Нұр Астана 2009 №17 30 сәуір

Еңбек жолын туған жерден бастайды

-Агроном мамандығы ауыл шаруашылығының маманы болғандықтан, олардың негізгі жұмыс орны - ауылдық, аудандық жерлерде. Болашақта ауылда жұмыс істейтінімді мамандықты таңдаған кезде-ақ жақсы түсіндім.

- Өндірістік тәжірибеден соң мамандығыңа деген көзқарасың өзгерді ме?

- Иә, өзгерді. Мамандығыма деген қызығушылығым арта түсті. Егіс алқаптарында болып, өзімді маман ретінде сезіндім. Тәжірибе барысында кейбір қиындықтарды көресің де, оны жеңу үшін көбірек ізденіп, көбірек оқу керек екенін түсіндім.

- Ауылың қай жерде?

- Қостанай облысының Наурызым ауданындағы Қарамеңді деген ауыл.

- Ауылыңда агроном мамандар жеткілікті ме?

- Жеткілікті деп айта алмаймын. Өйткені осы мамандықты бітірген студенттердің көпшілігі ауылдық жерлерге баруға қорқады. Жалақысы аз, жағдай жасалмайды, ауылда тұру қиын деп ойлайды. Алған білімімнің арқасында қазір ауылға барсам мені жұмысқа қабылдайтынына сенімдімін.

- Ауылға қандай жаңа бастамамен бара жатырсың?

- Біз осы оқу орнында жаңа технологияларды, жаңалықтарды оқып үйрендік. Соның ішінде ресурс үнемдегіш технологияның бұрынғы қарапайым технологиядан көп артықшылықтары бар. Ресурс үнемдегіш деп отырғанымыз - аз шығын шығарып, мол, сапалы енім алу жолы. Бұл технологияны мүмкіндігі төмен шаруашылықтар тиімді қолдана білсе, ол қолда бар техниканы пайдалана отырып та сапалы, мол өнім алуға мүмкіндік береді. Бірақ ресурс үнемдегіш технологияны бұрынғы әдістер бойынша оқыған, жастары үлкен агроном мамандар білө қоймайды. Жағдай жасалып, қолдау тапса осы технологияны жүргізуге тырысамын.

- Мамандықты таңдауыма туыстарымның да ықпалы болғанын жасырмаймын. Өйткені, жездемнің шаруа қожалығы бар. Ол кісі, «егер жақсы маман болып келсең, жұмысқа қабылдаймыз», - деп еді. Тәжірибеден де сол жерден өтіп келдім. Өндірістік тәжірибе кезінде мамандығыңды өз деңгейінде жақсы меңгеру үшін ең алдымен ізденіс, құштарлық керек екеніне көз жеткізіп қайттым.

- Бітірген соң туған ауылыңа барасың ғой?..

- Иә, бұйыртса, жұмысты Ақтөбе облысы Әйтеке би ауданындағы Тереңсай деп ата-латын өз ауылымнан бастаймын,

- Ауылда қаладағыдай жағдай жоқ, жалақы аз деп жатады, ол саған кедергі болмай ма?

- Ауылда өскен баламыз ғой. Бәріне де шыдаймыз. Қала балаларының ауыл үшін жаны ауыра қоюы екіталай. Сондықтан сол ауылда туып-өскен - біздер бармасақ, ауылдың жағдайын басқа кім көтереді? Осы мамандықты таңдағаныма өкінбеймін. Жастардың көбі заңгер, экономист мамандықтарын таңдап жатады. Бірақ олардың бәріне жұмыс та табыла бермейді.

- Ауыл шаруашылығын көтеруге жас мамандар қажет. Бүгінде жұмыс істеп жатқан агрономдардың барлығының дерлік жастары келген. Ал ол кісілер оқыған кезде ауыл шаруашылығында қолданылатын әдістер басқаша еді. Ол әдістер ескерді, Қазір жаңа технологиялар келіп, соны әдістер, өзге гербицидтер (зиянкестерге, арамшөптерге қарсы қолданылатын жаңа препараттар М.А) қолданылады. Ал сол жаңа әдістерді біздер оқып үйреніп, Германиядан, Австралиядан, Швециядан әкелінген жаңа техниканың тілін де біздер меңгерудеміз. Сондықтан ауылда біздей мамандар қат.

- Ауылға барған соң жұмысыңды неден бастайсың?

- Жаңа технологияны пайдаланып, өзімді көрсетіп, сапалы өнім алу үшін жұмыс жасаймын.