«Астана медицина университеті» АҚ
Менеджменттің интеграцияланған жүйесі
АМУ-17
57 беттің
42 беті
Анықтамалық-жол көрсеткіш
«Астана медицина университеті» АҚ 2017-2018 оқу жылы
3.7.2.11 Қайта оқу курсына қалдырылған білім грантының иегері грантынан
айырылады және бұдан әрі ақылы түрде оқиды.
3.7.2.12 Білім грантымен оқып жатқан студент басқа ЖОО-ға ауыса алады, бұл
жағдайда оның гранты сақталады.
3.7.2.13 Білім алушының бір ЖОО-дан екінші ЖОО-ға ауысу процедурасы төмендегі
тәртіп бойынша жүзеге асады:
- басқа ЖОО-ға ауысқысы келетін білім алушы өзі білім алып жатқан ЖОО
ректорының атына ауысу туралы өтініш жазып, жазбаша түрде жазылған және мөр басылған
басқа ЖОО-ға ауысу келісімін алып, өзіне керекті ЖОО ректорына барады;
- қабылдаушы ЖОО ректорының атына ауысу туралы жазған өтінішіне қосымша
ретінде көшірмесі беріледі: -оқу бөлімі (оқу-әдістемелік бөлім немесе басқарма) бастығының
қолымен куәландырылған және мөр басылған факультет деканының (институт
директорының) қолы қойылған оқу карточкасы немесе офис-тіркеушінің қолы қойылған
транскрипт; -ұлттық бірыңғай тестілеуді (ҰБТ) немесе кешенді тестілеуді тапсырғаны
жөніндегі сертификат; – білім беру грантының иегері куәлігі (егер білім беру грантының
иегері болса); – білім алушының білім алған ЖОО ректорының атына жазған өтініші;
3) оқу процесін жоспарлау бөлімінің бастығы өткізілген құжаттар негізінде оқу-жұмыс
жоспарында міндетті компонент ретінде берілген пәндер мен курс бойынша айырмашылықтарды
анықтайды, білім беру бағдарламасына сәйкес меңгерілген кредиттерді қайта тапсыруды жүзеге
асырады және тіркеу бөлімімен келісіп жеке оқу жоспарын бекітеді;
4) факультет деканының (институт директорының), оқу бөлімі (оқу-әдістемелік бөлім немесе
басқарма) бастығының, ЖОО жетекшісінің білім беру қызметі жөніндегі орынбасарының
визаларына сәйкес ЖОО жетекшісі бір ЖОО-дан екінші ЖОО-ға ауыстыру туралы бұйрық
шығарады.
3.7.2.15 Білім алушы ауысатын ЖОО басшысы бұйрық шыққан күннен бастап үш күн
ішінде студент оқыған ЖОО-ға оның жеке ісін жіберу туралы жазбаша сауал жолдайды.
3.7.2.16 Студент оқыған ЖОО басшысы бұл сауалды алғаннан кейін білім алушыны
оқудан шығару туралы бұйрық шығарады («(ЖОО аты) ауысуына байланысты шығарылды»
деп жазылған) және бұйрық шыққан күннен бастап үш күн ішінде қабылдайтын ЖОО-ға
студенттің жеке ісін жібереді.
3.7.2.17 Студент оқыған ЖОО-да транскрипт көшірмесі, сынақ кітапшасы, студент
билеті және жіберілген құжаттар тізімі қалады.
3.7.2.18 Студент білім гранты негізінде бір ЖОО-дан екінші ЖОО-ға ауысса, білім
алушыны қабылдайтын ЖОО басшысы білім беру саласының өкілетті органына және тиісті
бюджеттік бағдарламаның әкімшісіне білім алушыны қабылдау туралы бұйрықтың
көшірмесін жібереді. Онымен қоса оның атына жазылған білім гранты куәлігінің көшірмесін
жолдайды. Бұл ЖОО-ларды қаржыландыру көлемін түзету үшін қажет.
3.7.2.19 Білім алушыны бір мамандықтан екінші мамандыққа немесе білім алу
формасының бір түрінен екінші түріне ауыстыру тек ақылы түрде ғана жүзеге асады.
3.7.2.20 Оқу жоспарындағы пәндер бойынша академиялық айырмашылықтарды жою
тәртібі мен мерзімі факультет деканының (институт директоры) бұйрығымен бекітіледі және
білім алушының ағымдағы жылдың жеке оқу жоспарына енгізіледі.
3.7.2.21 Егер ақылы негізде білім алушылар семестр кезінде алып жатқан біліміне ақы
төлемегені үшін оқудан шығарылса, онда ол оқу ақысын төлеп, оқудан шығарылғаннан кейін
төрт апта ішінде оқуын қайтадан жалғастыра алады.
