Реферат Тақырыбы: Қазақстанның төл валютасы теңге тарихы. Орындаған: Қисаева Даметкен. Құқықтану 102

1995 жыл. 1995 жылы Қазақстан экономикасының дамуының негізгі және оң қорытындысы экономикалық құлдырау қарқынының баяулауы және инфляция деңгейінің айтарлықтай төмендеуі болды.

Жыл қорытындысы ақша-кредит саясаты құралдарының көмегімен инфляция деңгейіне, оның монетарлық құрамдас бөлігін төмендетіп әсер етуге болатынын көрсетті. Осы жылдан бастап директивалық кредиттер беру тоқтатылды.

Экономиканы кредиттеу функциясы Ұлттық банктен екінші деңгейдегі банктерге көшті, ал ол орталық банктерге тән ақша-кредиттік және валюталық реттеу функцияларын орындай бастады, Екінші деңгейдегі банктерге олардың өтімділігін қолдау мақсатында кредит беруді жүзеге асыра бастады.

Осы жылдың маңызды оқиғасы Қазақстанда өзінің Банкнот фабрикасының ашылуы, банкаралық валюта нарығының пайда болуы мен қалыптасуы, сауда-саттық жүргізудің электрондық сауда жүйесіне (ЭСА) көшу болды.

1996 жыл. 1996 жылы Қазақстанның егеменді мемлекет ретінде даму жылдарында алғаш рет ІЖӨ-нің өсуі байқалды, инфляция және теңгенің айырбас бағамының девальвациясы қарқыны айтарлықтай төмендеді.

1996 жылдың шілдесінде Қазақстанның ХВҚ келісімінің 8-бабы бойынша міндеттемелерді қабылдауы маңызды кезең болды,бұл ағымдағы операциялар бойынша теңгенің айырбасталуын ресми түрде бекітті және шектеулерден бос көпжақты төлем жүйесіне көшуге мүмкіндік берді. Осы жылы Қазақстан ТМД-да алғашқылардың бірі болып активтерді жіктеу, менеджмент сапасы, бухгалтерлік есеп шоттарының жаңа қағидаттары мен жоспары бөлігінде банк жүйесінің халықаралық стандарттарға көшу бағдарламасын қабылдады.

Осы кезеңге Қазақстан қор биржасында валюталық фьючерстер бойынша сауда-саттықтың басталуы жатады.

1997 жыл РЕПО және кері РЕПО операцияларын белсенді жүргізудің басталуымен, Биржаның операциялық практикасына СВОП-операцияларын енгізумен белгіленді.

1998 жыл. Әлемдік қаржы нарықтарындағы дағдарыстық құбылыстардың шиеленісуі және Қазақстанның экспорттық тауарлары конъюнктурасының нашарлауы жағдайында Ұлттық банктің ақша-кредит саясатының негізгі міндеттері қаржы жүйесінің тұрақтылығын қамтамасыз ету, ұлттық валютаның тұрақтылығын сақтау және банк жүйесін нығайту болды.

Елдің ішкі қаржы секторын қорғау үшін Ұлттық банк ақша-кредит саясатын күшейтеді. 1998 жылғы маңызды оқиғалардың бірі Ұлттық Банктің республикалық бюджет тапшылығын тікелей кредиттеу практикасын тоқтатуы болды