Отчет по внешнему аудиту IQAA
18
Университеттің академиялық саясатына байланысты студенттің,
магистранттың жеке оқу жоспары (СЖОЖ, МЖОЖ) жасалып, әрбір
білімалушының жеке білім беру траекториясы анықталған. Өздік жұмыстар
элективті пәндер мамандықтың нақты мақсаттары мен бағытына негізделген
арнайы курстар бойынша беріледі. Типтік оқу жоспары, жұмыс оқу жоспары,
жеке оқу жоспары (ТОЖ, ЖОЖ) басшылыққа алынады.
Өздік жұмыстары 2 түрлі формада жүзеге асырылады: 1) студенттің,
магистранттың оқытушының жетекшілігімен өзіндік жұмысы (СОӨЖ,
МОӨЖ); 2) студенттің, магистранттың өзіндік жұмысы (СӨЖ, МӨЖ). Өздік
жұмыстарды орындау бойынша сағат саны жүйеленген. Кредит саны 2 болса,
1 сағат жоспарланған. 3 кредитке 2 сағат бөлінеді. СОӨЖ, МОӨЖ бойынша
сабақ кестесі жасалып, оны ОӘЖ жөніндегі проректор бекітеді. Жалпы оқу
жоспарындағы сағат санына кірмейді.
Бакалавриат деңгейіндегі өздік жұмыстар (СОӨЖ,СӨЖ) эссе,
реферат, әртүрлі кестелер, бақылау тапсырмалары т.б. түрінде орындалады.
Магистратура деңгейіндегі өздік жұмыстар ғылыми баяндама,
дискуссия, ғылыми есеп, тест құрастыру, арнайы зерттеу, ғылыми
әдебиеттермен жұмыс, бақылау жұмыстары т.б. түрінде жүзеге асады.
СӨЖ, МӨЖ материалдары коллоквиумдар, жазбаша және тест
тапсырмалары бойынша бағаланады. СОӨЖ, МОӨЖ және СӨЖ, МӨЖ
материалдары сессия аралығында орындалады және оны пән бойынша
емтихан тапсырғанға дейінгі аралық бақылау кезеңінде оқытушы бағалайды.
Білімалушыларға әлеуметтік қолдау көрсетуде оқу ақысына 10
пайыздан 50 пайызға дейін жеңілдіктер жасау, ЖОО-ның білім гранты
(ректор гранты) мен Т.Әубәкіров атындағы шәкіртақы беру, спортта және
шығармашылықта ерекше табысқа жеткен студенттерге ынталандыру
ақысын беру көзделген.
5В011700-«Қазақ тілі мен әдебиеті» мамандығының студенттері
Ұ.Түймебайқызы (2014-2015 оқу жылы), М.Булатова (2015-2016 оқу жылы)
Т.Әубәкіров атындағы шәкіртақыға ие болған. Көп балалы отбасынан
шыққан Досанова Айжан, Сандыбаева Мадина, Абусағит Аяулымға 15%,
жеңілдік жасалған.
Биылғы жылы 24. 09.2018 ж. №81 УП бұйрығымен білімалушыларға
арналған әлеуметтік қоржын бекітілген.
TAU-да ҚР Білім және ғылым министрінің 2011 жылғы 20 сәуірдегі
№152 бұйрығымен бекітілген «Оқу процесін оқытудың кредиттік
технологиясы
бойынша
ұйымдастыру
қағидаларына,
сондай-ақ
«Академиялық ұтқырлық туралы ережеге» сәйкес білім алушылардың
академиялық ұтқырлығы бағдарламасы іске асырылады.
Ғылыми тағылымдамалардан өту және академиялық ұтқырлық пәндері
бойынша кредиттерді қайта есептеу жұмыстары ішкі оқу-әдістемелік
құжаттама негізінде жүзеге асырылады. (ЖОО кейінгі білім берудің
оқушыларының тағылымдамасы туралы ереже, ECTS кредиттерін қайта
есепке жатқызу туралы ереже).
Отчет по внешнему аудиту IQAA
19
Студент өтінішінің қаралғаны, оқыту туралы транскрипт және қайта
есептелген кредиттер туралы шешім, кредиттерді есепке алу және жинақтау,
GPA үлгерімнің орташа балын есептеу СҚКО бөліміне беріледі.
Білімалушыларға академиялық ұтқырлық бағдарламасы бойынша
отандық, шетелдік оқу орындарында білім алуға мүмкіндіктер бар. Болгария,
Түркия, Ресей және т.б. университеттерімен тұрақты байланыс орнатылған.
5В011700 – «Қазақ тілі мен әдебиеті» мамандығы бойынша шетелдік оқу
орындарында тағылымдамадан өткен студент саны – 1. Сырлыбаева Оразгүл
26.09.2018ж - 18.12.2018ж аралығында Болгария елінің Верна қаласындағы
"Chernorizets
Hrabar"
(Varna
Free
University)
университетінде
тағылымдамадан өткен.
Академиялық ұтқырлық бойынша 28.01.2019 -07.06.2019 аралығында 5
студент Павлодар қаласының Инновациялық Еуразия университетінде білім
алуда.
TAU-да ағымдық және аралық бақылауды, қорытынды емтихандарды
ұйымдастыру және өткізу тәртібі «ЖОО-ның студенттерді аралық және
қорытынды аттестациялау бойынша тұрақты мониторингін жүргізу
ережесінде» толығымен реттелген. ағымдық, аралық және қорытынды
бақылау нысандарын және оның механизмдері кафедра және факультетте
қарастырылады.
Емтихан
билеттері,
тест
тапсырмалары
кафедра
мәжілістерінде кеңінен қарастырылады, оны кафедра меңгерушісі бекітеді
және пәндердің жұмыс оқу жоспарларының мазмұны толығымен қамтылады.
Белгілі пәндер бойынша білімді бағалаудың критерийлері мен әдістері
пәннің оқу жоспарында көрсетіледі, автоматтандырылған ақпараттық жүйе
арқылы білімалушыларға қолжетімді. Әр академиялық тәртіпті тексеру
нысаны мен тәртібі академиялық кезең басталғаннан кейін бір айдан
кешіктірілмей белгіленеді.
Бағалау әдістері жазбаша, ауызша және практикалық тест формасында
өтеді.
Академиялық
талаптарды
орындай
алмайтын
студенттерді
академиялық қолдау үшін оларға қосымша кеңестер беріліп, қосымша
сабақтар өткізіледі.
Білім алушылардың білімін бағалау және кәсіби құзыреттіліктің даму
деңгейінің объективтілігін қамтамасыз ету үшін келесі тетіктер
қолданылады:
1) жұмыстарды тексеру нәтижелерi бойынша шағымданудың тең
мүмкiндiгi (апелляция);
2) тест тапсырмалары негізінде студенттердің нәтижелерін салыстыру
мүмкіндігі туралы сараптау;
3) емтихан рәсімінің орындалуын қатаң бақылау (анықтамалық
материалдар, шпаргалка және техникалық жабдықтар түрінде тыйым
салынған материалдарды пайдалануға тыйым салу).
Студенттер мен магистранттардың білімін тест арқылы бағалауда осы
саланың білікті оқытушылары оқу жетістіктерін бағалауға қатысады.
