ПоәҚ 42-18-12 39/03-2014 Баспа №. 201 ж

жүктеу 9,52 Mb.

бет	1/16
Дата	22.05.2018
өлшемі	9,52 Mb.
	#16290

1 2 3 4 5 6 7 8 9 ... 16

1. Глоссарий
2. Дәрістер
Өзен көлігі
Әуе көлігі

ПОӘҚ 042-18-12.1.39/03-2014

Баспа № __ __.__.201__ ж.

беттің сі

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ СЕМЕЙ қаласының ШӘКӘРІМ атындағы МЕМЛЕКЕТТІК УНИВЕРСИТЕТІ
СМК 3 дәрежелі құжаты	ПОӘҚ	ПОӘҚ 042-18-12.1.39/03-2014
ПОӘҚ Оқытуша арналған пән «Көліктің жалпы курсы» бойынша бағдарламасы	Баспа №__ күні _______

ПӘНІНЕН ОҚУ-ӘДІСТЕМЕЛІК КЕШЕН
«Көліктің жалпы курсы»

мамандық үшін 5В090100 – «Тасымалдауды, қозғалысты ұйымдастыру және көлікті пайдалану»

ОҚЫТУШЫҒА АРНАЛҒАН ПӘН БАҒДАРЛАМАСЫ

Семей

2014

Алғы сөз

1 Құрастырған

Құрастырушы: _________ «___» ________ 201__ ж. А.Б. Бакиева, аға оқытушы кафедра «Ақпараттық жүйелер»
2 Талқыланды

2.1 Кафедра мәжілісінде «Ақпараттық жүйелер»

Хаттама № __ «___» ________ 201__ ж.

Кафедра меңгерушісі __________ С.К.Смағұлов

2.2 Факультетің ақпараттық-коммуникациялық технологиялары оқу-әдістемелік бюросының отырысында қарастырылды

Хаттама № __ «__» _________ 201__ ж.

Төрағасы __________ Р.С.Бекбаева
3 бекітілді

Университеттің оқу-әдістемелік кеңес мәжілісінде қаралып, баспаға ұсынылды

Хаттама № __ «__» _________ 201__ ж.

ОӘК төрағасы, бірінші проректор _______________ Г.К.Искакова

4 Алғаш рет енгізілген

мазмұны

1. Глоссарий

2. Дәрістер

3. Практикалық сабақтар

4. Студенттің өздік жұмысы

1. глоссарий

Берілген ОӘК-те сәйкес анықтамалармен бірге келесі терминдер қолданылған:

1.1. Көлік– жолаушыларды, багаж және жүктер мен почтаны автокөлік құралдары және инфрақұрылымды пайдалану арқылы тасымалдауды жүзеге асыратын экономика саласы.

1.2. Көліктік жүйе – тасымалдауды жүргізу кезіндегі өзара байланыста және тәуелділікте болатын әртүрлі көліктік кешендер. Мемлекетке, аймаққа немесе үлкен қалаға қатысты қолданылады.

1.3. Көліктік бірлік – көліктің барлық түрлерінің әлеуметтік -экономикалық бірлестігін көрсетеді.

1.4. Көліктік желі (сеть) – елдің барлық мекен-жайларын және жеке аймақтарды байланыстыратын хабарламалардың барлық жолдарының жиынтығы, анықталған территорияның немесе елдің көліктік қызмет көрсету көрсеткіштерін мазмұндайды.

1.5. Жалпы қолдану көлігі – заңға сәйкес барлық жүктерді және жолаушыларды тасымалдауды іске асыруға міндетті көлік. Оны мемлекеттік мекеме немесе кәсіпорын, қоғамдық ұйым немесе жеке тұлға ұсынуы мүмкін.

1.6. Дискретті көлік – тасымалданатын зат (жүк немесе жолаушы) жеке партиялар немесе топтар, тәуелсіз қозғалатын транспорттық бірліктер көмегімен (автомобиль, поезд, ұшақ, кеме) тізбектей тасымалдаушы кез-келген көлік.

1.7. Әмбебап көлік – барлық тасымалдау түрлерін (жүк және жолаушы) жүзеге асыра алатын транспорт

1.8. Теңіз көлігі — су көлігінің түрі. Теңіз көлігіне су бетінде жүзетін, әртүрлі тасымал түрлерін орындай алатын кез келген көлік түрі жатады.

