Сапа менеджмент жүйесі академиялық саясат

ОҚУ САБАҚТАРЫНА ҚАТЫСУ ҮШІН ТІРКЕЛУ

жүктеу 2,41 Mb.

Pdf просмотр

бет	34/112
Дата	28.08.2022
өлшемі	2,41 Mb.
	#38416

1 ... 30 31 32 33 34 35 36 37 ... 112

academ-sayasat

6.3. ОҚУ САБАҚТАРЫНА ҚАТЫСУ ҮШІН ТІРКЕЛУ

6.3.1. Әрбір пән бойынша сабақтар және сабақ кестесін құру білім
алушылардың пәнге тіркелу негізінде жүзеге асырылады. Білім алушы білім беру
бағдарламасы бойынша оқу жоспарында көрсетілген кредиттердің белгілі бір
мөлшеріне тіркелуі тиіс.
6.3.2. Білім алушының алдағы оқу жылына оқу пәндерін оқып-игеруге тіркелуі
«Platonus» ААЖ, эдвайзерлердің кеңес беруі арқылы on-line режимінде жүргізіледі.
Білім алушы өзінің жеке оқу траекторияларын эдвайзермен егжей-тегжейлі
талқылағаннан соң пәнге тіркеу жүзеге асырылады, эдвайзер бекітілген пәндерді
таңдау мәселелері бойынша түсінік береді. Тіркелу мерзімі академиялық күнтізбеде
көрсетіледі.
6.3.3. Университетке жаңа түскендер үшін мерзімдері академиялық күнтізбеде
көрсетілетін бағдарлау (ұйымдастыру) кезеңінде кредиттік оқыту жүйесі, пәнге
тіркеу рәсімдері таныстырылады.
Бағдарлау кезеңінде әкімшілік өкілдерімен, факультет декандарымен, кафедра
меңгерушілерімен, эдвайзерлермен кездесулер өткізіледі. Әрбір білім алушыға
«Platonus» ААЖ-не енетін логин және құпия сөз беріліп, білім алушы сол бойынша
ЖОЖ оқу пәндеріне on-line жолымен тіркейді.
6.3.4. «Сырдария» университетіне жаңа түскендерді тіркеу бағдарлау кезеңінен
өткен соң, бірінші семестр басталғанға дейін жүргізіледі.
Қалған білім алушылар келесі оқу жылының пәндеріне және пәнді қайта өтуге
академиялық күнтізбеде көрсетілген тіркеу кезеңінде тіркеледі.

«Cырдария» университі
Сапа менеджменті жүйесі
Университет ережесі
2-нұсқа
Академиялық саясат
165- беттің 55-беті
6.3.5. Тіркеуге жіберуге:
▪
белгілі бір пәндерді оқып-игеру үшін талап етілетін барлық пререквизиттерді
оқып-өту;
▪
оқу төлем ақысы бойынша қаржылық қарыздың болмауы (егер білім алушы
ақылы бөлімде оқыса);
6.3.6. Соңғы оқу жылында білім алушылардан басқаларының жазғы семестрге
тіркелуі көктемгі семестрді бітіргеннен кейін жүзеге асырылады.
6.3.7. Пәнді қайта оқып-игеру (Retake) үшін тіркеу жалпы тіркеудің белгіленген
мерзімдерінде жүзеге асырылып, бірақ оқу үшін алдын ала төлем жасауды талап
етеді, себебі пәнді қайта оқып-игеру барлық білім беру бағдарламалары мен оқыту
түрлері үшін тек қана ақылы түрде жүргізіледі.
6.3.8. Білім алушылардың академиялық топтары аталған пәнге жазылған білім
алушылар санының жеткіліктілігі бойынша құрылады. Міндетті пәндерге
тіркелгендердің бакалавриатта талап етілетін ең аз мөлшері:
▪
дәрістерде – кемінде 40 адам;
▪
тәжірибелік сабақтарда – 20-25 адам;
▪
білім алушылар контингенті аз білім беру бағдарламаларын санамағанда,
тілдік, зертханалық сабақтарда топ 2-ге бөлінеді, егер студент саны 20 және одан
жоғары болса.
Білім алушылардың академиялық топтарының білім алушылар контингенті
шағын білім беру бағдарламаларының элективті пәндері бойынша білім
алушылардың барлығының бір пәнге жазылу ұстанымы бойынша құрылады.
Мұндай жағдайда білім алушылардың жалпы саны 10-12 адамнан кем болмауы тиіс.
Білім алушылар саны бекітілген ең аз мөлшерден кем болған жағдайда пән
ашылмайды. Осы пәнге жазылған білім алушыларға тіркеу аяқталғаннан кейін 3
күннің ішінде бұл туралы ескертіліп, пәнді қайта таңдаулары сұралады.
Белгілі бір оқу пәніне тіркелген білім алушылардың саны осы пәнге бекітілген
ең көп мөлшерден асып кеткен жағдайда бұл пән бойынша қосымша академиялық
топ (ағым) құрылады.
6.3.9. Магистратура топтарын құру барысында университет ҚР Білім және
ғылым министрлігінің нормативтік-нұсқаулық құжаттарын басшылыққа алады.
Академиялық ағымдар білім алушылар контингенті аз білім беру бағдарламаларын
санамағанда максимал есеппен 20-25 адамнан құрылады.

жүктеу 2,41 Mb.

Достарыңызбен бөлісу:

1 ... 30 31 32 33 34 35 36 37 ... 112