Қашықтықтан оқытуға қажетті техникалық құралдар

жеке компьютердің, ноутбуктің, планшеттің немесе смартфонның болуы; камера мен құлаққаптың болуы; Интернетке қол жетімділік; LMS Moodle.nkzu.kz сайтына кіру (пайдаланушы аты мен пароль)..

6. 
   Кәсіптік практиканы ұйымдастыру мен өткізу және кәсіпорындарды (ұйымдарды) практикалар базасы ретінде анықтау саясаты
   

5. 
   
   
   1. 
      Білім алушылардың кәсіптік практикасы ББ құрамдас бөлігі болып табылады және білім алушыларды практика базаларында кәсіптік-практикалық жағынан даярлауды көздейтін оқу үдерісін ұйымдастыру формаларының бірі болып табылады.
      
   2. 
      Кәсіптік практика теориялық оқытудың жалғасы болып табылады және ББ-да оқу мақсаттары мен оқу нәтижелерінің бірлігін болжайтын оқу пәндері бар модульге енгізіледі. Бұл ретте кәсіптік практиканың әр түрі түрлі модульдерге жатады.
      
   3. 
      Кәсіптік практика білім алушылардың жалпы кәсіптік және кәсіптік құзыреттіліктерін меңгеру үдерісінің үздіксіздігін және реттілігін қамтамасыз етуге бағытталған және 1- курстан жоспарланады.
      
   4. 
      Білім алушылардың кәсіптік практикасы оқу, педагогикалық, өндірістік, диплом алдындағы және зерттеушілік болып бөлінеді.
      
   5. 
      Кәсіптік практиканың түрлері, мерзімдері, мазмұны ББ, академиялық күнтізбемен және практиканың оқу бағдарламаларымен анықталады. Кәсіптік практиканың әрбір түрінің өзіндік мақсаттары, міндеттері бар, соның негізінде кәсіптік практиканың тиісті базасы анықталады.
      
   6. 
      6В01 Педагогикалық ғылымдар және 6В10 Денсаулық сақтау және әлеуметтік қамтамасыз ету (медицина) білім беру салаларының ББ қоспағанда бакалавриаттың барлық ББ-сының кәсіптік практикасы оқу, өндірістік және диплом алдындағы болып бөлінеді. 6В01 Педагогикалық ғылымдар білім беру саласының ББ бойынша оқу, психологиялық-педагогикалық, педагогикалық және диплом алдындағы кәсіптік практикалары болып бөлінеді.
      
   7. 
      Магистранттар мен докторанттардың кәсіптік практикасының келесі түрлері бар: педагогикалық практика, өндірістік практика, зерттеу практикасы.
      
   8. 
      Оқу практикасы ЖОО-ның құрылымдық бөлімшелері мен зертханаларында, басқа ұйымдарда (білім беру, өндірістік, ғылыми-зерттеу, жобалау) жүргізіледі, олардың негізгі қызметі берілген ББ бойынша оқу бітірушілердің кәсіптік қызметінің нысандары мен түрлерінің болуын алдын ала анықтайды. Педагогикалық практика Петропавл қаласының және СҚО білім беру ұйымдарында, сондай-ақ ҚР және одан тыс жерлерде өткізіледі. Өндірістік практика берілген ББ бойынша білім алған түлектердің білім беру ұйымдарында (білім беру, өндірістік, ғылыми-зерттеу, жобалау) ұйымдастырылады, олардың негізгі қызметі осы ББ бойынша бітірушілердің кәсіби қызметінің нысандары мен түрлерінің болуын алдын ала анықтайды. Зерттеу практикасы М. Қозыбаев атындағы СҚУ базасында немесе магистрлік жұмыстың (жобаның) немесе докторлық диссертацияның эксперименталды немесе тәжірибелік бөлігі жүзеге асырылатын ұйымдар мен кәсіпорындар базасында ұйымдастырылады.
      
   9. 
      Дипломдық жұмысты орындайтын білім алушылар үшін бітіру курстарында диплом алдындағы практика ұйымдастырылады. Диплом алдындағы тәжірибенің мазмұны дипломдық жұмыстың (жобаның) тақырыбымен анықталады. Диплом алдындағы практиканың мақсаты жеке тапсырмаға сәйкес дипломдық жұмысты (жобаны) орындау үшін қажетті материалдарды жинақтау және жүйелеу; дипломдық жұмысты жазу болып табылады.
      
   10. 
       Білім алушылардың кәсіптік практикасының ұзақтығы академиялық кредиттермен анықталады. Практиканың 1 академиялық кредиті 30 академиялық сағатты немесе 1 аптаны (5 күндік жұмыс аптасы кезінде күніне 6 сағат немесе 6 күндік жұмыс аптасы кезінде күніне 5 сағат) құрайды.
       
   11. 
       Практика басталғанға дейін бір айдан кешіктірмей практика базасы болып табылатын кәсіпорындармен, ұйымдармен, мекемелермен практика өткізу бойынша шарттар жасалады.
       
   12. 
       Шарт үш жақты (білім алушы – М. Қозыбаев атындағы СҚУ – практика базасы) да, екі жақты (М. Қозыбаев атындағы СҚУ – практика базасы) да болуы мүмкін. Екі жақты шартта осы базада практикадан өте алатын білім алушылардың ББ атаулары міндетті түрде көрсетіледі.
       
   13. 
       Кәсіптік практиканы өткізуге арналған шарттар МжЖОО-де сақталады.
       
