676
өздігінен дамуын, саналы түрде тындай білуін қалыптастыруды, күш-жігерін жаттықтыруды,
жоғары жауапкершілік сезімге, еңбекке және өзін-өзі жетілдіруге баулуды, зердесін дамытуды
көздейді.
Елбасы Н.Ә.Назарбаев “Қазақстан 2050: стратегиясы қалыптасқан мемлекеттің жаңа
саяси бағыты” атты Жолдауында мектепке дейінгі білім беру жүйесіне 3 нақты тапсырма
берген болатын, олар:
Мектеп жасына дейінгі тәрбие мен білім беруге оқытудың қазіргі заманғы әдістемелерін
енгізу;
Балаларды мектепке дейінгі білім беру мен қамту мәселелеріне қатысты жүйелі
ұсыныстарды егжей-тегжейлі әзірлеу;
Мектеп жасына дейінгі білім беру деңгейінде үш тілді оқытуды жаппай енгізуді
қамтамасыз ету;
Білім беруді жетілдіру үшін педагог қызметіне де өзгертулер енгізіледі.
Сонымен қатар білім берудің қазіргі жаңа формация педагогінің кәсіби біліктілігін
дамыту моделі мына бағытта болуы керек:
Мектепке дейінгі білім берудің жаңа парадигмасына көшу жағдайында педагог
кадрлардың кәсіби біліктілігін арттыру, саралау. Кәсіби біліктілігі жоғары жаңа формация
тәрбиешісінің құзіреттілігін қалыптастыру. Тәрбиеленушінің даралық потенциалын есепке
ала отырып, сапаға қол жеткізу.
Мектепке дейінгі білім беру саласындағы нормативті құжаттарды басшылыққа алу; ол:
- кәсіби қажеттілігін анықтау мақсатында сауалнамалар алу;
- ғылымның теориялық, әдіснамалық негіздерін, педагогика мен психология
жетістіктерін тиімді әдістер арқылы меңгерту;
- оқыту технологияларын, қазіргі ақпараттық-коммуникативті технологияларды,
интернет ресурстарын тиімді пайдалану
- педагог кадрлардың қол жеткізген жетістіктері мен мүмкіндіктеріне жаңаша көзқарас
қалыптастыруына жағдай жасау;
- рейтинг жасау;
Оқыту технологияларын жүзеге асыру жолдары мына бағытта жүзеге асырылуы қажет:
1. Авторлық технологиялар бойынша міндетті білім сатысынан өту.
2. Оқыту мен тәрбие үрдісіне енгізу
3. Жыл сайын жұмыс нәтижесін шығарып, мониторинг жасау
4. Қалалық, облыстық семинарларда талқылап, педагогикалық оқу, конференциялар
арқылы тәжірибе алмасу
5. Оқыту технологияларының түрлері бойынша шығармашылық орта қалыптастыру
Инновациялық бағытты жүзеге асыру барысында жаңа талғамға сай ақпараттық-
коммуникативтік технологияларды оқыту-тәрбиелеу процессіне енгізу:
1. Интернет ресурстары
2. Мультимедия
3. Интерактивті тақта мүмкіндіктері
Сонымен қатар мектепке дейінгі ұйымдарда заманауи технологиялардың негізінде
тиімді жаңашыл әдіс-тәсілдерді кең көлемде қолдану арқылы білім сапасы артады.
Тәрбиешінің үздіксіз ізденісі, шығармашылығы қалыптасады.
Озат тәжірибе жинақталады.
Тәрбиешінің кәсіптік деңгейін сараптау арқылы кәсіби құзіреттілігі артады
Тәрбиешінің ізденісі арқылы тәрбиеленушінің тұлғалық компоненті ерекшеленеді.
Педагогикалық ұжымда жаңашыл, кәсіби біліктілігі жоғары топ қалыптасу арқылы
сыртқы ортамен байланыс нығаяды.
Күтілетін нәтиже: Қазақстан Республикасының әлеуметтік және саяси өміріне белсене
қатысуға дайын, мектепке дейінгі ұйымдарда оқу – тәрбие әрекетін тиімді ұйымдастыра
алатын,бәсекеге қабілетті, кәсіби потенциалы жоғары, құзіретті маман қалыптасады.
