Өміртіршілік қауіпсіздігі 1 Дисплейде жұмыс жасағанда еңбек қауіпсіздігін қамтамасыз ету

Дисплеймен жұмыс жасайтын операторға жұмыс істеу барысында келесі зиянды факторлар əсер етуі мүмкін:

• 
  көздің көруіне теріс əсер – адамның көру жүйесі түрлі объектілерді көруге бағытталған (табиғат көріністері, суреттер, баспа мəтіндері жəне т.б.), бірақ дисплеймен жұмыс істеу үшін емес. Дисплейдегі бейне адамның көзі үйренген нысандардан түпкілікті ерекшеленеді – ол жанады, дискрет нүктелерінен тұрады, ол жыпылықтайды, яғни бұл нүктелер белгілі жиілікпен жанып өшеді; түрлі-түсті компьютерлік бейне қалыпты түстерге сəйкес келмейді. Компьютермен жұмыс істеу барысында көздерге қажет босаңсу фазалары болмайды, көздерге көп қысым түседі, олардың жұмыс істеу қабілеті төмендейді.
  
• 
  шағын жарақаттану – күнделікті организмге жасалатын қысым барысындағы ағзаның біртіндеп істен шығуы. Ағзадағы көшілік ауытқулар жинақталған микротравмалардан пайда болады.
  
• 
  қайталанатын жүктеулер мен шақырылған аурулар: қайталанатын қимылдарға, бұлшық еттердің ыдырау өнімдерінің шоғырлануына алып келеді. Бұл өнімдер ауыратын сезімдер тудырады. Ыңғайсыз отыру дағдысы кері қалыпқа жəне бүкірлікке алып келеді.
  
• 
  ақыл-ой қысымы; – эмоционалдық жүктеулер; – еңбектің бірқалыптылығы.