Орындаушы: Химия және химиялық технология факультетінің 1-курс студенті Қалмахан Альбина

Әлем-шексіз және материалдық,яғни,кеңістіктің барлық нүктесінде кез келген уақытта материяның көп түрінің бірі орын алады.Материя өзара бір күш немесе бір уақытта қатарынан бір неше күш арқылы үнемі әсерлесіп тұратыны сөзсіз.Ендеше,денелердің қозғалысы олардың өзара әсеріне қаншалықты тәуелді деген сұраққа жауап іздеп көрейік.Ол үшін қозғалатын денені,санау жүйесін анықтап алу қажет.Егер дене көп бөліктерден тұратын күрделі жүйе болса,оның құрамды бөліктерінің өзара әсерін-ішкі әсер деп,ал жүйеден тыс жатқан денелердің әсерін сыртқы әсер деп қарастырайық.Галилейдің кейіннен Ньютоннның орындаған көптеген тәжірибелерінің нәтижесінде жүйенің тұтас қозғалысын тек қана сыртқы әсер күштері өзгерте алатыны дәлелденді.Бұл Ньютонның бірінші заңы немесе инерция заңы деп аталды.Ал қозғалыстың өзгеруі қозғалыс мөлшері деп аталатын физикалық шаманың өзгеруімен теңестіріледі де,қозғалыс мөлшері масса мен жылдамдық арқылы былай өрнектеледі: К=mv

Ньютон дене қозғалысын өзгертетін себеп-тек сыртқы күштер екенін дәлелдеп қоймай,сонымен қатар,сыртқы әсер күшінің қозғалысты қандай заңдылықпен өзгерте алатынын тәжірибе арқылы зерттей отырып,мынадай тұжырымға келді.Дене қозғалысының өзгеруінен пайда болған үдеу сол қозғалысты өзгертуші күшке-тура,ал дененің массасына кері пропорционал болады: a=F/m