Отчет по внешнему аудиту IQAA
16
Оқу орны білім алушылардың, қызметкерлердің және мүдделі
тараптардың қатысуымен жинақталған, талданған ақпараттар негізінде үнемі
бағдарламаларды қайта қарап, бағалайды.
Кафедра студенттердің оқу үлгерімін қадағалап отырады және ол
кафедра мәжілісінде талданады.
Білімалушылар пәндерді талдауға белсене қатысады. Олардың берген
бағалау нәтижесі: пән мазмұнына студенттердің қанағаттануы – ортадан
жоғары.
Теориялық білім бойынша өз пәндеріне 47% респонденттер
қанағаттанса, 30% жартылай қанағаттанған. Практикалық сабақтарды бағалау
30% - толық қанағаттанса, 38%, жартылай қанағаттанады. Білім беру
бағдарламасындағы таңдау пәндеріне 52% - қанағаттанады, 32% -
қанағаттанбайды. Білім беру бағдарламасының сапасын жақсарта түсу үшін
студенттер тек материалдық-техникалық жабдықталуын ғана емес (53%),
халықаралық студенттік ұйымдармен ынтымақтастық пен студенттердің
академиялық ұтқырлығын кеңейте түсудің қажеттігін ұсынады (39%).
Білімалушыларға білім беру ресурстары мен қызмет көрсету ісі жолға
қойылған. Университетте «Платонус» бағдарламасы арқылы электронды
ақпараттық-білім беру ортасы және электрондық білім беру ресурстарының
банкісі қалыптасқан. Ақпаратты қамтамасыз етудің тиімділігі артқан.
Ақпараттық портал университеттің білім беру қызметінің бағыттарын, оқу-
әдістемелік, ғылыми-зерттеу қызметін, оқу-әдістемелік материалдарды толық
қамтиды.
2017/2018 оқу жылында бакалавриат бойынша бітіруші түлектердің
80% пайызы, магистратура бойынша 86 % пайызы жұмысқа орналасқан.
5В011700 – «Қазақ тілі мен әдебиеті» мамандығының Білім беру
бағдарламасы білім бакалаврі, 6М011700 – «Қазақ тілі мен әдебиеті»
мамандығының Білім беру бағдарламасы педагогика ғылымдарының
магистрін даярлауды қамтамасыз етеді.
Жоғары оқу орнынан кейінгі және үздіксіз кәсіби білім беру
бағдарламаларын жүзеге асыруға Университетте барлық жағдай жасалған.
Жақсы тәжірибе:
Қашықтықтан оқыту түрінің енгізілуі, ондағы бағдарламалардың
күндізгі бөлімде оқитын студенттерге де, магистранттарға да пайдалы болуы,
тиімділігі жақсы тәжірибені көрсетеді.
Ескертулер:
1.
Силлабустарда
білімалушылар
пән
деңгейінде
қандай
құзыреттіліктерді игеру керегі дұрыс көрсетілмеген.
2. Пәнге арналған оқу-әдістемелік кешендерде жаңа бағыттар бойынша
соңғы бес жылда шыққан ғылыми еңбектер қамтылмаған.
Жақсарту аймағы:
Отчет по внешнему аудиту IQAA
17
1. 5В011700 және 6М011700-Қазақ тілі мен әдебиеті мамандығында
білім алып жатқан студенттер мен магистранттардың болашағы мектептегі
қазақ тілі мен әдебиеті пәнін оқытумен байланысты. 2017 жылдан бастап
мектептерге «Жаңартылған мазмұндағы білім бағдарламасы» енгізіле
бастады. 2020 жылы барлық сыныптар жаңартылған бағдарламамен оқитын
болғандықтан, болашақ мамандар да сол талапқа жауап бере алуы тиіс.
Осыған орай, университеттің ББ-ндағы пәндердің білім мазмұнын
«жаңартылған мазмұндағы білім бағдарламасының» сұранысына сай етіп
өзгертсе дұрыс болар еді;
2. Қазақ тілі бойынша коммуникативтік, семантикалық аспектідегі
зерттеулерге баса назар аударылып, функцоналдық сауаттылыққа қол
жеткізуге мүмкіндік беретін пәндер оқытылса, қазақ әдебиетінен жаңа
бағыттағы пәндер де оқытылса ББ-ның сапасы арта түсер еді.
Сәйкестік деңгейі – маңызды сәйкестіктер бар.
Стандарт 3. Студентке орталықтандырылған оқыту,
білім беру және бағалау
Дәлелдемелер және талдау:
Білімалушылардың кәсіби өсуіне, еркін сезініп, өзін-өзі бағалауына
мүмкіндік жасалған. Дәріс сабақтарында студенттер тек тыңдаушы емес, өз
ой-пікірін айтып, оны ғылыми тұжырымдармен дәйектеуді еркін меңгерген.
Білім беруде интерактивті әдістерге басар назар аударылып, слайдтар,
бейнематериалдар,
интерактивті
тақтамен
жұмыс
істеу
арқылы
білімалушылардың белсенділігіне орнталықтандырылған стратегиялар
қолданылады. Магистратура деңгейінде презентациялар, иллюстративті
материалдар, көмекші схемалар, кестелер және т.б. кеңінен пайдаланылады.
Студентке орталықтандырылған оқыту нәтижелерін бейне сабақтар, бейне-
презентациялар, жедел сауалнама, ассоциативті практикалық сабақ және т.б.
сияқты белсенді және интерактивті оқыту әдістерін қолданудан көруге
болады. Бұл білімалушылардың креативті ойлануына және бағалау үдерісінің
жүзеге асуына мол мүмкіндіктер береді.
Бакалавр деңгейінде тьюторлар кафедрамен, факультет деканатымен,
академиялық саясат және жоғары оқу орнынан кейінгі білім беру бөлімімен
өзара әрекеттестікте қызмет атқарады. АППО маманымен бірге білім
алушылардың негізгі білім беру бағдарламасының оқу пәндерін меңгеруіне
бақылау жасайды.
Магистратура деңгейінде тьютор академиялық үлгерім мен пәнге
қатысты ақпарат бере отырып, магистранттарға қойылатын талаптардың
бірлігін қамтамасыз етеді. Магистранттардың оқу және ғылыми-зерттеу
жұмысының деңгейі, әлеуметтік белсенділігі тьютордің көмегімен жүзеге
асырылады.