   14. 
       Білім алушыларды практикаға жіберу ректордың бұйрығымен декандардың МжЖОО-ға ұсынған ұсыныстары негізінде ресімделеді.
       
   15. 
       Теориялық оқуды аяқтамаған (академиялық қарызы немесе академиялық айырмасы бар) бітіруші курстың білім алушылары өндірістік және диплом алдындағы практикаға жіберілмейді.
       
   16. 
       6В10 Денсаулық сақтау және әлеуметтік қамтамасыз ету (медицина) білім беру салаларының ББ қоспағанда, жоғары білімі немесе техникалық және кәсіптік немесе орта білімнен кейінгі білімі бар студенттер ББ сәйкес келетін лауазымдарда жұмыс істеген жағдайда оқу, өндірістік және педагогикалық практикадан өтуден босатылады. Бұл жағдайда білім алушылар кафедраға 1 қыркүйектен кешіктірмей атқаратын лауазымы, жұмыс өтілі көрсетілген жұмыс орнынан анықтама ұсынады және кафедра ұсынған жеке тапсырманы орындайды. ББ кәсіби қызметінің саласына сәйкес келмейтін лауазымдарда жұмыс істейтін студенттер белгіленген тәртіппен кәсіптік практикадан өтуге жіберіледі.
       
   17. 
       Білім алушыға практика базасына жіберу кезінде деканның қолы қойылған кәсіптік практикадан өтуге жолдама, кафедра меңгерушісі бекіткен кәсіптік практиканың жоспар-кестесі, практика кезеңіне жеке тапсырма, практика күнделігі беріледі. Университет базасында практикадан өткен жағдайда білім алушыға практикаға жолдама берілмейді.
       
   18. 
       Практика басталғанға дейін білім алушы практиканың жұмыс оқу бағдарламасымен, кәсіптік практика бойынша әдістемелік нұсқаулармен, қажет болған жағдайда медициналық комиссиядан өтуі тиіс.
       
   19. 
       Білім алушылардың практикасына ұйымдастырушылық және әдістемелік басшылықты, оның жүргізілуін бақылауды кафедра мен практика базасынан практика жетекшісі жүзеге асырады.
       
   20. 
       Практика жетекшісі кафедрадан практика басталғанға дейін білім алушыларды практика бойынша нормативтік құжаттармен, практиканттардың құқықтары мен міндеттерімен, практиканттарға қойылатын талаптармен (мерзімі, күн тәртібі және т.б.), практикадан өту орындарындағы қауіпсіздік техникасы бойынша ережелермен, іс-тәжірибе бойынша есеп беру құжаттамасын ресімдеу және тапсыру тәртібімен таныстыруды ұйымдастырады.
       
   21. 
       Қауіпсіздік техникасы бойынша нұсқаумен танысу туралы жазба практика күнделігінде тіркеледі.
       
   22. 
       Практика түрлері басталар алдында кафедралардан практиканың жауапты жетекшісі конференция ұйымдастырып өткізеді. Қажет болған жағдайда практиканың бірнеше практикалары/түрлері бойынша кешенді анықтау конференциясын өткізуге болады. Практика жөніндегі анықтау комиссиясының отырыстары хаттамаланады.
       
   23. 
       Практика базасынан тағайындалған басшылар шарт талаптарына сәйкес жұмыс жоспар-кестесін және жұмыс оқу практикасының бағдарламасын табысты орындау үшін барлық қажетті жағдайларды жасайды.
       
   24. 
       Практика барысында білім алушы практика бағдарламасын және практика бағдарламасында қарастырылған жеке тапсырманы толық орындауы, практика күнделігін жүргізуі, практика базасында қолданылып жүрген ішкі еңбек тәртібінің ережелеріне бағынуы, еңбекті қорғау, қауіпсіздік техникасы мен өндірістік санитария ережелерін қатаң сақтауы тиіс.
       
   25. 
       Білім алушының практика бағдарламасында көзделмеген жұмыстарға қатыспауға, мамандық бейіні бойынша ақылы лауазымдарға бос орындар болған жағдайда қабылдануға, кәсіптік практиканы жетілдіру (жақсарту) бойынша ұсыныстар енгізу құқығы бар.
       
   26. 
       Практика қорытындысы бойынша білім алушылар тиісті кафедраға есеп береді, оны практика жетекшісі тексереді және кафедра меңгерушісінің өкімімен құрылған комиссия алдында қорғайды. Практика нәтижелерін практика жетекшілері болып табылатын оқытушылар аттестаттау ведомосына енгізеді. Ведомость аттестаттау ведомосінде көрсетілген күні СТҚКО-ға тапсырылады.
       
   27. 
       Кәсіптік практикадан өтпеген, кәсіптік практика бағдарламасын орындамаған, жұмысы туралы теріс пікір немесе есепті қорғау кезінде қанағаттанарлықсыз баға алған білім алушылар келесі академиялық кезеңде немесе жазғы семестрде ақылы негізде практикаға қайта жіберіледі.
       
   28. 
       Төтенше жағдай режимі және/немесе карантин режимі кезінде университетте кәсіби тәжірибе М. Қозыбаев атындағы СҚУ-да қашықтықтан оқыту технологияларын қолдану арқылы білім беру үдерісін ұйымдастыру ережелеріне сәйкес ұйымдастырылады.
       

6. 
   
   
   жүктеу 1,31 Mb.
   
   Достарыңызбен бөлісу: