Мейірхан Асылжан 20-12 9-10 апта тапсырмалары Тақырыбы: «Алғашқы дәрігерлік көмек көрсету»

Сонымен қорытындылай келе алғашқы көмек – ол адамның өмірін құтқаруға бағытталған жедел шаралар кешені. Жазатайым жағдай, сырқаттың кенеттен қысуы, улану – осы және басқа төтенше жағдайларда білімді алғашқы көмек қажет. Заң бойынша, алғашқы көмек медициналық болып саналмайды – ол дәрігерлер келгенше көрсетіледі немесе зардап шегуші госпиталданады.

Алғашқы көмекті сол сәтте зардап шегушінің қасында болған кез келген адам көрсете алады. Бірақ азаматтардың кейбір санаты үшін алғашқы көмек көрсету – қызметтік міндеті. Бұл жерде сөз полиция қызметкерлері, әскериқызметшілер, құтқарушылар, өрт сөндірушілер, және, әрине, медицина қызметкерлері туралы. Алғашқы көмек көрсете білу – қарапайым, бірақ әрбір адам білуі тиісті өте маңызды дағды. Шұғыл жағдайда ол біреудің өмірін құтқара алады. Сіздердің назарларыңызға алғашқы көмек көрсетудің 10 базалық дағдысын ұсынамыз.

Абдырап қалмай, алғашқы көмекті дұрыс көрсету үшін мына әрекеттер тізбегін сақтау маңызды:

1. 
   Өзінің, зардап шегушінің және айналасындағылардың қауіпсіздігін қамтамасыз ету (мысалы, зардап шегуші адамды жанып жатқан автокөліктен шығару).
   
2. 
   Зардап шегушінің өмір белгілерін (пульс, тыныс алуы, қарашығының жарыққа реакциясы) және есін білуін тексеру. Тыныс алуын тексеру үшін зардап шегушінің басын шалқайтып, оның ауызы мен мұрынына қарай еңкейіп, тыныс алуын естуге немесе сезінуге тырысу керек; пульсті «тыңдау» үшін зардап шегушінің күре тамырына саусағыңыздың басын қою қажет; есін бағалау үшін зардап шегушіні иығынан ұстап, ақырын қозғап, қандай-да бір сұрақ қою қажет (мүмкіндігіне қарай).
   
3. 
   Оқиға орнына мамандарды шақыру (112 – ұялы телефоннан,қалалық телефоннан – 103 (жедел жәрдем) немесе 101 (құтқарушылар).
   
4. 
   Шұғыл алғашқы жәрдемді көрсету.
   

- тыныс алу жолдарының өтуін қалпына келтіру;

- жүрек - өкпе реанимациясы;

- қан кетуді тоқтату және басқа шаралар.

5. 
   Зардап шегушіге дене жайлылығын және психологиялық көмек көрсетіп, мамандардың келуін тосу. Осы жоғарыда айтылған шаралардың барлығын әрбір адам өзі және өзге жанның өмірі үшін жадына тоқып, біліп жүруі қажет, ең бастысы сасқалақтамау.
   

Әдебиеттер тізімі

1 Приходько Н.Г. Тіршілік әрекетінің қауіпсіздігі: Дәріс сабағы. - Алматы: «Әділет» ЖСДП, 2015 ж.

2 Кулакова Н.Ф., Приходько А.Е. Еңбекті қорғаудың нормативтік-құқықтық базасы. Тәжірибелік және өзіндік жұмысты орындауға арналған нұсқаулық, Астана 2015 ж