Шиелі аудандық мәслихатының

2014 жылы «Самара-Шымкент» автомобиль жолының Алмалы елді мекенінен Қодаманов елді мекеніне дейінгі 17 шақырымына Республикалық бюджеттің есебінен орташа жөндеу жұмыстары жүргізілді Сонымен қатар, облыстық бюджеттің есебінен Шиелі кентіне кіре-беріс автокөлік жолы 407 млн теңгеге қайта құрылымдаудан, 5 елді мекеннің (Ақмая, Қарғалы, Жиделіарақ, Байсын, Ортақшыл) көшелері 130 млн теңгеге орташа жөндеуден өткізілді.«Жұмыспен қамту 2020 жол картасы» бағдарламасы аясында «Самара-Шымкент-Досбол би», «Самара-Шымкент-Еңбекші» автокөлік жолына және 7 елді мекеннің (Бидайкөл, Майлытоғай, Төңкеріс, Бестам, Жуантөбе, Жиделіарық Шиелі кенті) көшелеріне 338 млн теңгеге орташа жөндеу жұмыстары жүргізілді.

«Өңірлерді дамыту» бағдарламасы аясында 72 млн теңгеге елді мекендердегі 10 көше жай жөнделіп (Шиелі кентінде 6 көше, Ақмая елді мекенінде 1 көше, Бестам елді мекенінде 1 көше,Жөлек елді мекенінде 1көше, Телікөл елді мекенінде 1 көше), 2 көше жарықтандырылды (№21 разъезд елді мекенінен 1 көше, Майлытоғай елді мекенінен 1 көше).

Жалпы 2014 жылы аудан көлемінде 78,3 шақырым жол орташа және

2015 жылы Қарғалы елді мекеніне кіре-беріс жолы 109 млн теңге, «Самара-Шымкент- Балаби» жолы 118 млн теңгеге күрделі жөндеуге, «Жансейіт-Ортақшыл» жолы 116 млн теңге, «Самара-Шымкент- Жансейіт» жолы 35 млн теңгеге орташа жөндеуге, барлығы облыстық бюджеттен 378 млн теңге бөлінді.

Қазіргі таңда аудандағы электр желілері мен трансформаторлардың

Республикалық бюджеттен 44 млн теңге бөлініп, Шиелі кентінің

Ауданның әлеуметтік-экономикалық дамуындағы негізгі көрсеткіштерінің бірі болып табылатын жалпы құрылыс көлемін толық қамту мақсатында аудандық құрылыс, архитектура және қала құрылысы бөлімдері тарапынан іске қосылған нысандарды (дүкен, мейрамхана, кафе, көлік жуу және жөндеу орындары, түрлі офистік ғимараттар, жаздық алаңдар т.б) тиісті қабылдау актісінен өткізіп статистикалық есепке ендіру жұмыстарын қолға алуы тиіс.

Сонымен қатар негізгі капиталға тартылған қаржыны толық қамту мақсатында аудандық құрылыс бөлімі тарапынан әкімшісі облыстық басқармалар болып табылатын жобалар бойынша тиісті басқармалармен және облыстық статистика департаментімен есептесу, салыстыру, аудандық бюджеттен бөлініп мекемелер тарапынан игерілген қаржылар бойынша есебін шұғыл түрде аудандық статистика басқармасына өткізу жұмыстары жүргізілу керек.

Аудан көлеміндегі елді мекендерді абаттандыру және көгалдандыру жұмыстарына 2014 жылы 253 млн теңге бөлініп, аудан көлемінде бірқатар жұмыстар атқарылды.

Шиелі кентінен Ұлы Отан соғысының 70 жылдық мерекесіне және 1941-1945 жылдардағы Ұлы Отан соғысында ел болашағы үшін қан кешіп, өз өмірлерін құрбан еткен бабаларымызды құрметтеу мақсатында облыста бірінші болып «Тағзым алаңы» салынды, оған 4047 адамның тізімі және «Чернобыль», «Семей», ядролық апаттарының және ауған, тәжік-ауған соғысының қатысушыларына да арнайы белгілер қойылды. Сондай-ақ, М.Шоқай, Ш.Бакиров көшелеріне жаяу жүргінші жолын салу, Әл-Фараби көшесіне аяқ су лотоктарын орнату, Орталық стадионның алдына И.Құтпанұлының ескерткішін орнатып айналасын абаттандыру, кент көшелеріне тал және гүл егу жұмыстары жүргізілді.

