Семинар сабактарын өткізу үшін жалпы ұсыныстар

жүктеу 61,76 Kb.

бет	1/4
Дата	12.10.2022
өлшемі	61,76 Kb.
	#39615
түрі	Семинар

1 2 3 4

2022-2023 Семинар

1 КУРС
2022-2023 ОҚУ ЖЫЛЫ, КҮЗГІ СЕМЕСТР
КРЕДИТ САНЫ-2
«ПСИХОЛОГИЯ» ПӘНІ БОЙЫНША

ПРАКТИКАЛЫҚ (СЕМИНАР) САБАҚТАРЫНА ТАПСЫРМАЛАР МЕН ӘДІСТЕМЕЛІК ҰСЫНЫСТАР

Семинар сабактарын өткізу үшін жалпы ұсыныстар:
1. Семинар сабақтарында студенттер сабақта өтетін тақырыпты түсіну үшін әртүрлі зерттеулердің мәнін ашатын ақпараттарды жинақтап, айтылған пікірлерді талдай отырып өз ойларын ортаға салып отырады. Әрбір студенттің сөйлеуіне 5 минут беріледі. Семинарда сөйлейтін студенттің міндеті келесідей: айтып жатқан сұрақтағы негізгі проблемаларды көптеген авторлардың позициялары тұрғысынан қалай түсінгенін баяндайды, сол мәселеге қатысты әр авторлардың пікірлерін салыстырады, семинарте берілген ақпараттарды пайдалана отырып, талданып жатқан сұрақтарға қатысты өзінің ойын, көзқарасын айтып береді.
Студенттер баяндау процесі барысында оларды тыңдап, қажетті ой-пікірлерді түсініп, қабылдап және дәптеріне де жазып қояды. Баяндап біткен студентке басқа студенттер өзіне қажетті сұрактарды тағы да пысықтап алады, сұрақтар қояды, тіпті ол студентпен пікірлер де алмаса алады (12 мин). Сөйтіп семинар сабағында студенттер 5 баяндама тыңдап және талдап, пікір алмасып үлгереді.
2. Семинар сабактарын әртүрлі формада өткізуге болады, мысалы дискуссия формасында, топты бірнеше кіші топтарға бөліп, әр сол кіші топтарға жеке жеке тапсырмаларды беруге болады. Әрбір кіші топтар 25 минут өз беттерінше бірге жұмыс жасайды, содан соң бірге ойларын айтып соның негізінде өздерінің жалпы корытындысын айтады. Сондай-ақ әрбір кіші топ курстастарының ойларымен келісетіндерін немесе келіспейтіндерін айта алады, сынай алады және семинарға дайындалған баяндамалар туралы ойларын ашык айта алады.
3. Семинар сабағын баяндамаларды қорғау және презентация мен жоба жасау формаларында да өткізуге болады. Семинарға дейін баяндама, презентация, жоба тақырыптары алдын ала оқытушы келісіп алынады немесе пән басталған аптаның басында презентация мен жоба, баяндама тақырыптары алдын ала студенттерге ұсынылады. Студенттер пәнге және семинар такырыбына сәйкес келетін өз тақырыптарында ұсына алады. Дайындалған тапсырмалар бірнеше зерттеулерді, ғылыми мектептерді және көптеген әдебиетерді пайдалануы тиіс. Баяндама немесе презентация мен жоба үшін топка 10-15 минут беріледі.
Баяндау барысында тезистерді пайдалануға болады, алайда мәтінді тек оқып беруге болмайды. Баяндалған тапсырмалар аудиторияның қабылдауы, түсіну деңгейлері және қызыкты болу сияқты параметрлермен және қойылған сұрактардың көп болуымен, пікірлердің көп болуына қатысты бағаланады (15-20 балл).
«Психология» пәні бойынша семинар сабағын өткізуде оқытушы практикаға бағытталған оқу бағдарламасын басшылыққа алып, практикалық психологияның, психодиагностиканың, әлеуметтік-психологиялық тренингтердің элементтерін пайдаланып отыруы қажет.

жүктеу 61,76 Kb.

Достарыңызбен бөлісу:

1 2 3 4