Білім алушыларды оқу пәндеріне тіркеу саясаты
М. Қозыбаев атындағы СҚУ-да оқыту нәтижелеріне қол жеткізуге бағытталған оқытудың білім алушының жеке білім траекториясын таңдау және дербес жоспарлау негізінде жүзеге асырылатын кредиттік оқыту технологиясы іске асырылады.
Оқытудың кредиттік технологиясына сәйкес әрбір білім алушы міндетті түрде оқу пәндеріне тіркелу (жазу) және қайта тіркелу процедурасынан өтеді.
М. Қозыбаев атындағы СҚУ білім алушыларды оқу пәндеріне тіркеу процедурасы шеңберінде оқытуды барынша дараландыру үшін жағдай жасайды, ЭПК-ге енгізілген пәндермен (немесе) модульдерді және оқытушыларды таңдау еркіндігін жүзеге асырады, білім алушылардың ЖОЖ қалыптастыруға тікелей қатысуын қамтамасыз етеді.
Білім алушылардың негізгі білім беру бағдарламасы бойынша пәндерді таңдау және игеру тәртібі пререквизиттердің болуы есепке алына отырып жүзеге асырылады.
Білім алушылардың қосымша білім беру бағдарламасы бойынша пәндерді таңдау және игеру тәртібі аралас немесе бейінді ББ бойынша қосымша құзыреттіліктерге ие болу үшін, сондай-ақ білім алушының жеке қажеттіліктерін қанағаттандыру үшін жүзеге асырылады.
Білім алушыларды оқу пәндеріне тіркеуді СТҚКО ұйымдастырады. Ұйымдастыру-әдістемелік және кеңес беру жұмыстарын жүргізу үшін эдвайзерлер тағайындалады.
Білім алушыларды оқу пәндеріне тіркеу академиялық күнтізбеге сәйкес жүзеге асырылады.
Ағымдағы оқу жылында ББ-ға қабылданған білім алушылар қабылдау туралы бұйрық және формальды және формальды емес білім беру нәтижелерін тану рәсімі шыққаннан кейін 25-31 тамыз аралығында оқу пәндеріне тіркеу процедурасынан өтеді.
2-5 курс білім алушылары оқу пәндеріне тіркелу процедурасынан 1-15 наурыз аралығында өтеді.
Білім алушыларды оқу пәндеріне тіркеу процедурасы алдында 21-28 ақпан аралығында деканаттар ұйымдастыратын ұйымдастыру апталығы өтеді.
Ұйымдастыру апталығы аясында факультет декандары бекіткен кестеге сәйкес эдвайзерлер білім алушыларға кеңес береді және оқытушылар оқу курстарының тұсаукесерлерін өткізеді.
Эдвайзерлер консультацияларда міндетті түрде білім алушыларды КББТ, ББ, ЭПТ ережелерімен таныстырады, КББТ қағидаларын, оқылған пререквизиттер негізінде ЖОЖ қалыптастыру тәртібін, оқу сабақтарына академиялық ағымдарды қалыптастыру принциптерін түсіндіреді, қосымша білім беру бағдарламасын (Minor) анықтауға көмектеседі.
Оқытушылар оқу пәндерін (ЖБП циклінің міндетті пәндерін, БП және БП циклдерінің ЖОО компоненттерінің пәндерін, ЖБП, БП және БП циклдерін таңдау компоненттерінің пәндерін) таныстыру барысында білім алушыларды оқу пәндерінің мазмұнымен, талаптарымен, оқу сабақтарында қолданылатын технологиялармен және әдістермен таныстырады.
Білім алушының оқу пәндеріне тіркелуі барысында пәнді, оқытушыны және пәнді оқу тілін (қазақ, орыс немесе ағылшын) таңдауға мүмкіндігі бар.
Білім алушы оқу пәндерін, оқытушыларды және пәнді оқыту тілін таңдауды жеке білім беру қажеттіліктеріне сәйкес ерікті түрде жүзеге асыра алады.
Егер пәнге Университет белгілеген ең төменгі саннан аз білім алушы тіркелсе, ол пән тиімсіз болып саналып, білім алушылар қайтадан тіркеуден өтулері керек.
Ағымдағы оқу жылында қабылданған білім алушылар үшін оқу пәндеріне қайта тіркеу процедурасы 1-5 қыркүйек аралығында, 2-5 курс білім алушылары үшін 1-15 сәуір аралығында, пәндермен/немесе кәсіптік практиканы жазғы семестрде игеретін 2-5 курс білім алушылары үшін 25-30 тамыз аралығында өткізіледі.
Таңдау және пәнге жазылу негізінде білім алушының оқу жылына арналған Жеке оқу жоспары (ЖОЖ) құрылады.
Білім алушылардың ЖОЖ-ын факультет деканы үш данада бекітеді: біреуі деканатта сақталады және білім алушының ББ-ны орындауы мен игеруін бақылауды жүзеге асыру үшін негіз болады, екіншісі аралық аттестаттауды ұйымдастыру үшін СТҚКО-ға беріледі, үшіншісі білім алушыға тапсырылады.
Жеке оқу жоспарлары: ағымдағы оқу жылында қабылданған білім алушылар үшін 10 қыркүйекке дейін, 2-5 курс студенттері үшін 30 сәуірге дейін, 2-5 курс студенттері үшін 1 қыркүйекке дейін, пәндерді және/немесе кәсіптік практиканы жазғы семестрде игеретін 2-5 курс студенттері үшін 1 қыркүйекке дейін әзірленеді және бекітіледі.
Факультет деканы процедураны бекіткеннен кейін білім алушының ЖОЖ-ын өзгертуге жол берілмейді.
Егер білім алушы белгіленген мерзімде оқу пәндерін таңдауды жүзеге асырмаса, пәндерге тіркелмесе және өзінің ЖОЖ-ын қалыптастырмаса, онда оның оқу негізіне осы курстың жұмыс оқу жоспары қолданылады, бұл ретте таңдау бойынша пәндерді факультет деканы анықтайды.
Достарыңызбен бөлісу: |