Сонымен қатар, Еңбекші тіректі елді мекеніне абаттандыру және көгалдандыру жұмыстарына 2014 жылы 70 млн теңге бөлініп 3 көшеге жаяу жүргінші жолы, 4 көше жарықтандырылып, елді мекенге кіре-беріске тал егу және ауыл орталығынан дамалыс орынын салу жұмыстары жүргізілді. Сұлутөбе тірек елді мекеніне 27 млн теңге бөлініп, елді мекендегі саябақ абаттандырылды.

Аудан бойынша жергілікті атқарушы органдарда 215 штаттық бірлік, нақты 208 қызметкер жұмыс атқаруда.

2014 жылы 76 мемлекеттік қызметші біліктілігін өңірлік орталықта арттырып, 46 бос мемлекеттік әкімшілік лауазымына конкурстар өткізілді. Оларға 60 үміткер қатысып, 32 үміткер бос мемлекеттік әкімшілік лауазымына жарияланған конкурс бойынша комиссияның шешімімен тағайындалды, 13 үміткер кадр резервіне ұсынылды.

Аудан әкімі аппаратына өткен жылы азаматтардан барлығы

Аудан әкімінің ресми сайтына 2014 жылы 45 өтініш келіп түссе, әр түрлі мәселелермен 236 жеке тұлға аудан әкімі мен аудан әкімінің орынбасарларының жеке қабылдауында болды.

Аудан әкімінің қабылдауында болған тұрмысы төмен және мүгедек
86 азаматқа 2 млн 811 мың теңге ақшалай көмек берілді, 27 азамат тұрақты жұмысқа орналасты, ақылы қоғамдық жұмысқа 17 азамат жолданды, жер мәселесі бойынша 64 қаулы қабылданды. 2-азаматқа өртенген үйіне көмек көрсетілсе, Ұлы Отан соғысының 2 ардагеріне тұрғын үй берілді, тұрмыс жағдайы төмен 3 азаматқа көмір берілді.

Барлық түскен жүгінулер қаралып, өтініш иелеріне заңға сәйкес жазбаша түсініктеме жауаптары берілді.

Ауданның әлеуметтік-экономикалық даму қорытындыларының сипаттамасы, өңір дамуының күшті және әлсіз тұстарын, шектеулілігін және оның даму мүмкіндіктерін анықтайтын талдауда көрсетіледі.

Ауданның даму жағдайына талдау

1. Бағыт: Экономика

Қойылған мақсаттарға жету жолдары:

Экономиканың маңызды салаларында жыл сайынғы жоспарланған өсу қарқынын қамтамасыз ету бойынша шаралар қабылдау, ауданның әлеуметтік-экономикалық дамуының негізгі макрокөрсеткіштеріне тұрақты мониторинг жүргізу және алға қойған индикаторларға жету мақсатында жағдайды жақсарту бойынша шаралар қабылдау;

экономиканың нақты секторындағы өндіріс көлемінің артуы есебінен ЖӨӨ өсуін қамтамасыз ету;

металлургиялық кешенді, агроөнеркәсіп кешенін, ауыл шаруашылығы, машина жасау, құрылыс индустриясы, химия және жеңіл өнеркәсіпті дамыту, әртараптандыру арқылы аймақтық экономиканы құрылымдық жаңғырту;

уран өндіру өнеркәсіп саласын дамыту;

2020 жылғы «Баласаусандық», «Құрумсақ», ірі ваннадий кен орындарын игеру жөніндегі ауқымды жобаларды жүзеге асыру;

негізгі азық-түлік тауарлары бағаларының өсуін тежеу бойынша іс-шараларды жалғастыру, тиімді саясатын жүргізу, тарифпен бағының аса өсуіне жол бермеу;

Қойылған мақсаттарға жету жолдары:

Қазақстан Республикасында үдемелі индустриялық-инновациялық даму бойынша мемлекеттік бағдарлама аясында өңірлік деңгейде инвестициялық жобаларды іске асыру;

Қазақстан Республикасында үдемелі индустриялық-инновациялық даму бойынша мемлекеттік бағдарлама аясында іске асырылған жобалардың қуаттылығын арттыру;

өнеркәсіп салаларын тиімді дамыту бойынша шаралар қабылдау;

өңдеу өнеркәсібінде қайта құрылған өндірісті мониторингілеу;

ықтимал инвесторды іздестіру мақсатында қаржыландыруды қажет ететін ауданның инвестициялық жобаларының тізімін нақтылау;

инвестициялық жобаларды қаржыландыру тәртібі, жобалар бойынша шешім қабылдауға қажетті құжаттарды дайындау бойынша түсіндірме жұмыстарын жүргізу;