ҚР ҰҒА академигі А. М. Ғазалиевтың редакциясымен

Қарағанды мемлекеттік

техникалық университеті

өнеркәсіптік экология және химия

кафедрасының аға оқытушысы, х.ғ.к.

e-mail: altynarai81@mail.ru

Хельсинки қаласында, 2014 жылғы 18-19 қазанда «Ядросыз жол: Ядролық қарусызданудың мысалдары» тақырыбындағы халықаралық конгресте Қазақстанның ядролық қарусыздану тарихы мен Президент Нұрсұлтан Назарбаевтың қазіргі заманғы ядроға қарсы бастамалары, оның ішінде «АТОМ» жобасы ұсынылды [1].

Конгресті «Әлем дәрігерлері ядролық соғыстың алдын алу үшін» халықаралық қозғалысының қолдауымен «Финляндия дәрiгерлерi әлеуметтiк жауапкершiлiк үшін» деген ұйымымен бірге бейбітшілік үшін Халықаралық бюросы ұйымдастырды.

Онда таратпау мен қарусыздандыру саласындағы үздік сарапшылар, дипломаттар, 20-дан астам елдің халықаралық және үкiметтiк емес ұйымдарының өкiлдері қатысты.

Конгреске қатысушылар Президент Н. Назарбаевтың ядролық қарудан босаған Орта Азияда аймақты құруды, БҰҰ шеңберінде Жалпыға ортақ ядросыз әлем декларациясын қабылдау, Ядролық қаруды таратпау туралы шартын жанжақтандыру мен Ядролық сынақтарға тегіс тыйым салу туралы шартының тез арада күшіне енуін қамтамасыз ету туралы ұсыныстарымен бірге ядролық қарусыздандыру және таратпау саласындағы бастамаларымен қызыға танысты. Осыған байланысты қазіргі таңда жүзеге асырылып жатқан «АТОМ» жобасы атты халықаралық бастама ерекше қызығушылық тудырды.

Фредерик де Клерктің айтуынша, халықаралық қауымдастықтың шоғырланған күші мен ядролық қаруға иелік жасаудан бас тартқан мемлекеттердің белсенді атсалысуы ғана ядролық қарусыздану ісінде ілгерілеуді қамтамасыз ете алады.

ҚР СІМ Ерекше тапсырмалар бойынша елшісі Роман Василенко өз кезегінде Қазақстандағы кеңестік ядролық сынақтардың трагедиялық мұрасы мен тәуелсіз мемлекеттің ядролық қарусыздану тарихы туралы айтып, елдің ядролық қарусыз болашақ пайдасына қарай жасаған түбегейлі таңдауын және Президент пен Қазақстан халқының саяси ерік-жігерінің көрінісін ерекше атап өтті.

Семей полигонындағы ядролық қару сынақтары тарихымыздағы ең қайғылы беттердің бірі болып қала береді. Семей ядролық сынақ полигоны әлем бойынша ең ірі болды, мұнда 500 ядролық жарылыс болса, оның ішінде 70-тен астамы ауада жарылған. Бұл сынақтардың салдары әлі күнге дейін білінеді. Орасан зор аумақтың шаруашылық айналымы істен шықты, көптеген адамдар радиация әсерінен зардап шекті, ал оның әсері келер ұрпаққа да әсерін тигізуде. 1949 жылғы 29 тамызда Семей полигонында атом бомбасын алғаш рет сынау жүргізілді, 1954 жылғы 12 қыркүйекте термоядролық құрылғы, ал 1955 жылғы 22 қарашада сутек бомбасы сыналды [2].

Әрине, алғашқы онжылдықта тұрғындар қазақ жерінде қаншалықты қырғынға ұшырататын қару сыналып жатқанын, оның әсерінің қандай болатынын білмеді. Уақыт өте келе, қазақстандық қоғамның ядролық қару жайында ақпараты молайған сайын, бұл сынақтарға деген жағымсыз көзқарас өрши бастады. 1989 жылғы ақпанда жер асты ядролық жарылысынан кейін ауаға радиоактивті бұлт көтеріліп, жақын маңайдағы ауылдарды басады. Міне, осы жағдай, біздің республикамызда ядроға қарсы ұйымдасқан қозғалыстың пайда болуына себеп болды. Дәлірек айтқанда, Қазақ КСР Жоғарғы Кеңесiнің бірнеше депутаты бұл сынақтарды тоқтатуды талап етті. Олар аз болса, талап қоюдан аянған жоқ. Ол кезде ядролық әлеуетті әрі қарай дамыту мен сынақтардың жалғастыруды ұстанған үлкен державаның Әскери-өнеркәсіптік кешеніне ешкім қарсы тұра алмады.

Біздің Тұңғыш Президентіміз – Ұлт көшбасшысы Нұрсұлтан Әбішұлы Назарбаевтың Қазақ КСР Министрлер Кеңесінің төрағасы бола тұра, ядролық сынақтарды тоқтату туралы шара қолдануға тырысқанын айта кеткен жөн. Осылайша, 1989 жылғы 1 наурызда ол Семей облысындағы экологиялық жағдайды қадағалау жөніндегі Республикалық комиссия құрды, оның құрамына мемлекет қайртакерлері, ғалымдар мен дәрігерлер кірді. Сол жылдың мамыр айында Н. Назарбаев КСРО Халық депутаттарының съезінде сөз сөйлеп, өзінің ядролық сынақтардың жалғасып жатқанына алаңдайтындығын мәлімдеді. Оған дейін сондай дәрежеде болған ешбір басшы бұл шиеленіскен мәселе туралы жұрт алдында пікір білдірген емес. Ол алдыңғы буын өкілдері жасай алмағанды жасады.

1989 жылғы маусым айында КОКП ОК Саяси Бюросы «Семей полигонындағы жер асты ядролық жарылыстарға орай Қазақ КСР-нің жағдайы туралы» мәселені қарастырды. Президент Н. Назарбаев сынақтардың тоқтатылуы мен полигонның жабылуын талап етуден аянбады. 1989 жылғы қарашада Қазақ КСР Жоғарғы Кеңесі КСРО-ның одақтық Үкіметіне және Жоғарғы Кеңесіне полигондағы ядролық жарылыстарды жедел түрде тоқтату туралы үндеумен барды. КСРО Министрлер Кеңесінде 1993 жылғы қаңтар айынан бастап Семей полигонында ядролық қару сынақтарын тоқтату туралы Қаулы жобасы әзірленді, бірақ бұған дейін тағы бірнеше жарылыс топтамасын өткізу қарастырылды.

1990 жылғы мамыр айында Қазақ КСР Жоғарғы Кеңесі сессиясында Н. Назарбаевтың төрағалығымен КСРО Үкіметінен сынақтарды жедел түрде тоқтатуды талап ететін Қаулы қабылданды. Бұл талап сол жылғы маусым айында өткен Қазақстан Компартиясының ХVII съезінде қолдау тапты. 1990 жылғы 25 қазанда Қазақ КСР Жоғарғы Кеңесі «Мемлекеттік егемендік туралы декларация» қабылдады, онда Қазақстан аумағында ядролық қаруды жасауға және сынақтар жүргізуге тыйым салу туралы айтылды. 1991 жылы жазда Президент республиканың Жоғарғы Кеңесінің сессиясында полигонның жабылатындығын, барлық жауапкершілікті өзіне алатындығын мәлімдеді. Осылайша 29 тамызда Н. Назарбаев тарихи құжат – «Семей ядролық сынақ полигонын жабу туралы» Жарлыққа қол қойды [3, 2-б.].