677
Қорытындылай келе қазіргі заманғы қазақстандық білім беру үлгісіне көшу және әлемдік
білім кеңістігіне ену жағдайында кәсіби білікті, құзыретті педагог қана өз жұмысын жаңадан
құрып, жоғары нәтижелерге қол жеткізе алады.
Қолданылған әдебиеттер:
1. Мектепке дейінгі ұйым басшысының анықтамалығы: 2013ж № 11
2. Мектепке дейінгі ұйым басшысының анықтамалығы: 2014ж № 11
3. Мектепке дейінгі ұйым басшысының анықтамалығы: 2014ж № 12
4. Мектепке дейінгі ұйым басшысының анықтамалығы: 2012ж № 1
5. 2011-2020 жылға дейінгі білім беруді дамытудың мемлекеттік бағдарламасы. Астана 2010ж
6. Мектепке дейінгі тәрбие № 5 2013
7. Мектепке дейінгі тәрбие № 6 2013
СӘБИЛЕР ТОБЫНДАҒЫ БАЛАЛАРДЫҢ СЕНСОРЛЫҚ ТӘРБИЕСІН
ДАМЫТУ
Хасенова Д.М.
тәрбиеші
Қарағанды қ. ҚМҚК «Балақай» балабақшасы
Бала тәрбиесі барлық уақытта қоғамдағы ең өзекті мәселелердің бірі болып келеді.
Себебі, мемлекеттің болашағы білімді, тәрбиелі, жан-жақты дамыған жастардың қолында. Ал
жастардың тұлға ретінде қалыптасуына ықпал ететін бірден-бір бастапқы орта – балабақша
болып табылады. Балабақша баланың үйлесімді дамуын қамтамасыз етеді. Бала тәрбиесіндегі
басты бағыттардың бірі ретінде сенсорлық тәрбиені қарастыруға болады.
Сенсорлық тәрбиенің мәнін мектепке дейінгі педагогиканың аса көрнекті өкілдері:
Ф.Фребель, М.Монтессори, О.Декроли, Е.Н.Тихеева, Л.А.Венгер, т.б.
Сенсорлық тәрбие дегеніміз – заттардың қасиеттерін ажырата алу қабілетінің
қалыптасуы және оны қабылдауының дамуы. Яғни заттардың формасы, түсі, көлемі,
кеңістікте орналасуы, сонымен қатар, иісі мен дәмі және т.б. туралы түсініктердің қалыптасуы
жатады. Мектепке дейінгі кезеңде баланың сенсорлық дамуы қарқынды келеді. Бұл кезеңде
баланың заттар мен құбылыстардың сыртқы қасиеттері мен байланыстарын, кеңістік пен
уақытты бағдарлауы жетіледі. Заттармен іс-әрекетте, бала, барған сайын оның түсін, түрін,
шамасын, салмағын, температурасын, беткі қасиеттерін және т.б. дәл бағалай бастайды.
Әуенді қабылдауында бала оның әуенін қадағалауды, дыбыстардың қатынасын
жоғарылығына қарай бөлуді, ырғақтылықтың түрлерін аңғаруды үйренеді. Сөзді
қабылдауында ұқсас дыбыстардың айтылуындағы аса нәзік айырмашылықтарын ажырата
алады. Мектеп жасына дейінгі баланың сенсорлық дамуының бір-бірімен байланысты екі
жағы бар. Біріншісі, заттар мен құбылыстардың әр түрлі қасиеттер мен мен байланыстары
жөніндегі түсініктерді меңгеру. Екіншісі, қоршаған ортаның толықтай және жекелей
қабылдауға мүмкіндік беретін қабылдаудың жаңа әрекетін игеру.
Сенсорлық даму баланың ақыл-ой дамуының негізі. Сәбилер тобының балалары
кубиктерді орналастыру, мозаика құрастыру және т.б. сияқты қарапайым нәтижелі әрекеттерді
орындай алады. Егер де аталған әрекеттер ересектердің көмегімен орындалса – баланың
меңгеруі толыққанды әрі мақсатты болады. Түс, форма, көлем – заттардың тұрақты белгілері
екенін түсінуге көмектесу – кіші топпен жұмыстың негізгі мақсаты болып табылады. Сонымен
қатар, ережесі бар ойындар, әр түрлі жаттығулардың көмегімен балаларды заттардың
