Пәнінің оқу-әдістемелік кешені

RAD құралдарымен құрылған қосымша логикасы оқиғалы – бағытталған болып табылады. Бұл дегеніміз, қосымша құрамына кіретін әрбір объект оқиғаны генерациялап, басқа объектілермен генерацияланған оқиғаға реакция бере алады деген сөз. Оқиға мысалы ретінде терезенің жабылуы мен ашылуын, батырмадағы шертпе, пернетақтаның пернесін басу, тышқанның қимылдауы, деректер базасындағы деректерді өзгерту және т.б

Құрастырушы қосымша логикасын әрбір оқиғаның өңдеушісін анықтау негізінде іске асырады — сәйкес оқиға туындағанда объект орындайтын процедуралар.Мысалы, «батырмадағы шертпе» өңдеушісі диалогтық терезені ашуы мүмкін. Осылайша, объектіні басқару оқиға көмегімен іске асады.

Деректер базасын басқарумен байланысқан оқиғаны өңдеуші (DELETE, INSERT, UPDATE), клиенттік немесе серверлік түйінде триггерлер ретінде іске асуы мүмкін Мұндай өңдеушілер өшіру, қою және жаңарту, сонымен қатар алғашқы кілттердің автоматты түрде генерациялану операциясын орындау кезінде деректер базасының сілтеме бүтіндігін қамтамасыз етеді.