Ms access ДҚбж объектілері. Кестелер, сұраныстар құру

• 1997 Access 97 (MS Office 97 пакеті) 

• 1999 Access 2000 (MS Office 2000 пакеті) 

• 2001 Access 2002 (Office XP пакеті) 

• 2003 Access 2003 (MS Office 2003) 

• 2007 Microsoft Office Access 2007 (MS Office 2007) 

• 2010 Microsoft Office Access 2010 (MS Office 2010) 

Microsoft Access бағдарламасы ол – кез-келген фирма, мекеме, шағын кәсіпкерлік шаруашылықтар бір-бірі туралы  мағлұмат алу үшін немесе келісу үшін, арнайы қағаздар толтырып, құжаттар дайындап, қағаздардың санын көбейтіп әуре болмайды. Мұның бәрін осы бағдарлама жасайды. Бұл бағдарламада кесте түрінде, сызба түрінде, кез-келген фирманың толық мағлұматтары болады. Оны алып қарап, онымен тікелей жұмыс жасай беруге болады. 

Microsoft Access бағдарламасы  көбінесе, баспа қызметтерінде, жоба жасау, типография-лық және жалпы инженерлік саланың бәрін де қызмет етеді. Сонымен қоса конструктілік тәсілдердерді орындау, кестелермен жұмыс жасау салаларын да қамтиды. 

MS Access кіру жолы: пуск – все программы – MS Office – MS Access.

MS Access-те бүкіл ақпарат кестелерде беріледі. Кесте - деректер қорының негізі болып табылады. 

Сұраныс деректер қорынан ақпаратты алады, әрі мұнда деректер бірнеше кесте арасында бөлінген болуы мүмкін. MS Access-те сұранысты пішімдеу үшін үлгі бойынша сұрату деген әдіс қолданылады. Визуалды ақпарат негізінде бұл әдісті қолдана отырып бір немесе бірнеше кестелерден қажетті деректерді алуға болады. 

Оның негізгі атқаратын қызметтері:

- Негізгі объектілерді, яғни кестелерді жобалау;

- Кестелер арасында байланыстар орнату;

- Кестелерге мәліметтер енгізу, оларды сақтау, қарау, сұрыптау, сүзгілеу, түрлендіру;

- Туынды объектілерді – пішім, сұраныс, есеп беру, макрос, модуль – құру, түрлендіру және қолдану.

Microsoft Access-тің әрбір нысанын құрудың кем дегенде 2 тәсілі бар: Конструктордың немесе Шебердің көмегімен. Конструктор режимінде нысан құрылады немесе оның құрылымы өзгереді, ал Шебер режимінде нысандардың дайын үлгілері ұсынылып қолданушыға таңдау мүмкіндігін береді.

Деректер қорының көпшілігі кестелік құрылымға ие. Бұрыннан білетініміз бойынша, кестелік құрылымда мәліметтердің адресі бағандар мен жолдардың қиылысуымен анықталады. ДҚ-да бағаналар өрістер, ал жолдар — жазбалар деп аталады. Өрістер ДҚ-ның құрылымын құрайды ал жазбалар ондағы ақпаратты құрайды.

Өрістер — бұл мәліметтер қоры құрылымының негізгі элементтері. Олар қасиеттерге ие. Өріске қандай мәліметтер типін енгізуге болатыны немесе болмайтыны және өрістегі мәліметтермен қандай амалдар жасауға болатыны оның осы қасиеттеріне байланысты. Мысалы, Баға өрісіндегі берілгендерді қосып, қорытынды нәтижені алуға болады, ал Телефон өрісіндегі берілгендерді қосудың еш мәні жоқ. Аталған өрістердің қасиеттерінің және типтерінің әр түрлілігін аңғару қиын емес.

Деректер қоры – бұл ақпарат, яғни деректер арнайы форматта (*.mdb) сақталынатын файл (құжат).  Деректер базасындағы бағандар өрістер деп аталады, ал жолдар – жазулар. Жазулар саны қатты дисктің сыйымдылығымен шектеледі. Өрістердің максималды саны –255. 

Microsoft Access МҚБЖ жұмыс жасайтын негізгі мәндер типтері:

1. 
   Мәтіндік (Текстовый) – форматталмаған, мөлшері шектелген (255 символ) мәтіндік мәндер типі;
   
2. 
   Мемо өрісі (Поле Мемо) - көлемі үлкен (65 535 символға дейін) мәтіндерді сақтауға арналған арнайы мәндер типі. Физикалық тұрғыдан алғанда мәндер өрісте емес басқа жерде сақталады, ал өрісте оның көрсеткіші сақталады;
   
3. 
   Сандық (числовой) – нақты сандарды сақтауға арналған мәндер типі;
   
4. 
   Дата/уақыт (дата/время) – календарлық мерзім мен ағымдағы уақытты сақтауға арналған мәндер типі;
   
5. 
   Ақшалық (денежный) – ақшалық соманы сақтауға арналған мәндер типі;
   
6. 
   Санауыш (счетчик) – жазбалардың реттік нөмірін жазу үшін автоматты өсіп отыратын ерекше (өрісте қайталанбайтын) натурал сандарға арналған арнайы мәндер типі;
   
7. 
   Логикалық – логикалық мәндерді сақтауға арналған. Тек Иә (Да) немесе Жоқ (Нет) мәндерін ғана қабылдайды;
   
8. 
   OLE объект өрісі – OLE объектілерін сақтауға арналған арнайы мәндер типі;
   
9. 
   Гиперсілтеме (гиперссылка) – интернеттің Web-объектілерінің URL адрестерін сақтауға арналған арнайы өріс. Сілтемеге тышқанды шерткенде браузер автоматты түрде іске қосылып, нысан терезеде бейнеленеді;
   
10. 
    Алмастыру шебері (Мастер подстоновок) – арнайы мәндер типі. Бұл объектіні баптау арқылы өріске мәндерді енгізуді автоматтандыруға болады, мәселен ашылатын тізімнен таңдау.