Сабақтың тақырыбы: Абайдың орыс әдебиетінен алған үлгілері

Абай үлкенді-кішілі 50-ден астам шығарманы орыс тілінен қазақшаға аударыпты. Сонда ол А.С.Пушкиннің ―Евгений Онегин‖ атты әйгілі шығармасынан 7 үзінді, М.Ю. Лермонтовтан 30-ға таяу өлең, И.А. Крыловтан 12 мысал және басқа да авторлардан 7 өлең шамасында аударған. Пушкиннен: «Онегиннің сипаты», «Татьянаның Онегинге жазған хаты», «Онегиннің Татьянаға жазған хаты», «Онегин сөзі», «Татьяна сөзі», «Ленский сөзінен», «Онегиннің өлердегі сөзі», атты аудармалары бар. Лермонтовтан: «Сұрғылт тұман дым бүркіп», «Ал сенейін, сенейін», «өзіңе сенбе жас ойшыл», «Қорқытпа мені дауылдан», «Қанжар», «Альбомға», «Теректің сыйы», «Жолға шықтым бір жым жырт түнде жалғыз», «Шайтан», «Жалау», «Жартас» т.б. Кырыловтан: «Жарлы бай», «Есек пен бұлбұл», «Қарға мен бүркіт», «Шегіртке мен құмырысқа», «Әншілер», «Ала қойлар», «Қарға мен түлкі», «Бақа мен өгіз», т.б.

«Қараңғы түнде тау қалғып…» – Абайдың М.Ю.Лермонтовтың «Из Гете» атты өлеңінен аударған өлеңі. Өлең – Абай аудармаларының ішінде шоқтығы биік озық үлгісі