы төмендеп, тербелім шегі кішірейгенін көреміз. Үздіксіз қатты дыбыстар адамдардың қолы мен аяғындағы қан тамырларын тарылтып, қанның миға, бұлшықеттерге көп келуіне себебі болады. Сілекей, қалқанша және асқазан асты бездерінің қызметі бұзылып, денеге қажетті заттар бөлмейді.

Шу адамдар мен жануарларға ғана қауіпті және қолайсыз емес, ол өсімдіктерге де зиянды. Дыбыс көп жерде өсімдіктің гүл шашу мерзімі екі есе ұзарып, оның күші 100дБА жеткенде 10 күннен кейін солып қалады.