2000 жылғы қыркүйекте, Нью-Йоркте БҰҰ мың жылдық Саммитінде сөз сөйлеген Н. Назарбаев Қазақстанның әлемде ең алғашқы болып өз еркімен ядролық қарудан бас тартқандығын және сондықтан барлық ядролық ірі мемлекеттерді ядролық қаруды жою жайында нақты қадамдар жасауға шақыратындығын мәлімдеді [4].

Ядролық қарудан бас тарту туралы шешім Қазақстан Президенті

1991 жылы Қазақстан тәуелсіздігін алған соң, ол әлемдегі қуаты бойынша төртінші орындағы ядролық арсеналға ие болды. Біз бұл қарудан ерікті түрде бас тартып, оны қатаң қауіпсіздік жағдайында Ресейге беру туралы шешім қабылдадық [5].

Бұл әрекеттер Қазақстанның сол саладағы көшбасшылығына негіз болды. Қазақстан әлі де қолданыста жүрген ядролық материалдардың санын одан әрi қысқарту мен оларды сақтау шараларын күшейтуге назар аударды.

Одан басқа, біздің заманымыздағы сын-қатерлер «ядролық клубтың» кеңейуін тоқтатуға жатады. Бейбіт ядролық технологиялардың дамуына бөгет жасамай, ядролық қаруды таратуды тоқтату туралы мәселені адамзат атом заманы басталғаннан бері шешуге тырысып келеді.

Бұл салада Қазақстанның бірегей тәжірибесі бар екені белгілі. Сынақтардың нәтижесінде жер қойнауында қалған плутоний мен жоғары байытылған уран Семей полигонының мұралық элементтерінің біріне айналды [6].

Уран өндірісіндегі әлемдік көшбасшы ретіндегі, ядролық объекттерде қауiпсiздiк шараларын қамтамасыз етуде мол тәжiрибесі бар Қазақстан бұл салада керемет ұсыныстар бере алады. Біз барлық ядролық державалармен де, атом технологияларын азаматтық секторда дамытуды жоспарлаған мемлекеттермен де жақсы қарым-қатынас орнаттық.

Қазақстан Президенті Нұрсұлтан Әбішұлы Назарбаев заманауи реалияларды ескере отырып, ядролық қаруды таратпау тәртібін жаңғырту бастамаларын бірнеше рет ұсынды. Бірінші кезекте Ядролық қаруды таратпау туралы шарттың симметриялы еместігінің орнын толтыру керек.

1991 жылғы 5 наурызда Ядролық қаруды таратпау туралы шартқа (ЯҚТШ) қол қойған мемлекеттер оның 45 жылдығын атап өтеді, олардың арасында Қазақстан Республикасы да болады [7].

Таратпаудың бүгiнгi режимi және Таратпау туралы шартқа мемлекет-қатысушылардың ядролық қызметі жөніндегі МАГАТЭ-нің (Атом энергиясы жөніндегі халықаралық агенттіктің) сәйкес кепілдіктерінің практикада жүзеге асырылып қолданылуы «ядролық бестiк» мемлекеттеріне елеулi экономикалық және технологиялық артықшылықтар бередi.

Олар өздерінің ядролық секторлары туралы мәліметтерді ерікті түрде жариялайды. Оларға бұл коммерциялық қызығушылығы бар ғылыми және технологиялық әзірлемелерді сақтауға, ядролық сектордың жеке бағыттарын және МАГАТЭ кепiлдiк жүйесі арқылы маңызды ақпаратты дамытуға мүмкіндік бередi.

Сонымен бірге Шарт бойынша өз мойнына міндеттер алған және өздерінің бейбіт ядролық әрекетін толық қамтитын кепілдіктерді қолданатын басқа мемлекеттер барлық ядролық бағдарламалар, атом саласын дамыту жөніндегі зерттеулер мен жоспарлар бойынша толық әрі егжей-тегжейлі ақпаратты он жыл бұрын береді. Көптеген мемлекеттердің осындай теңсіздік жағдайына наразы болуы толық түсінікті.

Мемлекет басшысы Нұрсұлтан Әбішұлы «ядролық бестік» мемлекеттеріне жыл сайын әлемдік қауымдастық алдында ядролық қарусыздану міндеттерінің орындалуы туралы есеп беруді бірнеше рет ұсынды.

Ақпараттың нәзіктігін ескере отырып, комитеттің жыл сайынғы мемлекеттердің есебі тыңдалатын отырыстарын жабық тәртіпте өткізуге болар еді. Алайда міндеттердің жалпы орындалу жағдайын көрсететін қорытынды құжат БҰҰ мүшелігіндегі барлық мемлекеттер үшін жариялануы керек.

Қазақстан 5 жылдан астам уақыт бойы МАГАТЭ-мен бірге өз аумағында Халықаралық төмен байытылған уран банкін (ХТБУБ) құру туралы жобаны әзірлеп келеді [8].

11 маусымда МАГАТЭ Басқарушылар кеңесі Өскемендегі Үлбi металлургиялық зауытында ХТБУБ орналастыру туралы Қазақстанмен келiсiмді, сонымен бiрге РФ-мен транзиттiк келiсiм бекітті. Бұдан кейiн тағы да бірқатар заңды процедуралар күтілуде, дегенмен құжатқа қорытынды қол қоятын күн де алыс емес. Бүгінгі таңада әлемде Қазақстанның ядросыз қару әлемін жақындату тәжірибесін қызығушылықпен зерделеуде. Бiздiң елiмiзді басқаларға үлгі етеді: ядролық қарудан өз еркiмен бас тартып, қалған әлеммен бейбiт қарым-қатынас орната отырып, Қазақстан өзінің ядроға қарсы бастамаларын тоқтатқан емес. Мемлекетіміздің Президенті Н. Назарбаевтың сөзімен айтатын болсақ, 1991 жылғы 29 тамызда Семей полигоныны жабылғанда, «жаhандық ядролық тарихтың жаңа дәуiрi басталды»: «Әлем ерiктi, саналы және заң актілеріндегі біржақты тәртібіндегі, қиямет күнгі қаруды заңға жатпайтын кесiмдi мысал алды. Қазақстанның жасаған бұл қадамының маңыздылығы сонша, кеңiстiк пен уақытта шынымен шексiз болды».

Бүгінде Қазақстан әлемді барлық адамзат үшін қауіпсіз еу үшін күресіп келеді. Мұндай қауіпсіздік негіздерінің бірі болып табылатын Ядролық сынақтарды тоқтату туралы Шартты күшіне енгізу жолында Қазақстан бірнеше жыл бойы күресіп келеді. Сонымен бiрге қазақстандық дипломатияның ойынша, Ядролық сынақтарды тоқтату туралы шартты және оны құрайтын ядролық қарусыздану, таратпау және атом энергиясын бейбiт пайдалану сияқты бөлімдерді тиiмдi әрі үйлесімді жүзеге асыруға ұмтылу керек.

Қазіргі уақытта, Ұлттық ядролық орталықтың деректері бойынша, Семей полигонында жер асты ядролық жарылыстар кезінде бқлінетін өнімдер аккумуляциясына байланысты аумақтың ластануының екiншi реттік әсерi және олардың топырақ, еріген қар мен жаңбыр суы ретінде шығарылуы байқалады. Семей өңірі полигон әсерiн сипаттайтын денсаулық пен ауру-сырқау жағдайының негiзгi көрсеткiштері бойынша өңірдегі ең нашар аймақтардың бiрi болып табылады. Полигон аумағында Ұлттық ядролық орталық мекемелері радиоэкологиялық жағдайды нақтылау және оның тұрғындар денсаулығына тигізетін әсерін бағалау бойынша зерттеулер жүргізді. Сәулеленудің сумаалық мөлшері мен сәулеленген контингент санын негізге ала отырып, жеке назологиялық факторлардың ауру-сырқауға және демографиялық жағдайға тигізетін әсерін талдау арқылы жүргізілген ядролық сынақтардың тұрғындар денсаулығына жағымсыз ықпалының қатерін бағалауға мүмкіндік беретін әдістеме бар. Сәулеленудің төмен мөлшері төмен нәтиже береді, ол жеке тұлғаның бойынан табылмайды, алайда оны ұжымдық мөлшерде болжауға болады. Қатерлі ісіктер мен туа біткен ауру түрлерін бүгінгі таңда болжанатын нәтиже ретінде таниды. Аз мөлшер иммундық жүйенің шаршауын, тұрғындар арасындағы сәулеленген бүкіл топтың иммунитетінің төмендеуін тудырады. Бұл барлық нозологиялық формалар бойынша аурудың өсуіне және демографиялық көрсеткіштердің төмендеуіне әкеледі. Бүгінгі күні радионуклидалармен ластанған аумақтарды оңалту мен радиоактивті қалдықтарды жою мемлекет үшін өте маңызды мәселелер болып табылады. Әлемдік қауымдастықтың қатысуынсыз бұл мәспелелерді шешу мүмкін емес. Сонымен қатар Қазақстанда орын алған радиоэкологиялық жағдай көптеген радиоэкологиялық зерттеулер жүргізу мен олардың нәтижелерін практикалық тұрғыда жүзеге асыру үшін бірден-бір мүмкіндік береді [9, 28-б.].

Жер бетіндегі барлық адамдар күшін біріктірмей ядролық әлемге жол бастау қиын. Ядросыз әлем – бұл біздің мақсатымыз, бұған біздің ғаламшар ұмтылу керек. Қазақстанның бейбіт күшінің арқасында Семей полигоны «бейбітшілік аумағына» айналды. Мұнда Ядролық сынақтар мониторингі мен инспекция әдістері халықаралық жүйесін дамыту бойынша жобалар жүзеге асырылады. Медицина, ядролық физика және радиациялық технологиялар саласында халықаралық ынтымақтастық дамып келеді. Жердің құнарлылығы мен радиациялық ая қалыпқа келуде.

2010 жылғы сәуірде Вашингтонда болған Ядролық қауіпсіздік жөніндегі саммитке 47 мемлекеттің өкілі, сонымен бірге БҰҰ, МАГАТЭ және Еуроодақ өкілдері қатытсы. Бұл шараның қорытынды құжаты төрт жыл бойы ондаған мемлекетте барлық ядролық материалдарды қауіпсіздендіруге бағытталды [10, 8-б.].

Басқа мемлекеттермен және халықаралық ұйымдармен ынтымақтастық құра отырып Қазақстан соңғы жылдары ядролық қауіпсіздік аясында ұлттық шаралар мен бастамалар кешенін жүзеге асырды.

Біздің Президентіміз ядролық қаруды тараптпау мен қысқарту жолында өз ұстанымында қалады, сонымен қатар «бейбіт атом» үшін күреседі. Ядролық энергетикаға қатысты әр түрлі конъюнктуралық үрдістерге қарамастан, Нұрсұлтан Әбішұлы Назарбаев болашақ атомдық электр станцияларында деп санайды, сондықтан Қазақстанда бұл бағытта үлкен жұмыс атқарылып келеді. Сонымен қатар мемлекет Басшысы әр түрлі учаскелердегі нақты радиациялық жағдайды ескере отырып, бұрынғы Семей полигонының аумағын шаруашылық тұрғыда игере бастауды қажет деп санайды. Қазақ ғалымдары зерттеулер жүргізіп жатыр, олар болашақта бұрынғы полигон жерін тиімді пайдалануға мүмкіндік береді және біздің қоғамға ядролық сынақтардың салдарынан қажетсіз қорқыныштан құтылуға көмектеседі.

Сондықтан әлемдік қауымдастық Қазақстанның ядролық қаруды таратпау мәселелері жөніндегі көптеген бастамаларын белсенді қолдайды, ал БҰҰ Бас хатшысы Пан Ги Мун Қазақстанның Президенті Нұрсұлтан Назарбаев әлемдік ядроға қарсы қозғалысқа басшылық етуі тиіс деп санайды.

2. http://www.inform.kz/rus/article/2691664.

3. Н.А. Назарбаева «Казахстанский путь – 2050: Единая цель, единые интересы, единое будущее» Послание Президента Республики Казахстан народу Казахстана. 17 января 2014 г. // Казахстанская правда.18.01. 2014 г.

4. http://www.inform.kz/rus/article/2691664.

5. http://www.kazpravda.kz/rubric/politika/nursultan-nazarbaev-prizivaet-mirovih-liderov-ukreplyat-yadernuu-bezopasnost/.

6. http://www.kazpravda.kz/pdf/26032014064236.pdf.

7. http://bnews.kz/ru/news/post/256390/.

8. http://bnews.kz/ru/news/post/273530/.

10. Лукашенко Р.С. Актуальные вопросы радиоэкологии Казахстана: Монография. Вып. 4. Т. 2. Сборник трудов Национального ядерного центра Республики Казахстан за 2011-2012 гг. Павлодар; Курчатов: «Дом печати», 2010. - 474 с.

Қарағанды мемлекеттік

техникалық университетінің

Өнеркәсіптік экология және химия

кафедрасының аға оқытушысы, т.ғ.к.

e-mail: rimkesh_62@ mail.ru

Көл ұзындығы 600 км. болатын ендік бағытта созылған су қоймасынбілдіреді. Көл Ұзынарал арқылы екі бөлікке бөлінеді: Батыс, суы аз және кең бөлігі, Шығыс, бұл да суы аз, бірақ тар бөлікті, неғұрлым терең және кең Борлытөбе ерекше көрінеді. Іле өзені шеткі батыс өзен иірімдеріне құяды, қалған төрт өзен: Қаратал, Ақсу, Лепсі, Аягөз Шығыс бөлігіне құяды. Алайда олардың ағысы көлге келіп құятын өзен суларының тек 20 % құйылуын құрайды. Сондықтан көлдің батысынан шығыс өзен иірімдерін тұрақты су ағысын құрайды [1, 2 б.].

Балқаш маңында Қазақстан халқының шамамен 16 % тұрғыны тұрады.

Бұл жерде өзен ағыстарының шамамен 24 км жиналады, ал бұл республиканың шамамен 25 % су және 42 % гидроэнергетикалық ресурстарын құрайды. Жер асты су қоймаларының белгіленген қоры жылына 3,2 км құрайды (шамамен 13 % жер үсті сулары). Қазіргі кезде бекітілген қордың 2 % пайдаланылуда. Бұл дұрыс, өйткені жер асты суларының үлкен бөлігі тау етегіндегі аймақтарға шоғырланған, олардың жердің үстіндегі сулармен байланысы әлі түпкілікті шешілген жоқ. Бұдан басқа, Балқаш маңындағы жер асты сулары қатты ластанған, сондай-ақ жер үсті сулары да ластанған, бірақ соңғысына қарағанда олар өзі тазартатын қабілетке ие емес. Жер асты сулары биоценозы тіршілік ету әрекеті әлсіз.

Балқаш көлі туралы алғашқы тарихи-географиялық мәліметтер қытайларда пайда болды, олар Орталық Азиямен байланыс жасай отырып, басқаларына қарағанда осы өңір тарихымен жете таныс болды. Ұлы Қытай қорғанынан Батысқа қарай кеңістікті қытайлар «Си-Юй» (Батыс өлкесі) деп атады және ол туралы б.з. дейінгі 126 жылдары білді. 607 жылы сол кездегі Орталық Азияда өмір сүрген 44 мемлекеттің картасы жасалды, алайда бұл сипаттама сақталған жоқ. VIII ғасырдан бастап Балқаш көлінен Тянь-Шань тауына дейінгі аумақ Жетісу деген атаумен белгілі (қазақша Жетісу, қырғызша Жетисуу), бұл жерде көшпелі халықтардың (түріктер мен моңғолдардың) және Орталық Азияның отырықшыл халықтарының мәдениеті араласып кетті.

Александр фон Гумбольдт Балқаш көлі қытайларға «Си-Хай» деген атаумен таныс (Батыс жақтағы көл. Осы атау 1855 жылғы атласқа енгізілген) деп жорамалдайды. «Балқаш-Нор» (Balas-nur — «Балқаш» көлі), жоңғарлар мен қалмақтарға, еуропалық елші Юлиус Клапроттың түсіруі бойынша құрастырылған 1833 жылғы картада бейнеленген. Түріктер мен моңғолдар өздерінің елді мекендерінен батысқа қарай барлық географиялық объектілерді ақ түспен белгілеген, оны «Ақ теңіз» деп атады, ал олардың мемлекеттерінің шекарасы батысқа қарай шегінген кезде, көл «көк» (шығыс) «Көкше теңіз» деген атауға ие болды. Қазақтар көлді «Теңіз» деп атады, ал бұл дегеніміз «теңіз» дегенді білдіреді [2, 1 б.].

Балқаш барынша терең енді Балқаш-Алакөл бөлігінде жатыр, неоген-төрттік дәуіріндегі Тұран тақтасының жазық иілісінің нәтижесінде түзілген, соның салдарынан құмтас өзен шөгінділерімен толтырылды. Көл қазандығы бірнеше ұсақ шұңқырлардан тұрады. Балқаштың батыс бөлігінде тереңдігі 7-11 м-ге дейінгі екі ойпаты бар – оның бірі батыс жағалауынан Тасарал аралынан Қоржын түбек мүйісіне созылып жатыр, ал екіншісі оңтүстікте Бертіс шығанағынан созылып жатыр, ол Батыс Балқаштың барынша терең жері болып табылады. Шығыс Балқаштың ойпат тереңдігі 16 м құрайды, барлық шығыс бөліктің ең үлкен тереңдігі - 27 м құрайды. Барлық көлдің орташа тереңдігі 5,8 м құрайды, судың жалпы көлемі – шамамен 112 км.

Балқаштың батыс және солтүстік жағалауы – тым биік (20-30 м) және жартасты, палеозойлық тау жыныстарымен түзілген және көне дәуірлік террасалар іздері байқалады. Қарашаған шығанағынан бергі Іле өзеніне дейінгі оңтүстік жағалау төмен (1-2 м) және құмды, биік суларды мерзім сайын сулар басып қалады (көптеген ұсақ көлдерге айналған), кей жерлерде биіктігі 5-10 м болатын жағалау төбешіктері кездеседі. Жағалау сызығы өте бұралаң және көптеген шығанақтар мен қайнауларға бөлінген. Батыс бөліктегі ірі шығанақтар: Сарышаған, Қашқан теңіз, Карақамыс, Шемпек (көлдің оңтүстік соңы), Балақашқан және Ахметсу. Шығыс бөлігінде Құзкөл, Балықты көлдері, және Қарашыған шығанақтары көрінеді және Байғабыл, Балай, Шауқар және Кеңтүбек және Қоржынтөбе түбектері орналасқан [3, 303 б.].

Өңірде ірі полиметалл рудаларының, тас көмір, құрылыс материалдарының кен орындары орналасқан. Үлкен жер аумағы дәстүрлі түрде жайылым ретінде пайдаланылды, сондықтан осы жерде мал шаруашылығына арналған өнімділігі жоғары жайылым орналасқан. Суармалы егіс алқабы үшін үлкен жер аумағы 2 млн. га-дан асады; олардың 30 % көне дәуірде пайдаланылды.

Қазіргі кезде суармалы жер үшін Қазақстан тарапынан шамамен 600 мың га жер және Қытай тарапынан шамамен 300 мың га Балқаш көлі бассейнінен жер пайдаланылады. Көптеген ғалымдар, әсіресе қытай ғалымдары Балқаш маңындағы жер және су ресурстарын дұрыс пайдалану кезінде тиімді өнеркәсіптік және ауыл шаруашылығы өндірісінің жоғары деңгейіне қол жеткізуге болады деп санайды. ҚХР Үкіметі СҰАР Орталық Азиядағы барынша дамыған және өркендейтін өңірге айналдыруға барынша күш жұмсауда.

Балқаш маңында өнеркәсіп, энергетика, ауыл шаруашылығы, балық және тұрғын үй-коммуналдық шаруашылықтары даму үстінде. Осы өңір үлесіне Қазақстан өнеркәсібінің 16 % және ауыл шаруашылығының 13 % тиесілі, 44 % астамы балық аулау, 75 % пайдаланылатын жер тиесілі. Бұдан басқа, көлдің жағалауына түсті металлургияның алыбы – Балқаш мыс балқыту комбинаты орналасқан. Қаратал өзенінің жағалауында мырыш-қорғасын комбинаты жұмыс істейді, тас көмір, полиметалл рудаларының карьерлері барланған және қазып алу басталған, сондай-ақ жергілікті шикізат базасында жеңіл өнеркәсіп кәсіпорыны жұмыс істеп тұр [3, 5 б.].

Көптеген шаруашылықтар мал шаруашылығын дамытуға мамандандырылған. Ауыл шаруашылығының өнімдері мал шаруашылығының 63,7 %-нан алынады, 36,3 % өсімдіктер өсіруден алынады, алғашқы келтірілген сан 38,6 % қой шаруашылығымен (жүні, терісі, еті) анықталады және 25,5 % мал шаруашылығына тиесілі (сүт, ет, тері).

Қазақстан шегінде ауыл шаруашылығын енгізу технологиясы өте төменгі деңгейде. Жылдам нәтижелер алу үшін жанталасқан кезде мал шаруашылығының ғасырлар бойы жинақталған бай тәжірибесі бұзылды, ол дәстүрлі құрылымда қой малының, жылқы малының, түйе малының кемуіне негізсіз орасан шығын әкелді. Қазақтар ертеде қой мен ешкіні жылқы мен сиырға қарағанда «бес ауызы» бар деп санаған: бір ауызымен олар жұтаң құнарсыз өсімдіктерді тамыр жемістерімен бірге жұлып бітірген, ал қалған төрт аяқтарымен (үшкір тұяқтарымен) жайылымның жұқа қарашірік қабатын таптап тастайды. Сондықтан бұрынғы қазақтар қой мен ешкі санын күрт шегеріп отырған, оның орнына ірі қара малды баққан. Ал бұл туралы қазіргі кездегі «мәдениетті ұрпағы» ұмытып кеткен. ХХ ғасырдың басында 0,6 т астам құрғақ шөп беретін құнарлы жайылым жоқ, барлық жерде, әсіресе тау маңындағы жазғы жайылымдар тапталған, ал бұл жел мен су эрозиясының процестерін күшейткен. Сондықтан қазіргі кездегі жайылымдардың өнімділігі 0,3 т/га жететін жерді әзер құрайды.

