«Алматы облыстық білім басқармасы» ММ
«Талдықорған гуманитарлық-техникалық колледжі» МКҚК
Менің отбасымның дәстүрлері мен тарихы
(тәрбие сағаты)
298 топ кураторы: А.И.Имаммагзумова
Талдықорған, 2020ж
Тақырыбы: Менің отбасымның дәстүрлері мен тарихы
Мақсаты:
Білімділік: Бала тәрбиесіндегі ата-ананың алатын орнының ерекше екендігін түсіндіру, отбасы тарихы, дәстүрлері туралы әңгіме жүргізу
Дамытушылық: Халқымыздың тәлім-тәрбиесі ананың ақ сүтімен, әже өнегесімен, ата ақылымен берілетін білім, өзіндік ұлттық қасиетімізді балалардың бойына дарыту;
Тәрбиелік: Отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, сыпайы, инабатты болуға тәрбиелеу.
Әдісі: әңгімелесу, пікір алмасу
Көрнекілігі: отбасы туралы презентация, бейнероликтер.
Тәрбие сағатының өтілу барысы:
І. Ұйымдастыру кезеңі.
а) студенттерді түгендеу
ә) тәрбие сағатының мақсатымен таныстыру
ІІ. Алдымен балалар сабағымызды бастамас бұрын мынандай ойын ойнап жіберейік. Бұл ойынды мынадай жұмбақтар шешу арқылы ойнаймыз
Әкелеріңнің әкесі сендерге кім болады?
Әкелеріңнің анасы кім болады?
Отбасының тірегі кім?
Үйдегі алтын қазық кім?
Өзі әкенің ізін қуатын, ал өзінің ізін артындағыларға қуғызатын, әке жоқ кезде әке орнына әке рөлін атқаратын кім?
Ағадан кейін өмірге қыз бала келсе кім дейміз?
(Әр жұмбақтың шешуіндегі адамдарды тақтаға іліп, отбасы сөзін шығару)
ІІІ. Бүгін біз бір ғажайып әлем туралы сыр шертеміз. Қалай ойлайсыздар ол қандай әлем болуы мүмкін. Ол сіздер өскен шағын мемлекет, яғни жанұя бірлігі, ынтымақтастығы, достығы, өзара сыйластықтары.
Сыйластық, жарастық орнаған орта; шағын мемлекет;ата-әже, әке-шеше; қоғамның басты негізі; бала тәрбиесінің алғашқы ұжымы; адам ғұмырының тірегі.
Отбасы әр адамның шағын отаны. Отбасынды өсіп-өніп тәрбие алады. Біз жастаймыздан өзгелерге қамқор болуды, ата-ананы үлкендерді сыйлауды, жақсы көруді отбасынан үйренеміз. Бізге ең жақын ең қымбат жандар отбасында яғни бірге жанымызда болады. Отбасы ата –әженің ұрпағынан тарап, шағын мемлекетке айналады. Отбасы- Бірге тұратын, бір -біріне қамқорлық жасайтын және ортақ шаруашылық жүргізетін бір үйдің адамдары.
Отбасы-адамзат бесігін тербеткен баланың бас ұстазы. Ұлтымызда «Ұяда не көрсең, ұшқанда соны ілерсің» деген дана сөз бар. «Балапан қыран болу ү.шін оны самғатып ұшыратын ата немесе әке де қыран болу керек» деп отбасылық тәрбиеге ерекше тоқталған. Әр отбасында ата-ананың орын бөлек. Бала әкеден ақыл, анадан мейірім алады. Әке-шаңырақ иесі. Отбасы мүшелерінің жауапкершілігі толығымен ер-азаматқа жүктеледі. Әйел-отбасының ұйытқысы. Баланы өсіріп тәрбиелеу-әйел-ананың тікелей міндеті.
Енді балалар әр отбасына келетін болсақ, әр отбасының өзінің дәстүрі бар сол жайлы әңгіме жүргізсек:
Әңгіме жүргізу. Әр бала өзінің отбасындағы дәстүрлері жайлы айтып береді
Отбасы мүшелерімен таныстырып өту
Отбасымен қандай мерекелерді қарсы аласыңдар?
Туған күндеріңді қалай тойласыңдар?
Дастарханға отырарда қанадй әдеп сақтайсыңдар?
Ата әжесімен тұратын балалардың отбасында қандай дәстүрлер сақталған?
Бақытты отбасы дегенді қалай түсінесіздер?
Ситуациялық жағдайлар:
Ата-анаңды мектепке шақырса үнемі келмейді, сол үшін ұстазың саған
ренжиді. Осындай жағдайда сен не істейсің?
Сенің досың шамалы бұзықтау бала. Бұған ата-анаң «Досына қарап
өзін таны» деп, мына жолдасың маған ұнамайды, онымен бірге жүруді қой деді. Не істер едің?
Анаң жұмысқа кетер алдында «Балам, менің бүгін жұмыстағы ең ауыркүнім, кешігіп келемін. Ал сен мен келгенше үйді жинастырып, шай тамағымды дайындап қой!»-деп бұйырып кетті. Сен болсаң кешке дейін далада ойнап дәл анаң келер уақыттан 15 минут бұрын ғана үйге кірдің. Ешнәрсеге үлгере алмадың. Осы кезде есіктің қоңырауы соғылды. Не істейсің?
Қорытынды
Қорыта келсек, бұл дүниенің бақыты мен ләззаты, қуанышы мен шаттығы тек ата-ананы құрметтеу арқылы ғана баянды болмақ. Әке-шешеге деген сый-құрмет, олармен жақсы қарым-қатынас күмәнсіз үй-ішіне береке кіргізеді. Бұл дүниеде ата-анасына қамқорлық жасап, балалық махаббатын арнаған перзент ертең ақиретте пайғамбарлармен бірге еш қиындықсыз жәннатқа кіреді. «Отбасының жемісі – тәрбиелі ұл мен қызы» деген, мақтан етер ұрпағымыз көбейсін. Ұрпағына мақтаныш болар қазыналы қарттарымыз көп болғай. Қазақтың әр отбасының керегесі кең, шаңырағы берік, еліміз аман, жұртымыз тыныш болсын!
Тақтадағы алтын түстес ағашқа әр оқушы отбасы туралы түйін сөздерін немесе отбасын қалай жақсы көретіндіктерін, отбасын қалай құрметтейтіндіктерін бір-бір сөз арқылы алтын жапырақтарға жазып іледі. Яғни «Отбасы-алтын діңгек» екенін дәлелдейді.
Достарыңызбен бөлісу: |