1.9. Сызықтық кемелер – бірнеше порттар арасында кесте бойынша жүзетін кемелер.

1.10. Трампты кемелер - әлемдік флоттың жартысын құрайды, кез келген бос тасымалдармен айналысады.

1.11. Каналдар – грунт үйілмесінде орналасқан дұрыс пішінді жасанды құрылыс.

1.12.Қала транспорты – халық пен жүктерді қала мен қала маңы территориясында тасымалдауды жүзеге асыратын әртүрлі көлік түрлерінің кешені.

2. Дәрістер

Дәріс сабағының құрылымы:

1 дәріс. «Көліктің мәні және көлік үрдісінің негіздері».

Сабақ мақсаты: жалпы терминдер және түсініктермен танысу.

Дәріс жоспары:

Көліктің мәні және көлік үрдісінің негіздері.
Қазіргі көлік жүйесінің сипаттамасы мен құрамы.

1. Транспорт сөзі латын тілінен аударғанда « transporto » - апарамын, жеткіземін, тасимын деген мағынасында адамдарды немесе жүктерді тасымалдау, қоғамдық материалдық өндірістің ең маңызды бір облысы болып табылады. Көлік шикізатты өңдемейді де, өнім де шығармайды. Транспорт термині көп жағдайда көлік жүйесін құрастыратын инфрақұрылымның, басқару, көлік құралдарының бірлестігін немесе экономика саласын білдіреді.

Транспорт – әртүрлі мағынада қолданылады. Оны әдетте:

Жүк және жолаушы тасымалдаушы деген мағынасы бар, халық шаруашылық бөлімінде;
Материалдық өнімнің және адамдардың орын ауыстыруын қамтамасыз ететін техникалық құралдар комплексінде;
Жүк немесе жолаушылардың орын ауыстыруының өзіндік процесінде;
Көшелер немесе жол бойынша қозғалатын бірліктер торабында;
Белгіленген орынға және нақты мекен-жайға жіберілген жеке жүк партиясында;

Адамдық сала түрі немесе мамандық ретінде түсінеді.

Транспорттық жүйе – тасымалдауды жүргізу кезіндегі өзара байланыста және тәуелділікте болатын әртүрлі транспорттық комплекстер (кешендер). Мемлекетке, аймаққа немесе үлкен қалаға қатысты қолданылады.

Транспорттық бірлік – транспорттың барлық түрлерінің әлеуметтік -экономикалық бірлестігін көрсетеді.

Транспорттық желі (сеть) – елдің барлық мекен-жайларын және жеке аймақтарды байланыстыратын хабарламалардың барлық жолдарының жиынтығы, анықталған территорияның немесе елдің транспорттық қызмет көрсету көрсеткіштерін мазмұндайды.

Жалпы қолдану транспорты – заңға сәйкес барлық жүктерді және жолаушыларды тасымалдауды іске асыруға міндетті транспорт. Оны мемлекеттік мекеме немесе кәсіпорын, қоғамдық ұйым немесе жеке тұлға ұсынуы мүмкін.

Жеке қолданудағы транспорт – өзінің немесе кәсіпорынның тасымалдауын іске асыратын және барлық басқа клиенттердің талаптарын қанағаттандыруға міндетті емес жеке транспорт.

Магистралді транспорт – негізгі транспорттық министерстволар және ведомстволар: Хабарлама жолдарының Министерствосы, Теңіз флотының Министерствосы, азаматтық авиация Министерствосы , құрылыс және автомобиль жолдарының эксплуатациясының Министерствосы жүргізуге болатын жалпы қолдану транспорты.

Магисралды транспорт - маңызды қалалар мен елдің немесе ірі аймақтардың өндіріс орталықтарын байланыстыратын хабарлама жолдарын белгілеу үшін қолданылады.

Әмбебап транспорт – барлық тасымалдау түрлерін (жүк және жолаушы) жүзеге асыра алатын транспорт.

Дискретті транспорт – тасымалданатын зат (жүк немесе жолаушы) жеке партиялар немесе топтар, тәуелсіз қозғалатын транспорттық бірліктер көмегімен (автомобиль, поезд, ұшақ, кеме) тізбектей тасымалдаушы кез-келген транспорт.

Үзіліссіз транспорт – тасымалдау құралы үзіліссіз ағым түрінде келетін транспорт.

Дискретті және үзіліссіз транспорт принциптерін біріктіретін құрылымдар бар: кабинкалары бар арқан жолдары және т.б.

2. Жүктер мен жолаушыларды тасымалдауда көліктің келесі түрлері пайдаланылады:

- темір жол;

автомобиль;
ішкі су (өзен);
теңіз;
әуе;
қалалық электр көлігі;
құбырлық.

Барлық аталғандар бірыңғай көліктік жүйесіне (БКЖ) енеді

(Слайд шоу №1.)

Логистикалық менеджмент тұрғысынан қарағанда көліктің әр түрінің логистикалық жүйеде қолданатын өз артықшылықтары мен кемшіліктері бар.

Темір жол көлігі – үлкен тасымалдау мүмкіндіктері, жеткізудің жоғары жылдамдығы, төмен өздік құндылығы, климат жағдайларынан тәуелсіздігі; тиеу – түсіру жұмыстарының тиімді ұйымдастырылуы. Салыстырмалы төмен тарифтер, транзит жөнелтілімдеріне жеңілдіктер.

Кемшіліктері: тасымалдаушылардың жетіспеушілігі; өндірістік – техникалық базаға кететін қаражаттың көп мөлшері; жүк сақтығының төмен дәрежесі.

Құбыр көлігі – мұнай мен газды тасымалдауға арналады; жоғары өткізу қабілеттілігі; арзан, үлкен көлемді. Кемшіліктері: жүк түрлерінің шектеулігі (газ, мұнай өнімдері, шикізат материалдарының эмульсиялары).

Әуе көлігі – өте жоғары жылдамдық, жоғары баға; жоғары сенімділік; сақтық.

Кемшіліктері: тасымалдаудың жоғары өзіндік құны, басқа көлік түрімен салыстырғанда жоғары тарифтер, климат жағдайларына тәуелділігі.

Ішкі су көлігі (өзен) – үйілме және ақтарма жүктерді тасымалдау үшін арналған, арзан көлік түрі, бірақ навигация кезінде ғана жұмыс істейді. Климат жағдайларына тәуелді, жүк жеткізу жылдамдығы төмен; өзен тереңдігінің біркелкіліксіздігіне және навигацияға тәуелді.

Теңіз көлігі. Артықшылықтары: континентаралық тасымалдарының мүмкіндігі, алыс қашықтық тасымалдарының төмен өзіндік құны, жоғары өткізу және тасымал қабілеттігі. Кемшіліктері: тасымалдаулар шектеулігі, жеткізудің төмен жылдамдығы; ауа райы, географиялық және навигацияға тәуелділігі; жүкті бекітуге қойылатын қатаң талаптар.

Автомобиль көлігі – темір жол көлігімен салыстырғанда жоғары маневрлі («есіктен есікке» тасымалдау), жылжымалы құрам типтерінің әр түрлілігі, қысқа арақашықтыққа арзан тарифтер. Кемшіліктер: төмен жүккөтергіштік, жоғары өзіндік құны, жылжымалы құрамға кететін металл шығыны.

Көлік – жолаушыларды, багаж және жүктер мен почтаны автокөлік құралдары және инфрақұрылымды пайдалану арқылы тасымалдауды жүзеге асыратын экономика саласы.

Қорытындыласақ (1 сурет)

Өзін тексеруге арналған сұрақтар:

Транспорт
Транспорттық жүйе
Транспорттық бірлік
Жалпы қолдану транспорты
Әмбебап транспорт

Ұсынылатын әдебиет:

Закон РК «Об автомобильном транспорте», гл1.
Гудков В.А. «Пассажирские автомобильные перевозки». М.: Горячая линия –Телеком. 2006 год. 448 с.

Автомобиль көлігі

Артықшылықтары:

Жоғары өтімділік және маневрлік

Жүктер мен жолаушыларды жеткізудің жоғары жылдамдығы

Автомобиль жолдарының орналастырылуы және қозғалыстың қажетті жиілігімен қамтамасыз ету

Кемшіліктері: салыстырмалы қымбат көлік түрі

Еңбек өнімділігінің төмендігі

Артықшылықтары:

Жүк және жолаушы жеткізудің салыстырмалы жоғары жылдамдығы және сенімділік

Ауа райы жағдайынан тәуелсіздік

Әмбебаптылық, маневрлік

Темір жол көлігі

Артықшылықтары:

Жоғары тасымал қабілеттілігі

Тасымалдауды ұйымдастыруға кететің шығындардың төмендігі

Кемшіліктері:

Қозғалыс жылдамдығының төмендігі

Маусымдық жұмыс

Тереңдік біркелкіліксіздігінен кемелердің төмен жүктемелігі

Өзен көлігі

Артықшылықтары:

Үлкен қашықтық хабарламалардың табиғи жолдарын пайдалану

Теңіз жолдарының шексіз өткізу қабілеттілігі

Кемшіліктері:

Қымбат порттық құрылғылар қажеттігі

Бастапқы және соңғы операцияларға кететін үлкен шығындар

Ауа райы жағдайларына тәуелділік

Теңіз көлігі

Артықшылықтар:

Тасымалдаулардың төмен өзіндік құны

Жұмыстың барлық түрінің автоматизациясы

Жұмыстың үздіксіздігі

Тасымалдау үрдісінің үздіксіздігі

Климат жағдайларынан тәуелсіздік

Материалдық, қаржы ресурстарын үнемдеу мүмкіндігі

Кемшіліктері: жүк түрлерінің шектеулігі (газ, мұнай өнімдері, шикізат материалдарының эмульсиялары)

Құбыр көлігі

Артықшылықтары:

Әуе трассаларының кішкентай қашықтығы

Тасымалдады ұйымдастырудың маневрлігі

Жүк жеткізудің жоғары жылдамдығы

Кемшіліктері:

Ұшудың метео жағдайларға тәуелділігі

Тасымалдаулардың жоғары бағасы

Әуе көлігі

1 сурет. Көлік түрлерінің артықшылықтары мен кемшіліктері.

2 дәріс. «Өндіріс бөлімі ретінде транспорттың маңызды спецификасы».

Сабақ мақсаты: Өндірісті транспорттық құралдардың спецификалық ерекшелігі ретінде қарастыру

Дәріс жоспары:

Антикалық және ежелгі замандағы хабарлама құралдары
Транспорт материалды өндіріс бөлігі ретінде.

1. Транспорттың даму тарихы антикалық және ежелгі заманда, алғашқы шаруашылық және қоғамдық еңбекті бөлісу жаңа туындаған кезде транспорттың қажеттілігі маңызды болған жоқ. Алғашқы хабарлама құралдары қарапайым болды. Оларға тапталған жол, вьюки, аса ауыр жүктер үшін сүйретпелер, жоңылған ағаш бөренелері немесе плоттар, кейінірек челноктарды жатқызуға болады. Одан ертерек уақытқа қайықшалардың пайда болуы жатады. Құлдардың еңбегін эксплуатациялауда құл иеленушілер шаруашылығы кезінде транспорт өзінің дамуында алға қадам жасады. Құл иеленуші мемлекеттер басқа елдерді басып алу, құлдарды тұтқынға алу үшін өзінің сарбаздарын апарды. Әскери талаптар және қажеттіліктер Қытайда, Парсы елінде, Рим Империясында әскери мақсаттар үшін салынған үлкен жолдар транспорттың дамуын қажет етті.

Адамзат өзінің тарихын білуі керек, себебі онсыз ғылымның ары қарай дамуы мүмкін емес. Олардың қалдықтары қазіргі күнге дейін сақталған. Мысалға, мыңдаған километрді алып жатқан римдік әскери жол желісі. Құл, нан, мата айырбастау және сатудың алға өсуі Финикия, Карфаген және т.б. сияқты мемлекет -қалалардың пайда болуына және ескекті, содан кейін желкенді кеме қатынастарының пайда болуына әкелді. Антикалық замандағы Греция, Рим, Египет сияқты мемлекеттерде теңіз кемелері, әсіресе әскери, қарқынды дамыды. Олардың кейбіреулерінде мыңдаған ескіш құлдар болды.

Транспорт құралдар өндірісінің бөлігі деп аталса да, құралдық құндылығы жоқ. Үш міндетті элементі бар транспортқа: еңбек құралы (транспорт құралы), еңбек заты (тасымалдау объектілері: жүк, жолаушы) және мақсатқа сәйкес адамдар қызметі. Яғни транспорт өндірістік құралдар, техника өнімі, технология, басқаруды ұйымдастыру саласының тізіміне жатады. Транспорт материалдық өндірістен қарағанда қиынырақ сала.

2. Материалдық өндіріс үрдісі адам өз қажеттіліктері үшін еңбек құралдарын материалды өзгертуден құралады. Сондықтан да, кез келген өнімді өндіру үшін 80—90% дейін шығындар шикізат пен жартылай фабрикаттарға жұмсалатын шығындар болып табылады.

Көлік өнімінің құнына құны енбейтін тасымалданатын жүктер көліктегі еңбек құралдары болып табылады. Сондықтан көлік өнімін өндіруге кеткен шығындар құрылымында шикізат шығындары болмайды. Жалпы көлік шығындарында жалақы және амортизация шығындары маңызды роль атқарады.

Көлік – Қазақстан экономикасының маңызды құрамдас бөлігі. Көлік мәні жалпы еңбектің территориялық бөлінуіндегі рөлімен анықталады. Өнеркәсіптің орналасуына көліктік фактор әсер етеді. Бұны ескермесе, өндіріс күштерінің тиімді орналасуына кедергі келеді.

Көлік өндірістің бір жерде шоғырлануына әсер етеді. Өндірістің бір жерде шоғырлануында өнеркәсіптердің оңтайлы мөлшерлерін анықтау қажет. Бұған еңбек шығындарының деңгейі мен өнімнің өзіндік құны тәуелді. Өнеркәсіп қуатының өсуі оның төмендеуімен қатар жүреді. Өндірістің бір жерде шоғырлануының шектерін қойғанда өнімді тасымалдау мен өндіріс шығындарын анықтайды.

Өндірісті орналастырғанда бастапқы материалдар массасы, көлік жолдарының қамтамасыздығы, өткізу қабілеті және тасымалдау қажеттігі ескеріледі. Осыған байланысты өнеркәсіптердің қалай орналасу керектігі анықталады.

Көлік өнім өндірмей, тек оның өндіруінде қатысады. Көлік өнімі тасымалдау болып табылады. Осы тасымал арқасында көлік шығындары пайда болады. Көлік шығындары өнімнің өзіндік құнына кіреді.

Өзін тексеруге арналған сұрақтар

Антикалық және ежелгі замандағы хабарлама тәсілдері

Халық шаруашылығының саласы түсінігі
Ұсынылатын әдебиет:

Гудков В.А. Пассажирские автомобильные перевозки. М: «Горячая линия-Телеком», 2006
Журнал «Транспорт и дороги Казахстана», апрель 2001.

3 дәріс. «Мемлекеттің негізгі даму этаптарындағы транспортың рөлі»

Сабақ мақсаты: Транспортты өндіріс саласы ретінде, халық шаруашылық саласы ретінде ерекшеліктеріне түсініктеме беру.

Дәріс жоспары:

Алғашқы қоғамдық құрылыс кезіндегі транспорттың дамуы
Құл иеленушілік құрылыс кезіндегі транспорттың дамуы
Феодализмдегі транспорттың дамуы
Капитализмдегі транспорттың дамуы

1. Адамзат қоғамының тарихы транспорттың даму тарихынан ажыратылмайды. Адамның физикалық тұрғыда бар болуына транспорттың маңызы өте зор деп айтуға болады. Еңбек құралдарын және заттарын, тіпті адамның өзінің орын ауыстыруынсыз ешқандай қолданылатын өнім өндірісі, ешқандай басқа мақсатқа сәйкес қызметтер орындалуы мүмкін емес. Алғашқы қоғамдық құрылыста адамдар транспорттық қажеттіліктерді қанағаттандыру үшін қарапайым құралдарды қолданған. Еңбек қаруы, жануарлар және астық заттарын, тұрғын үй және киім тігу үшін пайдаланатын материалдарды, алғашқы оқ-дәрілер үшін жанармайды адамдар өздері немесе киізбен тасымалдады. Жануарларды үйрету және асырауға байланысты, оларды тасымалдау құралы ретінде кеңінен қолдануға мүмкіндік берді.

2. Құл иеленушілік құрылыс шараларында алғашқы рет транспорт құралдарының жетілуі және дамуында әлеуметтік - экономикалық стимулдар пайда болды. Өнімді шабықтау, содан кейін плужды егіншілік және металдарды өңдеуден жоғары дәрежелі құралдар дайындала бастады: қоғамдық өнімді бөлумен қатар өнімділікті өсіру қолданылды. Транспорттың дамуындағы ең қатты дем айырбастың пайда болу нәтижесінде болды.

Жеке меншіктің және адамдардың кластарға бөлінуінің нәтижесінде мемлекет дами бастады, оның шеңберінде транспортқа деген қажеттілік жоғарылады. Адамдарды шоғырландыру, қалалар салу, сауда және айырбастың дамуы, жаулап алу – ежелгі мемлекеттің тарихын зерттеу кезінде көз жеткізуге болады.

Теңіз флоты барлық ежелгі өркениет прогресі үшін маңызды ролді үлкен өзендік артерия алды. Адамзат қоғамының дамуындағы кезекті маңызды ролді құрлықтағы транспорт алды.

Транспорттардың пайда болу ерте кезеңдерге жатады. Ежелгі Қытайда, Парсы елде, Рим империясында әскери мақсаттарға жүруге арналған жолдардың көп мөлшері салыңғалы жайлы тарихи деректерден белгілі.

Айырбастын өсуімен теңіз көлігі де дамыды: алдымен ескек қайықтар, содан кейін желкенді қайықтар пайда болды. Тауарды құрғақ жолмен тасымалдау үшін құлдар тасушылар қолданылған, сонымен қатар екі және төрт дөнгелекті арбалар пайдаланылған.

Транспорттық құрамдар, басқа да өндірістік құрамдар құл иеленушіліктің қол астында болды. Айырбас сферасында транспорт саудамен айналысып кетті.

Венеция, Генуя қалаларында, Ганза қалаларынын одағында сауданын дамуы теңіз транспортының дамуына әкеліп соқты. Ашық теңізде жүзуге мүмкіндік берген компастың ойлап табылуымен теңіз көлігінің техникасы біртендеп жақсарып отырды. XV- ғасырдың аяғында теңіз көлігі ашық мұхитқа шығады. Ұлы географиялық ашылулар дәуірі басталды. Сауданын , айырбасынын өсуіне капитандың жиналуына және қоғамдық жұмыстын бөлінуінің тереңденуіне байланысты транспорттын өзіндік өндірістік салаға бөлінуіне оң жағдайлар жасалынды.

XV-XVII-ғ.ғ. көптеген кеме иелері тасымалдауға ғана маманданады. XVI-XVII-ғ.ғ. ақ теңізде жіне Солтүстік мұзды мұхитта- солтүстік теңіз кеме жолы, сонымен қатар Еділ өзенінде және Каспий теңізінде сауда кеме жолы дамыды. Көптеген елдерде пошта және құрғақ жолдармен жолаушы тасымалдау пайда бола бастады. Францияда, Германияда, Англияда кейінрек XVII- ғасырда жақсарған жолдар салынды.

Ортақ қолданыстағы транспорттың пайда болуы, яғни транспорттын өндірістін ерекше саласына бөлінуі Батыс Еуропада өндірістің төңкеріс дәуірі кезінде болды.

Ірі капиталистік өндірістің дамуы көп мөлшердегі жүктің арзан тасымалдауын талап етті. Сондықтан Ұлыбританияда, Францияда және Германияда каналдар және атты арбамен жүріске келетін темір жолдар салына бастады.

XIX- ғасырдың І- жартысында механикалық транспорттын құалдарға көшу процесі басталды, булы темір жолдар, сондай-ақ булы кемелер пайда болды.

XIX- ғасырдын ортасына қарай ортақ қолданыстағы темір жолдардың салынуы АҚШ-та және Еуропаның барлық елдерінде етек алды, бұл процесті транспорттың басқа түрлерімен салыстырғандағы (үлкен салмақтылық, салыстырмалы арзандылық жоғары жылдамдық және жүкті жеткізу жиелігі) олардын негізгі басымдылығымен түсіндіруге болады. Мысалға, су көлігімен салыстырғандағы басылымдылық ХХ-шы ғасырдың басына қарай әлемнің темір жол жүйесі 1114 мың км. Кеме жүретін өзендердің және каналдардың ұзындығы 318 мың км, темір жолдағы жүк айналымы 753 милрд. км, өзен және теңіз транспортында 1545 мил. км. құраған болатын.

Мемлекеттер арасындағы сыртқы сауданың өсуі теңіз көлігінің тез дамуына үлкен әсерін тигізді.

Мемлекет, қала және аймақтар арасындағы маңызды байланыстар олардың дамуына байланыста табиғи керуен жолдары пайда болды. Кейінірек адамдар ауыр затарды тасымалдау үшін ірі жануарлармен қозғалатын сүйретпе түріндегі арбаларды қолдануға болатынын ойлап тапты.

