Тарау. Құрылыс материалдарының топтамасы және қасиеттері Құрылыс материалдарының топтамасы

Құрылыс материалдары жоғары температура әсеріне табандылығы бойынша мына түрлерге бөлінеді: жеңіл балқитын < 1350 °С; қиын балқитын 1350–1580 °С; от әсеріне табанды – 1580–2000 °С; от әсеріне өте табанды > 2000 °С.

От әсеріне табандылық материалдың химиялық құрамына тәуелді (Fe₂O₃, Na₂O табандылықты төмендетеді, Al₂O₃, SiO₂ табандылықты арттырады).

От әсеріне табандылық жоғары температура жағдайында қолданылатын арнайы материалдар үшін бағаланады: жылу агрегаттары, түтін құбырлары, өндірістік пештердің ішкі футеровка конструкциялары. Бұлардан басқа от әсеріне табандылық құрылыс материалдары өндірісінің күйдіру технологияларының шикізаттық материалдары үшін бағаланады. Мысалы, жеңіл балқитын саз керамикалық кірпіш өндірісінің шикізаты; қиын балқитын саздар еден тақтасы, клинкерлік кірпіш өндірісінің шикізаты; от әсеріне табанды саздар санитарлық техникалық бұйымдар, шамот өндірісінде шикізат ретінде қолданылады.