Сабақты талдау үлгісі Қазіргі сабақ қандай болуы қажет? Қалай бүгінгі сабақта дәстүрлі және жаңашыл әдістер ұштасады?

I тип. Үйрену (зерделеу) және жаңа білім мен қызмет тәсілдерін алғашқы бекіту сабағы.

Мақсаты: оқушылардың қабылдау, мәнін түсіну және жаңа білім мен қызмет тәсілдерін алғашқы есте сақтауларын ұйымдастыру.

II тип. Жаңа білім мен қызмет тәсілдерін бекіту сабағы.

Мақсаты: оқушының білімін және қызмет тәсілдерін бекітуді қамтамасыз ету.

III тип. Білім мен қызмет тәсілдерін кешенді қолдану сабағы

Мақсаты: оқушылар кешенді білімдері мен қызмет тәсілдерін өз беттерімен қолдануларына мазмұнды және ұйымдастырылған жағдай жасау.

IV тип. Білім мен қызмет тәсілдерін жинақтау және жүйелеу сабағы.

Мақсат: оқушылардың білім мен қызмет тәсілдерін жинақтауды ұйымдастыру.

V тип. Білім мен қызмет тәсілдерін тексеру, бағалау, өңдеу сабағы.

Мақсаты: оқушылардың білім мен қызмет тәсілдерін тексеруді және бағалауды ұйымдастыру; оқушыларды өз білім мен қызмет тәсілдерін өңдеуін ұйымдастыру;

Сабақтың жалпы педагогикалық талдауын жасау үлгісі

Осы сабақтың бір тақырыпты басқа сабақтардың жүйесіндегі орны; сабақ мақсатының дұрыс қойылуы;
Сабақты ұйымдастыру:
а) сабақтың типі;

ә) сабақтың құрымы, оның бөлек элементтері, оның жүйелігі және уақытты мөлшерлеу; сабақтың құрастырылуы оның мазмұны мен мақсатының сәйкестігі;

б) сынып оқушыларының сабаққа дайын болуы;

в) сабақ бойы оқушылардың белсенділігін ұйымдастыру; сабақта жаппай, топтық, ұжымдық жұмыстарды үйлестіру;

г) сабақтың тығыздығы; уақытты ұтымды қолдану.

Сабақтың мазмұны:

ә) оқушылардың әр түрлі әрекет түрлері мен сабақтың кезеңдерінде материалдарды дұрыс қолдану;

б) сабақ мазмұны мұғалім жұмыс істейтін бағдарлама талаптарына сәйкес болуы;

в) сабақтың тәрбие бағыттылығы;

г) теорияны тәжірибемен байланыстыру; мұғалім теорияның тәжірибелік қажеттілігін ашу; оқушыларды алған білімін практикада (тәжірибеде) қолдануды үйрету;

д) жаңа оқып жатқан материалды алдында өткенмен байланыстыру; өткенді қайталау жолдары;

е) пәнаралық байланыс;

ж) мұғалімнің тілі: сауаттылығы, сезімділігі, тіл байлығы;

з) оқушының білім, біліктілік және дағды сапасы;

и) оқушылар тілі.

Сабақ өткізу әдістемесі:
а) сабақ жабдықтары, сабақтың әр кезеңінде көрнекі құралдарды, дидактикалық материалдарды қолдану;

ә) сабақтың әр кезеңінде мұғалім қолданатын әдістері мен жолдары;

б) сабақтың мазмұны мен мақсатарына, оқушылардың жасы мен деңгейіне әдістерднің сәйкес болуы; қолданған әдістердің тиімділігі;

в) оқушылар алдында сабақ мақсатын қою және қорытындысын шығару;

г) сабақта үлгермейтін және нашар үлгеретін оқушылармен атқарылған жұмыстар;

д) мұғалім белсенді оқыту әдістерін меңгеруі; осы әдістерді сабақта қолдануы мақсатқа лайықтылығы;

е) мұғалімнің оқушылар білім сапасын бағалау жүйесі; оның педагогикалық құндылығы.

5. Мұғалімнің сабақтағы қарым-қатынасы: үні, қарым-қатынас стилі, жеке оқушылармен және сыныппен қатынас мәнері.

6. Оқушылардың сабақтағы жұмысы мен тәртібі:

а) жеке оқушылардың және сыныптың белсенділігі;

б) оқушылардың сабаққа деген көзқарасы, сабақ материалына қызығушылығы;

в) оқушылардың мұғалімге көзқарасы;

г) оқушылардың тәртібі мен ұйымдасқандығы;

д) оқушылардың тілі; қойылған сұрақтары.