Кейінірек ауыр заттарды қозғалтуда домалатпаларды қолдану жеңілдететіні байқалды. Осы кезде комплексті тасымалдауға бір қадам қалған болатын. Дөңгелек туралы адамзаттың ең ұлы ойы екенін мойындау керек, себебі, біріншіден, дөңгелекке ұқсас табиғатта еш нәрсе жоқ, екіншіден, дөңгелекті жеңіл арба адамзатқа мыңдаған жылдар бойы қызмет етіп келеді және қазіргі жер беті транспортының негізгі түрі болып қала береді.

Құрлықтағы транспортың дамуының келесі қадамы жасанды жолдар болды. Ежелгі және антикалық замандағы хабарламалар жолы, каналдар.

Транспорттың пайда болуы ежелгі уақытқа қатысты. Транспорттың даму тарихы антикалық және ежелгі заманда, алғашқы шаруашылық және қоғамдық еңбекті бөлісу жаңа туындаған кезде транспорттың қажеттілігі маңызды болған жоқ. Алғашқы хабарлама құралдары қарапайым болды. Оларға тапталған жол, вьюки, аса ауыр жүктер үшін сүйретпелер, жоңылған ағаш бөренелері немесе плоттар, кейінірек челноктарды жатқызуға болады. Одан ертерек уақытқа қайықшалардың пайда болуы жатады. Құлдардың еңбегін эксплуатациялауда құл иеленушілер шаруашылығы кезінде транспорт өзінің дамуында алға қадам жасайды. Құл иеленуші мемлекеттер басқа елдерді басып алу , құлдарды тұтқынға алу үшін өзінің сарбаздарын апарды. Әскери талаптар және қажеттіліктер Қытайда, Парсы елінде, Рим Империясында әскери мақсаттар үшін салынған үлкен жолдар транспорттың дамуын қажет етті.

Мыңдаған километрді алып жатқан римдік әскери жол желісі және олардың қалдықтары қазіргі күнге дейін сақталған. Құл, нан, мата айырбастау және сату дамыды. Сауда маңызды роль атқаратын Финикия, Карфаген және т.б. сияқты мемлекет-қалалардың пайда болды. Ескекті, содан кейін желкенді кеме қатынастарының пайда болды. Антикалық замандағы Греция, Рим, Египет сияқты мемлекеттерде теңіз кемелері, әсіресе әскери, үлкен өлшемге жетті, кейбір жағдайларды олардың мыңдаған құл ескекшілері болды.

Дегенменде саудагерлер желкенді және желкенді-ескіш кемелерді таңдады, өйткені олардың көлемі кішкентай, көп ескіштерді қажет етпеді және жүкті орналастыру үшін көбірек орындары болды. Құрлық жола арқылы тауарды транспорттау үшін тасымалдаушы құлдар қызмет етті, теңдеп артылған жүк немесе 2-4 дөңгелекті арбалар қолданылды. Құл иеленушілік шаруашылықта транспорт әлі шаруашылықтың жеке саласы ретінде бөлінген жоқ болатын. Басқа да өндіріс құралдары сияқты транспорт та құл иеленушілердің меншігіне жатты. Айырбас ортасында транспорт саудамен бірге болды. Саудагерлер бір уақытта транспорттық құралдың да иегері болды.

3. Құл иеленуші құрылысының орнына келген феодализм, материалдық өндірістің дамуы және артынан транспорт үшін жаңа шарттар жасады. Өндіріс күшімен бірге қоғамдық еңбекті бөлісу күшейді және белгіленген этапта үкімет және әкімшілік қамал - қала орнына кәсіптік және сауда орталық қалалары өсе бастады.

Шикізат және минералдар қазылымының кеңеюі , техниканың жақсаруы, өнім кәсібінің көлемі және түрінің ұлғаюы, ауыл шаруашылығының ары қарай дамуы, әсірісе сауда өндірісінің пайда болуы өндірістік қажеттілік және ішкі сауда , сыртқы сауда транспорттың маңызын өсірді. Осымен байланысты, көптеген елдерде тасымалдау көлемі өсе түсті. Бар желіде теңіз және өзендік коммуникацияны кеңейту бойынша, жасанды хабарлама жолдары сияқты жұмыстар жүргізілді.

Наряд шарттарымен феодализмде транспорттың дамуын ынталандыруда бұл процеске кедергі дәлелдер шықты, және олардың ішінде ең бастысы – жерге федералды меншік болды.

