Оқытудың интерактивті әдістерін пайдалану

Бұл технологияның өзін мұғалім түрліше (дәл нұсқау бойынша немесе шығармашылықпен) іске асыруы мүмкін. Бұл жерде технологияны жүзеге асырушының тұлғалық компоненті, белгілі бір ерекшеліктері елеулі түрде әсер етеді. Сонымен бірге оқушының әрекеті, оның қабылдауы, ынтасы, құштарлығы негізгі рөл атқарады.

Интерактивті әдісті қолдану арқылы сабақ үдерісінде білім алушылар мен мұғалімдер арасында тығыз қарым-қатынас орнайды. Ондай қарым-қатынас білім алушылардың әлдебір мәселені талқылап, соның шешімін табуға бағыттайтын тапсырмаларды орындауы кезінде қалыптасады. Онда білім алушылардың жауабынан гөрі мәселенің шешімін табуға талпынғаны маңызды болады. Себебі интерактивті оқытудың басты мақсатының өзі - білім алушыларды өз бетінше ой қорытып, жауап табуға үйрету. Интерактивті әдістеме өзара қарым-қатынастың мол ауқымын қамтиды. Мұнда балалардың бұған дейін алған өмірлік тәжірибелері білім берудің негізгі көзі болып табылады. Бала өзгелермен араласу барысында ашыла түседі, көбірек оқып, тәжірибе жинайды. Бұл мұғалімнің шығармашылық жұмысы мен үлкен еңбегінің жемісі болып табылатын сабақ үдерісін тиімді әдістерді қолдана отырып дұрыс жоспарлауына, ұйымдастыру қабілетіне тікелей байланысты.

Нұсқаулықта ұсынылған тәжірибені әр мұғалім өз қызметінде одан әрі шығармашылық тұрғыда дамытып, жетілдіреді деп ойлаймын.