ҚР Дін істері және
азаматтық қоғам министрлігі
«Азаматтық бастамаларды қолдау орталығы» КЕАҚ
«ЖасҰлан» бірыңғай балалар мен жасөспірімдер ұйымы» РҚБ
ҚР Дін істері жіне
азаматтық қоғам
министрлігі
АҒА ТӘЛІМГЕРЛЕР МЕН ҰСТАЗ-
ҰЙЫМДАСТЫРУШЫЛАРҒА АРНАЛҒАН
ӘДІСТЕМЕЛІК ҚҰРАЛ
Астана, 2017 ж.
Авторлар: Ақмырзаева К.Е., Жакупова А.Д.
Шығармашылық топ: Қанатова М.Т., Нурмухамбетова Д.Ж., Смаилова М.С.,
Алиева А.Т., Петрович О.В.
Бұл жинақта жас ұрпақтың бойында бүгіннен бастап білім мен ғылымға
деген қызығушылығын ояту, жаңалыққа деген талпыныс, қоршаған ортаға
жанашырлық, ізгілік қасиеттерін қалыптастыру, ұлттық және жалпы
адамзаттық құндылықтарға сәйкес рухани дүниесі кең тұлғаны
қалыптастыру, балалар мен жасөспірімдерді қазақстандық патриотизм
рухында тәрбиелеу жолдары айтылады.
Сонымен бірге оқу-тәрбие үдерісінде жаңа
әрі тиімді әдіс- тәсілдерді
пайдалана отырып жұмыс сапасын жақсартқан, жаңартқан тәлімгерлер мен
педагогтардың жұмыстары жинақталған. Бұл кітапша көшбасшы тұлға
тәрбиелеуде тәлімгерлерге сенімді серік болады деп сенеміз.
Тәлімгерге тәлімді кеңес
Тәлімгер! Сіз бал күлкілі бала бағының бағбанысыз.Сондықтан да, балалық
бағы мәңгі жасыл болу үшін жұмыс жасауға тиістісіз.Тал бойына тәлім
тұнған тәлімгер озық ойлы, мәдениетті
,
ақылды,интеллектуалды бай,рухани
дамыған тәуелсіз елдің ұланын тәрбиелеуі керек.Сіз балалардың жетекшісі,
тәрбиешісі, қызықты істердің ұйымдастырушысы ғана емессіз, олардың
ересек
досысыз!
Өз
жұмысыңызда
балалардың
белсенділігін,
қызығушылығын оята алуыңыз керек.
Балаларға өз жүрегіңіздің жылуын
сыйлаңыз!
Балалардың мектептегі өмірін қызықты, тартымды,
есте
қаларлықтай етіп өткізу – сіздің қолыңызда!
Жас ұрпақтың танымдық-
интеллектуалдық, шығармашылық және басқа да дүниетанымдық
потенциалдарының жан-жақты дамуына ұйытқы болып, балалар әлеміндегі
игі істерде балалармен бірге қолтаңба қалдыру - сіздің мұратыңыз болсын!
Қазақстан халықтарының салт-дәстүрлерін, әдет-ғұрыптарын, ұлттық
мәдениетін жаңғырту барысында жалпыадамзаттық құндылықтарды шәкірт
санасында қалыптастыру – өмірлік қағидаңызға айналсын!
Тәлімгер!
Балаларға өз қызметінің түпкі мақсатын, нәтижесін көретін істерді тапсыр.
Өз уақытыңды, әсіресе балалар уақытын сақтай біл, әрбір минутты
үнемде.
Өз монологыңды балалар
арасындағы диологпен алмастыр,мүмкін болса
көпшілікпен әңгіме –дүкен құр.
Егер бала жасаған кемшілікті көрсең, өз қатең неден болғанын ойла.
Балалардың қателескендерінен қорықпа, ол сабақ болады.
Баланың қандай қасиетін, ісін мақтауды білу керек, ең бастысы-алғашқы
жетістігін.
Баланың әлі көмескі болса да үмітін қолдау керек.
Балалардың өздері атқаратын тиісті істерді олар үшін өзің атқарып қойма,
бірге атқарыс.
Сайлауда өзіңе дауыс бергендерді емес,саған
қарсы дауыс бергендерді
құрметтей біл.
Эстетикалық талғамың жоғары болсын,балаларды өнердің озық үлгілері
не, жарастықты сәнге жетелей біл.
Балалар тобында өзін-өзі басқару жай ғана ермек емес, үлкен тәрбие
құралы.
Ұландармен достығың ойын түрінде қалмасын, шынайы достаса біл,
өзіңді сендір
Балалардың бетінен қақпа, ақылмен жол көрсет
Бұйрық
бергеннен гөрі, иландыруға, түсіндіруге тырыс
Сын түзелмей мін түзелмейтіні рас, бірақ сынан гөрі мейірімді сөз
қажеттірек.
Оңаша, оқшау жұмыс істеме, барлық уақытта жас ұландармен кеңесіп
отыр.
Балалардың еркелігін балалық деп емес, жүгенсіздік деп қарасаң, онымен
ешқашан тіл табыса алмайсың.
Егер өзіңді балалар ұнатпайды-ау деп ойласаң, ойыңның растығына шүбәң
болмасын.Неге ұнамайтыныңды өз бойыңнан ізде.
Мансаптың буы –ессізді ғана есіртпейтінін есіңде ұста.
Еңбегің жемісті болсын десең-талмай талаптан.
Жас болып қалғың келеме? Онда ұландар арасында ұзақ
жылдар жұмыс
істе.Ол жұмысыңды күнкөріс қамы деп ұқпа, жұмыс орныңда өзіңді-дүние
нің патшасындай сезін.
Жақсы тәлімгер болғың келе ме?Онда талмай ізден, ешқашан жалықпа.
Әрбір баланың күрделі болмыс иесі екенін ұмытпа!
Қандай мәселені шешсеңде, әкім болма.
Ашулансаң, ашуың ұзаққа созылмасын. Тез ұмытуға тырыс.
Баланың ісіндегі әрбір қайшылықтарды көре біл, бірақ кейбірін
байқамаған бол.
Үнемі кінәліні іздеп, тақақтай берме.
Тәлімгер неғұрлым әділ болса-соғұрлым мәртебелі болатынын есіңде ұста.
Жұмыс тапсырсаң, бала оны ынтасымен атқаратындай етіп, қызықтыра
біл.
Баланы жан-жақты етіп тәрбиелеу үшін оны жан-жақты біл.
Балаларды біріктіретін қызмет түрін анықтауыңыз қажет, сол іспен
балаларды айналыстырып, жақын көмекшілеріңізді анықтауыңыз қажет.
Қарым-қатынас түрін анықтап, балалар арасындағы қарым-қатынас түрін
бекітіп алыңыз.Тұрақты топ жинап алу үшін ұжымның кездесу орнын
жабдықтаңыз.
Ортаға айрықша дәстүрлер салыңыз.
Балаларды ашық әңгімеге шақырудан жасқанбаңыз. Сізден ештеңе
жасырмауы қажет. Әр баланың көзқарасын ескеріңіз.Әділ де шыдамды,
талапты болыңыз.
Бір орында тұрмаңыз. Әрқашанда ізденісте болыңыз. Тоқтау-ұжымның
өлгені.
