Монография / Аида Сағынтаева, Әсел Қамбатырова, Лаура Қарабасова

197
Назарбаев Университеті Жоғары білім беру мектебі
Деректерді жазу үдерісі 
Деректерді жазу сапалық зерттеудің маңызды бөлігі болып 
табылады. Бұл үдеріс зерттеу хаттамаларының көмегімен зертте-
ушінің дерек жинауда ықтимал проблемаларды болжай алуына, 
сондай-ақ деректердің сапасына ықпал етуі мүмкін әдеп мәселе-
лерін қарастыруда деректерді жинауды басқаруға мүмкіндік береді 
(Creswell, 2012).
Ақпаратты жазу үдерісі құжаттар мен визуалды материалдар 
үшін бейресми (есепке алу) немесе ресми (компьютерлік толық 
мәтіндік файлды жасау үшін материалды оптикалық сканерлеу) бо-
луы мүмкін. Зерттеушілер бақылау жүргізіп, сұхбат алуда жиналған 
ақпаратты жазу үшін арнайы әзірленген хаттамаларды пайдала-
нады (Creswell, 2012). Бақылау хаттамасы үшін ол сипаттау (қа-
тысушылардың бейнесі, диалогты қайта құру, аймақты сипаттау, 
нақты оқиғалар немесе әрекеттер жөнінде есеп беру) және реф-
лексиялық жазбалары (зерттеушінің болжамы, сезімі, проблемала-
ры, идеялары, әсері және теріс көзқарасы) бар 2 бағанға бөлінген 
бір бет қана болуы мүмкін. Хаттамада бақылаудың уақыты, орны, 
күні, сондай-ақ демографиялық ақпарат көрсетіледі (Creswell, 
2009). Сұхбаттасу хаттамасы тақырып айдары, күні, орналасқан 
жері, сұхбат алушы, сұхбат беруші, жоба туралы қысқаша ақпарат 
және сұхбат сұрақтары сияқты бөліктерден тұрады (Creswell, 2013) 
(8.4-кестені қараңыз).

198
Білім беру зерттеулеріне кіріспе: теория, әдістер және тәжірибелер
8.4-кесте 
Сұхбаттасу хаттамасының үлгісі (Kambatyrova, Orynbassarova & Zhaksybay, 2017)

жүктеу 2,34 Mb.

Достарыңызбен бөлісу: