Реферат тақырыбы: Материалдық нүктенің механикасы, жылдамдығы, үдеуі Орындаған: Құрақ Айжан Тобы: МиФ-21-2к Тексерген: Секербаева Гулим Куандыковна Қарағанды 2022-2023 Жоспар

жүктеу 127,33 Kb.

бет	2/6
Дата	31.10.2022
өлшемі	127,33 Kb.
	#39914
түрі	Реферат

1 2 3 4 5 6

Реферат Айжан

Материалдық нүктенің қозғалысының кинематикалық сипаттамасы

1 . Кейбір анықтамалар
Механика –механикалық қозғалыс заңдылықтарын және сол қозғалысты тудыратын себептерді зерттейтін физика бөлімі.
Механикалық қозғалыс- дененің уақыт өткен сайын кеңістіктегі басқа денелермен салыстырғанда орнының өзгеруі.
Механика кинематика және динамика болып бөлінеді. Кинематика денелердің қозғалысын тудыратын себептерді емес, қозғалысын зерттейді. Динамика денелердің қозғалысын тудыратын себептерді зерттейді.
Физикада денелер қозғалысының сипаттамасын жеңілдету үшін модельдер қолданылады.Модель негізгі және маңызды жағдайларды сипаттайды және маңызды емес нәрселерді қарастырмайды. Ең қарапайым модельдер- материалдық нүкте және абсолют қатты дене.
Материалдық нүкте деп - берілген есепте өлшемі мен пішінін елемеуге болатын денені айтады.
Абсолют қатты дене деп - берілген жағдайда деформациясын(өлшемі мен пішінінің өзгеруі) елемеуге болатын денені айтады.
Дененің кеңістіктегі орнын басқа бір кез келген қозғалмайтын дене арқылы анықтауға болады.
Шартты түрде қозғалмайтын деп есептелетін және соған қатысты дененің қозғалысы қарастырылатын дене санақ денесі деп аталады.Санақ денесімен байланысқан координаталар жүйесі мен сағат санақ жүйесін құрайды. Дене қозғалысы кеңістікте және уақыт өтуіне байланысты өтеді.Сол себептен санақ жүйесіне кеңістікте материалдық нүктенің орнын анықтайтын координаталар жүйесі және нүктенің қай уақытта сол орында болатынын тіркейтін сағат кіреді.
2. Материалдық нүктенің қозғалысының кинематикалық сипаттамасы
Әдетте дене қозғалысын сипаттау үшін декарттық координаталар жүйесі қолданылады. Декарттық координаталар жүйесінде А материалдық нүктенің орны x, y, z координаталарымен немесе радиус-векторымен беріледі.

1.1 – сурет. Декарттық координаталар жүйесіндегі радиус векторы
Радиус-вектор деп – О координаталар басынан берілген нүктеге дейін жүргізілген векторды айтады. x, y, z осьтерінің бірлік орттарын , , арқылы белгілейік. Сонда радиус-вектор

(1.1)

векторының координаталар осіне проекциясы берілген нүктенің декарттық x, y, z.координаталарға тең.
Қозғалыстағы материалдық нүктенің x, y, z координаталары және радиус-векторы уақыт өткен сайын өзгереді.Сол себептен материалдық нүктенің қозғалысы үш скалярлық теңдеумен анықталады

(1.2)

немесе бір векторлық теңдеумен

(1.3)

(1-2) немесе (1-3) теңдеулері материалдық нүкте қозғалысының кинематикалық теңдеулері деп аталады.

1.2 –сурет. Жол және орын ауыстыру

1.3–сурет. Материалдық нүктенің жылдамдығы
Қозғалыстағы нүктенің кеңістіктегі сызған сызығы траектория деп аталады.Траектория формасына қарай түзу сызықты және қисық сызықты болады.
Траектория теңдеуі траекторияның кез келген нүктесінің үш координатасымен байланысты анықталады.Оны (1-2) кинематикалық теңдеуінен t алып тастауға болады.
Материалдық нүкте бір бағытта қозғалып, бір траектория бойымен 1 жағдайынан 2 жағдайына орын ауыстырсын. 1 және 2 нүктесі арасында траектория бойымен жүргізілген ара қашықтық жүрілген жол немесе жол ұзындығы s деп аталады.
Қозғалып келе жатқан нүктенің бастапқы орны мен қарастырылып отырған уақыт мезетіндегі орнын қосатын вектор орын ауыстыру деп аталады. Жол – скалярлы шама, орын ауыстыру – векторлық.

жүктеу 127,33 Kb.

Достарыңызбен бөлісу:

1 2 3 4 5 6