3.7.2.22 Білім алушылар қатарына қайта қосылу және оқу-жұмыс жоспарында міндетті
компонент ретінде берілген пәндер бойынша айырмашылықтарды тапсыру тек ақылы түрде
ғана жүзеге асады.
«Астана медицина университеті» АҚ
Менеджменттің интеграцияланған жүйесі
АМУ-17
57 беттің
43 беті
Анықтамалық-жол көрсеткіш
«Астана медицина университеті» АҚ 2017-2018 оқу жылы
3.7.2.23 Оқуға қайта қабылдау процедурасы төмендегі тәртіп бойынша жүргізіледі:
1) білім алушы оқуға қайта қабылдау туралы өтінішті ректордың атына жазып, өзінің
оқуды жалғастырғысы келетінін білдіреді. Білім алушының оқуға қайта қабылдау туралы
өтінішіне анықтама (түпнұсқа) қоса беріледі;
2) факультет деканы (институт директоры) берілген анықтама негізінде оқу-жұмыс
жоспарында міндетті компонент ретінде берілген пәндер мен курс бойынша айырмашылықтарды
анықтайды;
3) факультет деканының (институт директорының), оқу бөлімі (оқу-әдістемелік бөлім немесе
басқарма) бастығының, ЖОО жетекшісінің Білім беру қызметі жөніндегі орынбасарының
визаларына сәйкес ЖОО жетекшісі білім алушының оқуға қайта қабылдау туралы бұйрық шығарады.
3.8 Студенттерді ынталандыру (гранттар, стипендиялар)
3.8.1. Жоғары білім алу процесінде босаған бос білім беру гранттарын беру тәртібі
3.8.1.1 Жоғары білім алу процесінде босаған бос білім гранттарын беру сол мамандық
аясында ақылы түрде оқып жатқан студенттер арасында конкурс өткізу арқылы беріледі.
Конкурс аралық аттестаттау нәтижесі бойынша жүргізіледі де, білім грантын тағайындау
туралы куәлік табысталады.
Конкурс өткізу кезінде үлгерімнің орташа балы бірдей болып қалған жағдайда, грант
барлық оқу кезеңінде тек қана А, А- («өте жақсы»), содан соң А, А- («өте жақсы») деген
бағадан В+, В, В- («жақсы») балға дейін алған студентке беріледі.
3.8.1.2 Жоғары білім алу барысында босаған бос білім беру гранттарын беру жазғы
және қысқы демалыс кезінде, орын босаған мамандықтарға келесі тәртіп бойынша конкурс
өткізу арқылы жүзеге асады:
1) ақылы түрде оқып жатқан білім алушы бұдан әрі білім грантымен оқу жөнінде ЖОО
басшысының атына өтініш жазады;
2) конкурс шеңберінде өтінішті қараған ЖОО ғылыми кеңес шешімімен қоса ағымдағы
жылдың 5 тамызына дейін немесе 15 қаңтарына дейін шешім қабылдану үшін білім беру
саласының уәкілетті органына жібереді. Ғылыми кеңес шешімімен бірге білім алушының
өтінішімен қоса оның сынақ кітапшасы немесе транскрипт, жеке куәлік көшірмесі, оқудан
шығарылған білім беру гранты иегерінің куәлігі (түпнұсқа) беріледі;
3) білім беру саласының уәкілетті органы келген құжаттарды мамандықтар, оқудың
мерзімі мен түрлері аясында, студенттің оқуға түскен жылын ескере отырып қарастырады,
оң шешім қабылдаған жағдайда білім грантын беру туралы бұйрық шығарады;
4) білім беру саласының уәкілетті органы бұйрығының негізінде білім беру грантын
беру туралы куәлік әзірленеді;
5) білім беру грантын беру туралы куәлік негізінде ЖОО басшысы бұдан әрі білім беру
гранты бойынша оқу туралы бұйрық шығарады.
3.8.2 Қазақстан Республикасының Президенті белгілеген стипендияларды
тағайындау ережесі
3.8.2.1 Қазақстан Республикасының Президенті белгілеген стипендияларды тағайындау
ережесі (бұдан әрі – Ереже) Қазақстан Республикасы Президентінің 1993 жылғы 5
наурыздағы №1134 «Қазақстан Республикасы Президентінің стипендияларын белгілеу
туралы» Қаулысына (2010 жылғы 02 тамызда өзгерістер және толықтырулар енгізілген)
сәйкес әзірленді және ол жоғары оқу орын (ведомстволық бағыныстылығы мен жекеменшік
формасына қарамастан) студенттеріне Қазақстан Республикасының Президенті белгілеген
стипендияларды (бұдан әрі – стипендия) тағайындау тәртібін белгілейді.
