Ғылым және ғылыми еңбек туралы ұғымы

Ғылым адамның қызметі туралы жиналған білімдердің жүйесі. Ғылым алынған мәліметтерді терең меңгеруге, қорытуға, бір жүйеге келтіруге, терең түсінуге және практикада игеруге бағытталған.

Ғылым деген түсінік: білім жүйесі, адамдардың, мекемелердің, ұйымдардың жұмысы.

Ғылымның үш түрі болады: табиғат туралы ғылым (жаратылыстану), қоғам ғылымы (қоғамтану) және ой ғылымы.

Ғылым қоғамның рухани өмірінің құбылысы ретінде адамның сана сезімінде пайда болады.

Жиналған білім а) не теорияны әрі қарай дамытуға, б) не адамгершілікті, өнегелілікті жетілдіруге, в) не өндірістік практикаға бағытталады. Өндірістік практика деп табиғатты зерттейтін ғылымдардың жетістіктерін практикада пайдалануға арналған инженерлік қызметтерді айтады. Кейінгі кезде, күрделі техникаларды меңгеруде адам факторының маңызы зор болып жүргендіктен ой ғылымдарына көп көңіл бөліне бастады.

Инженерлік қызметтің дамуының арқасында ғылыми-техникалық зерттеу жұмыстары бұл салада белгілі орын ала бастады. Инженерлік практикада жиналған техникалық білім мен техникада пайдаланылатын табиғи ғылымның білімдерін бір жүйеге келтіру керектігі инженерлік қызметтердің әртүрлі салаларын қамтитын ерекше жаңа ғылымдардың пайда болуына себеп болады.

Инженерлік қызмет қазір күрделі және әр салалы болып бара жатыр.

Ғылыми-зерттеу жұмыстарының белгілері мен ерекше нышандары болады.

Төменде оның кейбір белгілері келтіріледі:

• 
  бірігу (екі ғылымның өз ара байланысы, бірігуі, мысалы астрофизика, биохимия);
  
• 
  ғылым мен өндірістің тығыз байланысы;
  
• 
  математиканы, ЭВМ-ді қолдану;
  
• 
  жаратылыс ғылымдарының тез даму заңы;
  
• 
  ғылымтану ілімінің (ғылым туралы ғылым) пайда болуы.
  

• 
  жаңалығы және бірегейлігі (оригинальность);
  
• 
  өте ерекшелігі (уникальность);
  
• 
  ықтималдық қасиеті, тәуекелділігі;
  
• 
  алынған мағлұматтың дәлелденгіштігі.