Осындай жылдам және экологиялық негізсіз технология өсімдіктерден де байқалады. Соңғы 20 жыл ішінде қысқы бидай мен себілген шөптердің егісі маңызды түрде азайды, ал оның орнына жүгері, күнбағыс, көкөніс дақылдарының егісі ұлғайды.

Бұл ретте суды үнемдейтін технологияларға жеткіліксіз көңіл бөлінуде: сусыз және суы аз технологиялық процестерді дамытуға, қайтарымды – қайталамалы сумен қамтамасыз ету, ағынды суларды тазартуға және т.б.

Пайдаланылған сулардың жалпы санынан тек 15-20 % толық емес тазалауға ұшырайды. Қалған бөлігі тазартусыз жергілікті жердің табиғи өзен желісіне лақтырылады. Сонда қатты ауыр тұрмыстық қалдықтар мен құрылыс қалдықтары лақтырылады. Еріген және жауын суларымен бірге бұл қалдықтар өзен желісін үстіңгі және жер асты суларын қатты ластай отырып Балқаш көлінің ақырғы сағасына құйылады.

Көлді үлкен және тікелей ластаушылар Солтүстік Балқаш маңындағы өнеркәсіптік объектілер болып табылады, олар ағынды суға көптеген тармақты қоймалардың жауын канализациясы арқылы шығарылады және күкіртті ангидрит және басқа газдар келіп түсетін атмосфералық ауа арқылы тарайды. Мысалы, Балқаш тау кен-металлургия комбинаты Тораңғылық шығанағына ағын суларын лақтырады. Ондағы мыстың концентрациясы 35-48 ШРК (шекті рауалы концентрацияға) жетеді, ал апатты лақтырындылар кезінде 300 ШРК асып түседі.

Соңғы жылдары су ағыстарын гидрохимиялық режиммен бақылау балық шаруашылығы пайдаланатын су қоймаларында сульфаттың (ШРК) артуы байқалады. Мысалы, шағын Сарышағанда сульфаттың құрамы ШРК тен 8-8,9 есе артық, Бертіс қойнауында 7,7-9,5есеге, Балқаш маңында. 7,7-8,1 есеге артық. ШРК артуы хлоридтер құрамында да байқалады: шағын Сарышағанда 1,3-1,5 есеге, Бертіс қойнауында 1,3-1,5 есеге және Балқаш маңында 1,3-1,6 есеге артық.

Егер Балқаш өзенінің тұтастай ластануын сипаттайтын болсақ, онда келесі көрініс байқалады. Хлоридтер проценттік қатынаста гидрохимиялық талдаулардың жалпы санынан шекті рауалы концентрациядан 80,4 % жағдайда асып түседі, сульфаттар және мыс - 100 %, мырыш 25,3 %, фторидтер 98,0 %, мұнай өнімдері 40 %, фенолдар 33,3 % жағдайда асып түседі.

Балқаш көлінің суында бірқатар микроэлементтер бар, олардың аясында ауыр металдар Балқаш маңындағы топырақ грунттың геохимиялық ерекшелігіне байланысты жетекші орын алады, сондай-ақ олардың өзендерге және ағын сулары бар көлдерге түсуі және өнеркәсіптік объектілерден ауа лақтырындыларынан су қоймасының бетіне жартылай шөгуі байқалады.

Балқаш көлінің суындағы марганец, мыс, мырыш, барий, титан, бор, никель, мырыш пен кадмий балық шаруашылығының қоймаларына арналған ауыр металдар ШРК асып түседі. Стронций, мыс, қорғасын, молибденнің фондық құрамы тұрақты артуда, ал бұл антропогендік факторлардың әсерімен түсіндіріледі. Бертіс топырағындағы кейбір элементтердің (мырыш, мыс, қорғасын) жоғары құрамына назар аудару керек, ол ұзақ уақыт бойы (50 жылдан артық) ағынды суларға Балқаш тау кен-металлургия комбинатынан (БТМК) лақтырылып отырды. Батыс Балқаштағы және Бертіс қойнауындағы

қалайы фондық мәндерден асып түседі.

Көлдің негізгі ластаушылары Іле, Қаратал, Лепсі және Ақсу өзендерінің бойында орналасқан ауыл шаруашылығының алқаптары, сондай-ақ Балқаш қаласы өнеркәсіптік кәсіпорындар болып табылады. Осы уақытқа дейін Қаратал өзені бассейнінде Текелі ГОК жұмыс істеді, оның қалдықтары Қаратал өзенін ластады және сол өзен суымен Балқаш көліне зиянды заттар келіп түсті.

Балқаш көлінің экологиялық жағдайының нашарлауы тропикалық тізбек бойынша беріледі, гидробионттардың тіршілік әрекетіне, соның ішінде балықтарға әсер ете отырып, нәтижесінде азық қорының нашарлауына, балықтардың өну жағдайының нашарлауына және олардың қорының азаюына әкеліп соғады. Балық етінің құрамындағы микроэлементтер мен олардың судағы концентрациясы арасындағы байланысты кобальт пен мыс үлгісінен байқауға болады. Су айдынының барынша ластанған ауданы – Бертіс қойнауында балықтың бұлшық ет тканіндегі мыстың жинақталуы 1,5-4 есеге, ал кобальт 100-150 есеге артық, ал бұл Сарышаған ластанған түбегінде аздау. 1995 жылғы зерттеулердің деректері бойынша Торанғалық шығанағында ауланған сазанның бұлшық етінде мыстың жинақталу коэффициенті 61,4; Майтан шығанағында - 43,5; Сасықкөл шатқалында - 13,2 құрады. Кобальттің жинақталу коэффициенті осыған сәйкес - 90,0; 65,3; 12,5 теңеледі. Бұдан басқа, Майтан шығанағында ауланған сазанның бұлшық етінде сынап табылған.

Балқашқа ластанған сулар тек тау-кен комбинатынан ғана келіп түспейді, сонымен бірге Қытайдан да келеді, шекаралық бекеттерде мыс пен басқа заттар құрамының қатты артқаны тіркелген. Қытай аумағына Іле өзені бассейнінен жылына 14,5 км суды сұрыптау байқалады, себебі Синьцзян-Ұйғыр автономиялық ауданы халқының белсенді өсуінен 3,6 есеге ұлғайту жоспарлануда. Сарапшылардың пікірі бойынша Тянь-Шань мұз ағыстарының ұлғаюына қарамастан 10 % жинақтау нормасы апатқа әкеліп соғуы мүмкін, Балқаш шығыс бөлігінің құрғауымен екі бөлікке бөлінуі мүмкін.

Қазіргі кезде ҚХР су қатынасы 2001 жылғы 12 қыркүйектегі «ҚР Үкіметі және ҚХР Үкіметі арасындағы трансшекаралық өзендерді пайдалану мен қорғау саласындағы ынтымақтастық туралы келісімге» қол қойылған, сол негізде жұмыс істеуде. Қазақстан-қытайлық бірлескен комиссия және сарапшылардың жұмыс тобы құрылды және сол бойынша әрекет жасауда.

