Пән мұғалімдерінің әдістемелік күні туралы ереже Жалпы ережелер

– Мектептің педагогикалық қызметкерлеріне ұжымдық шарттың негізінде әдістемелік күн беріледі.

– Ол мектептің оқу режімін бұзбайтын, оқушыларға артық жүктеме келтірмейтін оқу жүктемесінің көлемі жағдайында белгіленеді.

– Әдістемелік күн берудің мақсаты мұғалімнің әдістемелік дайындығын жетілдіру, педагогикалық шеберлігін арттыру үшін қажетті жағдайларды жасау болып табылады.

– Әдістемелік күн қосымша демалыс күні болып табылмайды.
2. Әдістемелік күннің режимі

– Білім беру мен тәрбие мәселелері жөніндегі нормативтік құжаттарды зерделеу;

– Тақырыптық жоспарлау бойынша жұмыс;

– Нақты педагогикалық технологияларды зерделеу;

– Алдыңғы қатарлы педагогикалық тәжірибені зерттеу;

– Жаңа ғылыми-педагогикалық әдебиетпен танысу;

– Өз пәні бойынша әдістемелік материалдар әзірлеу;

– Кітапханаларға, мамандардың лекцияларына қатысу, әдістемелік кабинетте жұмыс істеу.

– Мектепте алдын ала жоспарланған шаралардың жұмысына қатысу

Қажет болса ауырып қалған мұғалімдерді алмастыру;

– Өз сыныбымен бірге мектеп кезекшілігіеде болу.

Әдістемелік күн режімінің сақталуына бақылау жасауды директордың оқу-тәрбие жұмысы жөніндегі орынбасары жүзеге асырады:

– мұғалімнің өздігінен білім алу бойынша жұмысын бақылайды;

– мұғалімдерге өздігінен білім алу тақырыптары бойынша жеке ұсынымдар береді;

– әдістемелік апталар, теориялық және іс-тәжірибелік семинарлар ұйымдастырып, өткізеді;

– өздігінен білім алудың жеке бағдарламаларын жасауға көмек беруді жүзеге асырады;