Тамақтандыру кәсіпорындарының технологиялық процестері

Аралас сусындардың құрамы

жүктеу 0,77 Mb.

бет	112/176
Дата	09.12.2023
өлшемі	0,77 Mb.
	#44597

1 ... 108 109 110 111 112 113 114 115 ... 176

Тамақтандыру кәсіпорындарының технологиялық процестері-emirsaba.org

Дәмді хош иісті компонент (ДХК)

12.10.2.
Аралас сусындардың құрамы
Аралас сусындардың құрамына база, жұмсартатын-тегістейтін
компонент, дәмі хош иісті компонент, толтырғыш, гарнир кіреді.
База аралас сусындарды жасаудың негізі болып табылады. Әдетте көп
мөлшерде болады. Ол сусынның сипатына реңк, дәм береді. База рөлінде
алкогольді және алкогольсіз сусындар бола алады.
Құрамындағы спиртке байланысты базалар төмендегідей бөлінеді:
алкоголі аз — спирт (көлемі) 9 %-ға дейін;
алкоголі орташа — 20 %-ға дейін ;
алкоголі күшті — 20 % және одан жоғары.
Құрамындағы қантқа байланысты базаларды қантының құрамы 2%-ға
дейінгі, 10%-ға дейінгі және 10%-дан жоғары болып бөлінеді.
Құрамындағы қант 2%-ға дейінгі алкоголі күшті базаларға арақ, виски,
ром, коньяк, джин және жеміс-жидекті бренди жатады.
Құрамындағы қант 10%-дан жоғары алкоголі күшті базаларға ликер, тәтті
және орташа тәттіліктегі шараптар мен тұнбалар жатады.
Құрамындағы қант 10%-ға дейінгі алкоголі орташа базаларға
күшейтңлген шараптар (портвейн, херес, мадера, марсала), хош
иістендірілген шараптар (вермут), десертті шараптар (мускат, токай, кагор)
жатады.
Құрамында қанты жоқ алкоголі орташа базаларға құрғақ шараптар
жатады.

123
Жұмсартатын-тегістейтін компонет (ЖТК) базаның өткірлігін
тегістейді. Оның мөлшері әдетте базадан аз, бірақ теңесіп те жатады. ЖТК
алкоголді болуы мүмкін (вермут, хош иісті ликерлер – «Бенедиктин»,
«Шартрез», «Куантро», «Мятный», «Амаретто»). Алкоголсіз ЖТК-ға
жұмыртқалар, шырындар, қаймақ, сүт, бал жатады.
Дәмді хош иісті компонент (ДХК) сусынға тәтті дәм, хош иіс, түс
береді. Аз мөлшерде қолданылады. ДХК-ға жеміс-жидекті шәрбаттар, жеміс-
жидекті және хош иісті ликерлер, бальзам, кофе, шай, шоколад жатады.
Толтырғыш — ұзын аралас сусындардағы негізгі компонеттердің бірі.
Алкоголді толтырғыштарға аққайнар, басқа да шымырлайтын шараптар,
сидр, сыра жатады. Алкоголсіздерге минералды, газдалған, сергіткіш сулар,
шырындар, ауыз су, сүт жатады. Әдетте, толтырғыш мөлшері 100 мл-ден аз
болмайды.
Гарнир — сусынды әрлеуде қолданылатын компонеттер. Гарнир ретінде
әр түрлі мұздар (текше, шар, жарма), лимон, апельсин, өрік, шабдалы, айва
домалағы немесе тілімдері, цитрус жемісінің қабығы немесе цедрасы, шие,
черешня консервіленген жидектері, ұнтақталған даршын, жұпар жаңғағы,
қара зәйтүн, жасыл зәйтүн, балмұздақ шары, шайқалған кілегей, қанттан
жасалған «қырау» және т.б. пайдаланылады.

жүктеу 0,77 Mb.

Достарыңызбен бөлісу:

1 ... 108 109 110 111 112 113 114 115 ... 176