Балқаш көлінің экологиясы үшін қауіп-қатерлер байқалады, әсіресе Арал теңізіне ұқсас апаттың қайталануы мүмкін екенін көрсетеді. Осыған ұқсас бірқатар алаңдаушылықтар да байқалады. 1970 жылдан бастап Қапшағай су қоймасын толтыру үшін Іле өзенінің суы пайдаланыла басталды, сол үшін 39 км су кетті, ал бұл өзен ағысының 2/3 азаюына және көл деңгейінен төмендеуіне әкеліп соқты. Балқаштың таяздауы әсіресе оның терең батыс бөлігінде байқалады. 1972 мен 2001 жылдар аралығында көлден оңтүстікке қарай 8 км жерде орналасқан шағын Алакөл тұзды көлі мүлдем жойылып кетті, ал Балқаштың оңтүстік бөлігі осы уақыт ішінде шамамен 150 км су бетін жоғалтты. Балқаш маңындағы 16 көл жүйесінен тек бесеуі ғана қалды, босау процесі шамамен бассейннің 1/3 қамтыды. Тұзды шаң көл түбінен көтеріледі, азиялық шаң боранын қалыптастыруға үлес қоса отырып, өңір климатына қолайсыз әсер етеді [4, 2 б.].

Экологиялық қадамдарды жақсарту қадамдары ретінде Қапшағай су қоймасын толтыруды тоқтату, металлургия комбинатының ағысты суларын тазалау, суландыруға кететін қайтарымсыз шығындарды азайту және т.б. ұсынылды.

2000 жылы Алматы қаласында әр түрлі елдерден келген эколог ғалымдар, сондай-ақ бизнес пен билік өкілдері жиналған «Балқаш-2000» конференциясы өтті. Форум жұмысының нәтижесінде қарар қабылданды және президентке, парламентке, үкіметке және халықаралық ұйымдарға Балқаш-Алакөл бассейнінің экожүйесін басқарудың жаңа принциптері туралы үндеу жолдады, өңірдегі қаржыландырылған жобалар бойынша үлкен мүмкіндіктердің жеке капиталын ұсынады.

2005 жылы Балқаш көлінің проблемалары бойынша халықаралық экологиялық форумда «Қазақмыс» корпорациясы экологиялық таза өндірістің құрылысын аяқтайды деп жариялады, ал бұл 80-90 % лақтырындылар азайтуға мүмкіндік береді.

Соңғы жылдары алқаш көлінің бассейніндегі экологиялық ахуалдың нашарлағанын көрсетті. Балқаш көлінің Тянь-Шань мұздықтардың қарқынды дамуының арқасында екінші аралға айналмады.

ҚХР қазіргі уақытта Іле өзенінің жоғарғы ағысындағы үлкен гидромелиорациялық жұмыстарға байланысты, осыған байланысты Балқаш көліне судың келуі азая бастады. Сондықтан қазақстандық және халықаралық қоғамды тұрақты ақпараттандыру үшін жыл сайын Іле-Балқаш регатасы өткізіледі. Биылғы жылы Ресейдің желкенді кемелерінің ұсынысы бойынша, мамыр айында «Балқашты ұрпақ үшін сақтаймыз» деген ұранмен Балқаш көлінде Желкенді кемелер регатасы өткізілді.

Балқаш көлі бассейніндегі ахуалды тұрақты бақылау үшін және өңірдің тұрақты экономикалық дамуын жасау үшін мыналар қажет:

- Балқаш көлі бассейніндегі су объектілерінің ағымдық жағдайының мониторингі;

- климаттың антропогендік өзгерістері бассейні су бетінің ресурстарын бағалау;

- Іле өзені шектес Қытай аумағындағы суды тұтынудың әрі қарай артуы және климаттың антропогендік өзгерістері кезінде мүмкін қолайсыз зардаптарды анықтау;

- өңірдің экономикалық қажеттіліктерін барынша толық ескеретін нақты шаралар және жер үсті су ресурстарын пайдаланудың жаңа тұжырымдамасын, Іле-Балқаш проблемасының экологиялық талаптары мен халықаралық аспектілерді әзірлеу.

Әдебиеттер тізімі

2. Основные экологические проблемы Казахстана: загрязнение воды и сельскохозяййственных объектов, загрязняющих оз. Балхаш. http:// ego.gov.kz/ 21 янв. 2013 г.

3. Коробкин В.И. Экология. Ростов на Дону: Феникс, 2014. – 610 с.

4. Бологов П. Балхаш может повторить судьбу Арала – Headline.kz.

Қ.

Қарағанды мемлекеттік

техникалық университетінің

Өнеркәсіптік экология және химия

кафедрасының аға оқытушысы

e-mail: peih.kstu@mail.ru

Арал теңізі 35000 жыл бұрын Тұран ойпатында пайда болған. Арал деп осы теңізді ең бірінші атаған адам араб географы және ғалымы Ибн-Руста (920 ж.) өз еңбектерінде атап көрсеткен. Арал теңізі ағынсыз, яғни әлемдік мұхитқа шығатын жолы жоқ теңіз болып саналады. Арал теңізі Қазақстанның оңтүстігінде және Өзбекстан автономиялық облысындағы Қарақалпақстан аралығында орналасқан. Аталуының өзі «Аралдар теңізі» деген мағынаны білдіреді, себебі онда 300 аралдан артық арал бар.

Оның бассейніндегі климаттық өзгерістерге байланысты теңіздің тарихи табиғи көп жылғы тербелісі амплитуда 1,5-2 метрмен өлшенді. Судың көлемі 100-150 куб. км. өзгертілді, ал су бетінің ауданы - 4 мың шаршы. км көтерілді.

1918 жылы Ресей үкіметі Арал теңізіне сулары құйылатын екі өзен - оңтүстіктегі Амудария өзені және солтүстік шығыстағы Сырдария өзендерінің ағыстарын бұрып жіберді, себебі шөл даланы суару үшін, шөл далаға күріш, қауын, дақылдар мен мақта егу үшін сол өзен сулары пайдаланылды. Бұл Кеңес үкіметі жоспарының бір бөлігі еді, мақтаны немесе «ақ алтынды» өсіру үшін жанталасты, ал мақта кеңес елінің сыртқа шығарылатын басты өнімі болып саналды. Бұл жоспар, әрине, ең ақырында іске қосылды, себебі Өзбекстан осы күнге дейін әлемде мақтаны сыртқа шығарушы ірі елдердің бірі болып саналады.

Суармалы тоғандар 1940-жылдардан бастап ірі ауқымды көлемде салына басталды. Суармалы тоғандардың көбісі нашар салынған, судың сортаңға айналуына немесе булануына әкеліп соқтырды. Орта Азиядағы ірі Қарақұм каналында шамамен 30-75 % су далаға кетті. 1960 жылдары, судың 20 км-ден 60 кубтық километрге дейін жыл сайын теңізге құйылудың орнына жерге ағып кетіп отырды. Осылайша, теңізді сумен қамтамасыз етудің үлкен бөлігі бұзыла бастады, 1960-жылдардан бастап Арал теңізі тарыла бастады.

1960 жылдарға дейін оның ауданы 66,1 мың ш. км-ге теңесті. Тереңдігі 10-15 м, ең үлкен тереңдігі - 54,5 м. Аралдың барынша ірі аралдары – Барсакелмес және Возрождение. 1961 мен 1970 жылдар аралығында Арал теңізінің деңгейі орташа алғанда жылына 20 см-ге түсіп отырды. 1970-жылдарда орташа норма жыл сайын 50-60 см-ге төмендеп отырды, ал 1980-жылдарға қарай теңіз деңгейі төмендей берді: жылына 80-90 см-ге төмендеді [1, 4 б.].

Өңірдегі суармалы көп дақылды егіс алқаптарын дамыту нәтижесінде жердің сапасы нашарлай бастады, қайтарымсыз суды тұтыну көлемі артты, жаңбыры аз қуаңшылық жылдар көп болды, 80-жылдардың басында Арал теңізіне Амудария мен Сырдария өзендері суларының құйылуы мүлдем тоқталды.

1990 жылдарға қарай оның ауданы 36,5 мың шаршы км құрады (соның ішінде Үлкен теңіз 33,5 мың шаршы км құрады). 1995 жылдарға қарай теңіз тіпті су көлемінің төрттен үш бөлігін жоғалтты, ал үстіңгі бетінің ауданы жартысынан астамы қысқарды.

2004 жылдарға қарай теңіз өзінің бастапқы үстіңгі беттік ауданынан 25 % ға дейін қысқарды, бес есеге дейін артқан тұздану сол теңізге тән өсімдіктер мен жануарлар дүниесін құртып жіберді. Қазіргі кезде теңіз түбінің 33 мың шаршы километрден астамы құрғап кетті. Жағалау сызығы 100-150 километрге дейін шегініп кетті. Судың тұздығы 2,5 есеге дейін ұлғайды. Ал теңіздің өзі екі бөлікке бөлінді – Үлкен Арал және Шағын Арал. Осылайша Арал кеуіп бара жатыр.

Арал теңізінің кеуіп қалуы үлкен масштабта қоршаған ортаның қыста жылы болуына және жазда салқын болуына әкеліп соғуда, қуаңшылық пен құрғақшылық артуда, климаттың континенттілігі шиеленісуде. Тұзды құм шаң теңіз аймағындағы 15 мың га дейінгі жайылым жерді жыл сайын жұтып алуда.

Осы жерде мекендеуші сүт қоректі жануарлар мен құстар түрлері 50%-ға дейін азайып кеткен.

Осылайша, Арал маңындағы Арал теңізінің құрғап кетуіне байланысты ғаламдық сипатта халықтың денсаулығына және шаруашылықты жүргізу үшін зардаптардың шығу тегі мен деңгейі бойынша қалыптасқан экологиялық проблемалардың күрделі кешені пайда болды.

Қазіргі күні Арал маңындағы барлық аймақта тым күрделі экологиялық жағдай қалыптасты (Арал маңындағы аудан 47,2 мың ш. км. құрайды). Бұл жерде су және жер ресурстарының сапасы жойылған, экожүйенің құрамы мен төзімділігі бұзылған, қоршаған ортаның экологиялық құндылығы азайған, оның өнімділігі жоғары қасиеттері жойылған, қоршаған ортаның улануы күрт артқан, осыған байланысты ортаның медициналық-гигиеналық тұрақтылығы жойылған. Рыбацкий, Мойнақ, Әжібай, Жалтырбас, Бозкөл, Алтынкөл және Каратма шығанақтары жоғалып кеткен [1, 3 б.].

Жылына 300 күнге жуық өңірде құмды тұз дауылы соғады. Кеуіп қалған теңіз түбінен атмосфераға 75 млн. тонна құм мен шаң көтеріледі, ал Арал маңындағы 1 га ауыл шаруашылығы жеріне 520 кг тұз түседі, ал бұл егілетін дақылдарға орасан зор шығын әкеледі. Аралқұм шөлі егістік жердің 2 млн. гектарын жұтып алды, жайылымдық жерлердің, орман алқаптарының, басқа да өсімдіктер дүниесінің құлдырауына әкелді. Теңіздің кеуіп қалуы жалғасып жатыр, ал бұл дегеніміз теңіз суының түбінен әлі де тұзды топырақ грунттар босайды дегенді білдіреді, сол кезде Арал маңындағы ауа әлі де улы тұз бен шаңға батады. Егер атмосфералық шаң негізінен ылғалды жерлерде шөгіп жинақталуы мүмкін дегенін ескерсек, онда бұл процестен таулар да сырт қала алмайды, себебі орта азиялық өзендер мен сулардың бастауы сол таулардан алынады. Арал тұзы мен шаңы ауаға тым биікке көтеріле отырып, бұлттармен араласып кетеді, үлкен ара қашықтыққа дейін ұшады, тұзды шөгінділер ретінде шөгеді.

Арал катастрофасының зардаптары өңір аумағынан да шығып кетті.

Теңіздің кеуіп бара жатқан акваториясынан жыл сайын жанартау атқылаған сияқты 100 мың тонна тұз бен әр түрлі химикаттары мен улы қоспалары бар ұсақ ұнтақты шаң ұшады, ұшқан тұз бен шаң дауылы барлық тіршілікке келеңсіз әсерін тигізуде. Арал батыстан шығысқа қарай күшті ағынды ауа ағысының жолында орналасқан, сондықтан атмосфераның жоғарғы қабатына аэрозольдардың шығуына мүмкіндік береді, ластану әсері тым қатты күшейеді.

Тұз ағындарының іздері барлық Еуропа бойынша, тіпті Солтүстік Мұзды мұхитқа дейін ұшады.

Аралдың таяздау және соған шектес жатқан өңірлердің шөл далаға айналуын талдау 2010-2015 жылдарға қарай теңіздің толықтай жойылып кетуі мүмкін деген қатерлі болжамға әкеледі. Нәтижесінде – жаңа Аралқұм шөлі пайда болады, Қарақұм мен Қызылқұм шөлдерінің жалғасына айналады. Тұз бен әр түрлі улы заттардың үлкен мөлшері көптеген жылдар бойы бүкіл жер шарына таралады, ауаны улайды және планетаның озон қабатын бұзады. Арал маңында жаз неғұрлым құрғақ және қысқа, ал қысы тым қатты суық және ұзақ болады. Ал мұндай жағдайдан ең бірінші, әрине, Арал маңының тұрғындары зардап шегеді. Ол, бәрінен бұрын, суға деген өткір қажеттіліктен туындайды.

Демек, тұрғындар күніне 125 литр орташа норма орнына, тек 15-20 литр су ғана алады. Бірақ тек суға деген қажеттілік ғана емес, сонымен қатар әр түрлі проблемалар да туындайды. Бұл күні өңір аштықтан, жоқтықтан, сондай-ақ әр түрлі эпидемиялар мен аурулардан зардап шегуде.

Арал әрдайым теңіз өнімдерін бай жеткізушілердің бірі болған еді. Енді судың тұзды деңгейінің ащы болғаны соншалықты, көптеген балық түрлері қырылып қалды. Сол кезде аулап жүрген балықтардың қабыршақтарында пестицидтердің жоғары деңгейі жиі байқалды. Бұл әрине, Арал маңындағы тұрғындардың денсаулығына айтарлықтай әсерін тигізді, балық аулау кәсіпшілігі және балықты қайта өңдеу өнеркәсібі жойылу үстінде, адамдар жұмыссыз қалуда.

Бұрын топыраққа астық түсімін арттыру мақсатында көптеген улы тыңайтқыштар себілді. Улы химикаттармен байытылған судың тазарту құрылғыларының нашар болуының кесірінен өзен ағыстарының бойына да таралды, яғни барлық жаңа жерлерді улады. Соның салдарынан – Арал маңында өсетін қамыс, күріш, бидай құрамында әр түрлі канцерогендердің жоғары деңгейі байқалады. Өңірде ТМД елдерінің ішінде ана мен балалар өлімі жөнінен ең жоғары орында тұр (1 000 туған балаға 75). Туберкулез, астма, тиф, анемия, паратиф, гепатит, рак сияқты ауру түрлері өте көп. Бауыр мен бүйрек аурулары белең алуда [3, 4 б.].

Арал теңізінің жойылып кетуі туралы әр түрлі пікірлер айтылуда.

