Орындаушы: Химия және химиялық технология факультетінің 1-курс студенті Қалмахан Альбина

Ньютонның екінші заңы денелерге түсетін күш әсерін сипаттайды. Күштен пайда болған үдеу дене массасына бөлінген күш мөлшеріне тең деп тұжырымдалады. Бұл масса көбейген сайын, күштен туған үдеу азая түсетіндігін білдіреді.Сонымен қоса, бұл заң импульс арқылы да сипатталады. Бұл тұрғыдан біз түсірілген күштің импульстің өзгеру жылдамдығына тең екенін көреміз. Күш артқан сайын, секундына өзгеретін импульс те арта түседі.Ньютонның екінші заңын басқа түрге келтіріп жазсақ,ол үшін кинематика бөліміндегі үдеудің a=dv/dt мәнін ескеретін болсақ: F=ma, F=m dv/dt немесе F=d/dt(mv).Ньютонның осы түрдегі жазылған формуласы динамиканың негізгі заңы және шын мәнінде қозғалыстың динамикалық ( F,m)және кинематиканың (a,v)сипатын көрсетеді.

Ньютонның үшінші заңы оның екінші заңын толықтыра түседі және денелердің қозғалыс күйлерін өзгеріске ұшырататын өзара әсер екендігін көрсетеді.Бұл заң былай тұжырымдалады:әсерлесуші екі дененің бір-біріне әсері әр уақытта сан жағынан тең,ал бағыттары жағынан қарама-қарсы болады,яғни:F1=-F2 Мұнда сөз болып отырған F1 және F2 күштері әр түрлі денеге әсер ететіндіктен,олар бір-бірінен теңгерілмейді.Сондықтан оларды қосуға болмайтынын атап көрсету қажет.Бірақ белгілі бір жүйені қарастырғанда денелердің арасындағы өзара әсерлесу күштерін қосуға болады әрі олардың қосындысы әрдайым нөлге тең.Бұл жүйеге қатысты ішкі күштер болады,олар жүйенің қозғалыс мөлшерін өзгерте алмайды.