4. Капиталистік қатынастардың пайда болуында Европада сауда жолдарын және жаңа елдерді, ұлы географиялық жаңалықтар ашылумен байланысты.

XVIII ғ. екінші жартысында көптеген елдерде «өндірістік революция» деп аталатын жаулап алған техникалық төңкеріс өндірістің және сауданың өсу қарқынына үлкен әсер етті, әсіресе машинаның көмегімен машинаның өзін өндіру де. Өндіріспен бір уақытта жаңа техника негізінде транспортта дами бастады. Бұл негізге транспорттық өздігінен қозғалатын кез-келген қуат бірлігін құруға мүмкіндік беретін, ауа-райы шарттарынан тәуелсіз бу машинасы жатады. Осылайша параходтар, паровоздар, булық құрлықтық экипаждар, кейінірек бу ұшақтары пайда болды.

Өткен тарихтың барлық кезеңдерінде транспорттық құралдар(кемелер, арбалар, жануарлар және т.б.) тасымалды жүзеге асыратын жүк иелеріне тиесілі болды. Капитализм кезінде кәсіпорындар іріленумен қатар техника және өндіріс технологиялары күрделенді, өнім көлемі ұлғайды, кәсіпорын иесіне бағалы транспорттық шаруашылықты ұстау қиынға түсті. Осыған байланысты транспорт жүк және жолаушыларды белгілі бір бағаға кез-келген клиентті тасымалды жүзеге асыратын жеке сала болып бөлініп шықты. Қазіргі кезде елдерде барлық транспорт түрлері жеке тұлға немесе мемлекет меншігіне айналды. Транспорттың эксплуатациясының міндетті шарттары: транспорттық қауіпсіздікті қамтамасыз ету, жолаушылар жағдайын жақсарту, жүк қауіпсіздігінің кепілдігі, транспорттық процесстің қол еңбек шығындарын азайту.

Өзін тексеруге арналған сұрақтар:

Адамзат қоғамы дамуының жеке кезеңдеріндегі транспорттың даму тарихы, адамзат дамуындағы транспорттың рөлі.

Ұсынылатын әдбиет:

1. Вавилов С.И. - гл. ред., "Большая Советская Энциклопедия",

Государственное научное издание "Большая Советская Энциклопедия", 2-е

издание, т. 1,13,19,40,43,48

4 дәріс. «Автокөліктік транспорттың пайда болуы және дамуы»

Сабақ мақсаты: автокөліктік транспорттың даму кезеңдерін қарастыру.

Дәріс жоспары:

Даму кезеңдері.

Автокөліктік транспортымен жолаушылар тасымалының даму тарихы бу кареталары (2 сурет) мен 10-нан 12 км/сағ жылдамдықтағы омнибустардың үлгілері жасала бастаған кезде, 19 ғасырда басталды. 1801 жылы іштен жану дивгателі пайда болғаннан кейін көптеген мүмкіндіктер жасалды – газ немесе сұйық жанар маймен жұмыс істейтін двигатель ойластыруға, 1885-1886 ж.ж. Германияда Карл Фридрих Бенц қазіргі автокөліктердің бастамасы болып саналатын үш дөңгелекті автокөлікке бензинді двигатель орнатты (3 сурет).

Дүние жүзіндегі ең бірінші автобусты 1801 жылы Ричард Тревитик жасаған, ал 24 желтоқсанда Кэмборн, Корноуллда (Англия) демонстрациясы өтті. Бұл 8 жолаушы тасымалдай алатын бу двигателі бар машина болды. 1894—1895 жылдары Германиядағы «Бенц» заводында әлемдегі алғашқы бензинмен жұмыс істейтін іштен жану двигателі бар автобус құрастырылды. Зиген, Нетфен және Дойц неміс қалаларының арасындағы 15-километрлік трассамен жүрген және 8 жолаушыны сыйғызған. 1903 жылы Санкт-Петербургтегі «Фрезе» фабрикасында Ресейдегі бірінші іштен жану двигателі бар автобус құрастырылды. 10 адам сыятын ашық кузовы болды. Автобус жылдамдығын 15 км/сағ-қа дейін жеткізе алатын.

Әлемдегі алғаш іштен жану двигателі бар қалалық автобус бағытқа 12 сәуір 1903 жылы Лондонда шықты (4 сурет).

2 сурет. Бу каретасы

жүктеу 9,52 Mb.

Достарыңызбен бөлісу:

1 2 3 4 5 6 7 8 9 ... 16