Біреулер Аралдың түпкі қабаты бұзылып, ол Каспий теңізіне ағып кетті деп айтады. Ал біреулер Аралдың жойылып кетуі Жер шары климатының жалпы жылыну өзгерісіне байланысты табиғи процесс дейді. Кейбіреулер тау мұздықтарының үстіңгі беттерінің құлдырауы, Сырдария мен Амудария өзендерін қоректендіретін шөгінділердің минералдануы мен олардың тозаңдануында деп айтады.

Алайда барынша кең таралған бастапқы нұсқа – Арал теңізі қоректенетін су ресурстарының дұрыс емес таралуы болып табылады. Арал теңізіне келіп құятын Амудария мен Сырдария өзендері бұрын су айдынын қоректендіріп отыратын негізгі күре тамыр еді. Екі өзен де өз бастауын таулардан алатыны белгілі, Тәжікстан, Қырғызстан, Өзбекстан, Қазақстан және Түрікменстан аумақтары арқылы өтеді. 60-жылдардан бастап осы екі өзеннің су ресурстарының негізгі бөлігі ауыл шаруашылығының жерін суландыруға және Орталық Азия өңірін сумен қамтамасыз етуге кете бастады. Соның нәтижесінде ағысы төмен түсіп кеткен өзен арналары жойылып бара жатқан теңізге дейін жете алмайды, құмға сіңіп кетеді. Бұл ретте бұрылған судың тек 50-60 % ғана суармалы егіс алқаптарына жетеді. Бұдан басқа, Амудария мен Сырдария өзен суларын дұрыс емес және үнемді емес бөлудің кесірінен суармалы жері бар тұтас аудандарды батпақты жерлерге айналдырып жіберді, ол жерлер пайдалануға жарамсыз болып қалды, ал кейбір жерлер су мүлдем жетіспейтін жерлерге айналды. Егін шаруашылығы үшін жарамды 50-60 млн. гектар жерден тек 10 млн. гектар ғана суарылады.

Орталық Азия мемлекеттері мен халықаралық қауымдастықтар Арал маңындағы проблемаларды шешу бойынша шешімдер қабылдауда. Алайда ол шешімдер өкінішке қарай экологиялық апаттың бастапқы себебімен күресуге емес, ең бірінші кезекте оның зардаптарын жоюға бағытталған. Мемлекеттер мен халықаралық гуманитарлық ұйымдар бөлетін негізгі күштер мен қаражаттар халықтың тіршілік деңгейін және өңірдің инфрақұрылымын көтеруге кетеді. Теңізді қалпына келтіру туралы мүлдем ұмытып кетті.

Қазіргі кезде әлемдік капиталды Арал теңізінің тағдыры емес, сол өңірдің қаншалықты табиғи қоры бар екені қызықтыратыны өте өкінішті. Бұл жердегі газдың болжамдалған қоры 100 млрд. куб. метрді құрайды, ал мұнай 1-1,5 млрд. тоннаны құрайды. Арал бассейнінде жапондық JNOC корпорациясы мен Shell британ-голландиялық компанияның мұнай мен газды іздеуі жүргізілуде.

Әлемдік инвестицияларды қатыстырып, өңірді құтқаруға болады деп ойлайтын көптеген жергілікті шенеуніктер тек өз қара бастарының қамын ғана ойлайды.

Алайда бұл Арал теңізінің проблемасын шеше алады ма екен? Бәрінен бұрын, кен орындарын қазу өңірдегі экологиялық ахуалды одан сайын шиеленістіреді.

1994 жылы 23-24 маусымда Парижде Дүниежүзілік банк, ПРООН бен ЮНЭП ұйымдастырған Арал теңізі бассейнін дамыту Бағдарламасы бойынша кездесу өтті, осы кездесуде Орталық Азия мемлекеттерінің өкілдерінің, 33 үкіметтік және агенттік және үкіметтік емес ұйымдардың делегациясының қатысуымен Орталық Азия мемлекеттері әзірлеген жақын арада жақсарту бойынша нақты іс әрекеттер Бағдарламасы мақұлданды.

1995 жылы Орталық Азия республикаларының үкіметі, өңір мамандары мен ғылыми қоғам, халықаралық ұйымдар Нөкіс қаласында Арал теңізі бассейнінің тұрақты даму проблемалары бойынша Орталық Азия мемлекеттерінің және халықаралық ұйымдардың Декларациясын қабылдады.

Ол тұрақты даму принциптерінің қатаң сабақтастығын және осындай маңызды проблемаларды шешуге назар аударуды қарастырады.

Орталық Азия мемлекеттері үкіметтері құрған Мемлекет аралық үйлестіру су шаруашылығы комиссиясы белсенді жұмыс атқаруда, ол экология талаптары және барлық елдердің мүдделері есебінен Арал теңізі бассейнінің су ресурстарын бірлесе басқару мен пайдаланудың барлық мәселелерін қарастырады. Бұл ретте өңірдегі бес республиканың қай қайсысы да теңізді сақтау проблемасымен бірлесе қарастырады.

Арал теңізі шамамен 50 жыл ішінде кеуіп қалды. 1987 жылы шегініп бара жатқан теңіз екі жеке су бөлікке бөлінді, Солтүстік Арал теңізі (Шағын Теңіз немесе Кіші Арал теңізі) және Оңтүстік Арал теңізі (Үлкен Теңіз немесе Үлкен Арал теңізі). Оларды қосу үшін жасанды канал да қазылды, бірақ олардың арасындағы байланыс 1999 жылы тоқтап қалды, себебі екі теңіз де тарыла бастады. 2003 жылы Оңтүстік Арал теңізі әрі қарай шығыс және батыс бассейндері деп бөлінді.

1991 жылы Қызылорда қаласында Н.Ә. Назарбаев қатысымен Қазақстан ғылым академиясының сессиясы өтті. 1993 жылы мемлекеттердің бес басшы қатысымен саммит өтті, сонда Президент Н.Ә. Назарбаев Аралды құтқару бойынша халықаралық қорының бірінші президенті болып сайланды [4, 7 б.].

Оңтүстік Арал теңізі маңызды дәрежеде Өзбекстан жағында қалды, маңызды түрде тағдыр тәлкегінде қалды.

Енді бұл да бір бірінен оншақты километрге алшақтап кеткен үшінші су айдыны. Шағын Арал — Қазақстан аумағындағы Арал теңізінің бір бөлігі.

Шағын Аралды тұзды көлдің қалған бөлігімен қосатын тар бұғазды 1992 мен 1998 жылдары арақабырға қылды, бірақ екі жолы да бекітілмеген құм бөгеті — су деңгейінің арту шамасы бойынша сумен шайылып кетті.

Қазақстан егемендігін жариялағаннан кейін Арал теңізін қайта жаңғырту және Арал теңізінің солтүстік бөлігін құтқару бойынша көптеген жобалар әзірленді. 2003 жылы қазанда Қазақстан Үкіметі ұзындығы 13 км болатын жаңа әрі неғұрлым сенімді Көкарал бөгетін салу жоспары туралы жариялады, ол 2005 жылы салынып бітті. Судың деңгейі маңызды түрде артты, ащылығы біршама азайды, қазір өнеркәсіптік масштабта балық ауланады.

2. Программа конкретных действий по улучшению экологической обстановки в Приаралье. 23-24 июня 1994.

С.А. Сейтбеков,

Қарағанды мемлекеттік

техникалық университетінің

Өнеркәсіптік экология және химия

кафедрасының оқытушысы

е-mail: aman.1968@bk.ru