Баспасөз релизі 2016 жыл 21 қараша Өскемен қаласы Халыққа қызмет көрсету орталығының Өскемен қалалық №1 бөлімі жаңа ғимаратқа көшті

«Мемлекеттік корпорация адамдарға көмек көрсету үшін құрылған. Сонымен қатар, біз шығындарды оңтайландыру жолдарын ойлауымыз керек. Жалға алынған ғимараттар үшін үлкен қаражат төлеп қайтеміз, оның үстіне ол адамдар үшін қолайсыз болса. Сондықтан біз өз ғимаратымызда жөндеу жұмыстарын жасадық, көріп тұрағандарыңыздай ол бұрынғыдан да жарық, жылы, үйлесімді. Біздің ең басты мақсатымыз – адамдардың өмірін жақсарту. Бұл бүгін көрнекі түрде көрсетілді, - деді ашылу кезінде «Азаматтарға арналған үкімет» мемлекеттік корпорациясы басқарма төрағасы Данияр Еренчинов.

Қазақстан Республикасы Тәуелсіздігінің 25-жылдығына орай ашылып отырған жаңа да ыңғайлы ғимарат тұрғындар үшін ерекше сыйлық болып отыр. Жаңа ғимарат барынша кең және мемлекеттік қызметтерді сапалы ұсынға барлық жағдайлар жасалған. Реттеу залында 44 жұмыс орны және электрондық үкімет порталы арқылы өз беттерімен қызмет алуға орталық мамандары көмектесетін «Connection point» өзіне-өзі қызмет көрсету секторы, мүмкіндіктері шектеулі жандарға қызмет ұсынатын арнайы жұмыс орны бар, сонымен қатар азаматтарды тіркеу және құжаттандыру бағыты бойынша мемлекеттік қызмет ұсынатын көші-қон полициясы мамандары да осы жерде орналасқан. Азаматтарға ыңғайлы болу үшін автотұрақ та қарастырылған.

Айта кетеріміз, аталған бөлім осы уақытқа дейін көп қабатты тұрғын үйдің бірінші қабатында, дүкенмен бірге, бір алаңда орналасқан еді. Ал енді, бөлек тұрған жаңа ғимараттың бірінші қабатында Халыққа қызмет көрсету орталығы департаментінің фронт-офисі орналасса, екінші қабатында Жер кадастры және жылжымайтын мүлікті техникалық тексеру департаменті мамандары орналасқан. Бұл оңтайландыру «Азаматтарға арналған үкімет» мемлекеттік корпорациясынң сәуір айында құрылғандығынан мүмкін болды, себебі екі департамент те мемлекеттік корпорация құрамына енген. Көшіру жұмыстарының арқасында мемлекеттік корпорация 6 млн теңге үнемдемек, себебі бұл қаражат бұрын жалға алу үшін жылына төлетін. Ғимаратты жөндеу жұмыстарын өз қаражатымызға істедік.